Iri ku kɔ̃ iyi í dɔ̃ í re 2:3 - Bibeli do fee

³ awaasũm iyi í wa si aninii kpaasiɛ ŋa í yɛi bɛi jĩi iyi í ya so si aninii jĩi mmu ŋa si inɔ agbo. Si abɛ jĩjĩɛi ǹ ya n bi ku buba, nɔ isoɛ ŋa à ya dɔ̃ɔm sii ntɔ ntɔ.

Iri ku kɔ̃ iyi í dɔ̃ í re 2:3 Iomraidhean Croise

Iri ku kɔ̃ 45:2

Idɔm wa yaya na laabaau didɔ̃ do ide jiida ŋa iyi an fɔ bi ilaalu. Nɔ ǹ bi gɛlɛm ku yɛi bɛi mii ku kɔi woo mà kukɔ jiida.

Iri ku kɔ̃ 45:3

Awɔi ì sĩa ì re inɛ fei, nɔ ide didɔ̃i í wa si gɛlɛɛ, na ŋɔi í jɔ̀ Ilaaɔ̃ í weeɛ hee do ajɔ fei.

Iri ku kɔ̃ 57:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do imu iyi wa ni, maà jɔ̀ ku ce nfe. Iriu wa fɔ idei waati iyi Davidi í ba í saa Saulu í koo í manji si isai kutau.

Iri ku kɔ̃ 89:6

Aɔ̃ Lafɛ̃ɛ, inɛi lelei Aɔ̃ ŋa à waa saabuɛ na icɛ maamaakeɛ ŋa. Nɔ amalekaɛ ŋa mɔ à waa fɔ dee dee ku jɛɛ.

Iri ku kɔ̃ 91:1

Inɛ iyi í wa bi Ilaaɔ̃ hee lele jĩijĩ, á maa sĩmii si jĩjĩi ilu gbugbã feiu.

Iri ku kɔ̃ iyi í dɔ̃ í re 1:16

awɔ iyi ǹ bi, awɔ awaasũ kusĩai. Awɔi í sĩaam si. Daayi nwa í yɛi bɛi fɔfɔ tũtũ.

Iri ku kɔ̃ iyi í dɔ̃ í re 2:5

Kubi í jɔ̀ ǹ wa n ce bɔ̃ɔ nɔ ǹ ni ku muum gbugbã do kaa didɔ̃ nɔ ku tũ idɔm do isoi jĩi ŋa.

Iri ku kɔ̃ iyi í dɔ̃ í re 4:13

Amaawɔɛ ŋa à yɛi bɛi amaawɔi jĩi ndii gerenadi iyi í nɛ iso ku dɔ̃ ku jɛ ŋa, bɛi jĩi ku nɛ inunu jiida ŋa, do bɛi jĩi iyi à ya kpe hɛnee do naadi,

Iri ku kɔ̃ iyi í dɔ̃ í re 4:16

fufui awɔ njɛi kpãai inunu, dede. Fufui awɔ cangai kpãai inunu, naa wa. I dede si lambom nɔu nɔ i jɔ̀ inunu didɔ̃ɛ ŋau a fangaa ŋa. Inɛ iyi ǹ bi jiidau ku lɔ si lambou nɔ ku ba iso didɔ̃ɛ ŋa ku jɛ.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Iri ku kɔ̃ iyi í dɔ̃ í re 7:13

Daadaakɔ aa ka dedei ka bɔ si ikoi rezɛ̃ɛ ŋa, kaa cɔ mà à wu kpɔtɔɔ, walakɔ bii koko ŋau à fũ, nɔ ka cɔ bii jĩi ndii gerenadi ŋau à da koko. Bɛi an nyisiɛ kubi.

Iri ku kɔ̃ iyi í dɔ̃ í re 8:11

Salomɔɔ í nɛ ikoi jĩi ndii rezɛ̃ɛ í wa Baali-Hamɔɔ, nɔ í so ikou í daa woo degbe ŋa si awɔ. Waati iyi aa ka isoi jĩi ndii rezɛ̃ɛ nŋa, inɛ akã nŋa fei isɔ fũfũ dubu akãi a ya sãa.

Iri ku kɔ̃ iyi í dɔ̃ í re 8:12

Ikoi jĩi ndii rezɛ̃ɛm, amui ǹ nɔɔ. Salomɔɔ, isɔ fũfũ dubu akãu, titɛɛi. Kpɛkɛlɛ cĩɔ minji ŋau, ti woo degbe ŋaui.

Iri ku kɔ̃ iyi í dɔ̃ í re 8:5

Inaabo yoomai wa baa hai do ikpa gbaa wa gbe si inɛ iyi í biu. ǹ jĩɛ wai hai si abɛi jĩi ndii kubi tengi bii iyeɛ í so asĩɛ nɔ í bíɛ.

Ezai 25:4

Ntɔ ntɔ, awɔi ì jɛ bi ku manjii hai nɛ gbugbã, nɔ ì jɛ bi ku manjii inɛ iyi í wa si inɔ kufɔ. Awɔi ì jɛ bi ku manji waati iyi ijĩ nla nla wa wɔ. Awɔi ì jɛ jĩjĩ si waatii inya gbãa. Ntɔ ntɔ, fufui amii inɛ laalɔ ŋa í yɛi bɛi ijĩ nla iyi wa fɛ si idĩ.

Ezai 32:2

Inɛ akã akã nŋa fei, á jɛi bɛi bi kuwa na fufu do bi ku manji na ijĩ nla nla iyi á naa anu akã do gbugbã, do bɛi inya iyi à ce bii inyi á too si ku maa bɔ si ilɛ ngbɛ, do bɛi jĩjĩi kuta nla gɔ si ilɛ ngbɛ.

Ezai 4:2

Ajɔ akã, mii iyi Aɔ̃ Lafɛ̃ɛ á jɔ̀ ku fita si ilɛi Izirɛli, inɔ didɔ̃ do amboei á jɛaa inɛ ŋa iyi à ba à gbe si inɔ ilu Zeruzalɛmu. Mii iyi á ce si ilɛu, inɔ didɔ̃ do bɛɛrɛ nla nlai á jɛ nŋa.

Ezai 4:6

Kuwaɛ si anini nŋa bɛi á ya jɛ nŋa bɛi jĩjĩi jĩi iyi á maa bii ŋa dasã bii inya wa gbãa, nɔ si abɛɛi aa ya ba a manji bii ijĩ wa wɔ do fufu.

Ezekiɛli 47:12

Si itĩi inyiu cingaa do cingaa fei, jĩi kuso ŋa aa fitai dimi ikã ikã fei. Wua nŋa ŋa a kaa ya gbɛ, nɔ aa ya maa soi waati kãma fei. Cukpa fei aa ya so iso titɔ̃i si na iyi í jɔ̀ inyi iyi wa cã si ŋa wa, wa naai hai si kpasɛ̃i Aɔ̃ Lafɛ̃ɛ. Iso nŋa sɔndai á jɛ, wua nŋa mɔ iwɔ.

Zoɛli 1:12

Jĩi ndii rezɛ̃ɛ í gbɛ, nɔ ti figi ŋau mɔ a kù waa so má. Jĩi ndii gerenadi ŋa do jĩi ndii kpakpa ku nɛ iso wɛwɛɛ ŋau do jĩi ndii pɔmu ŋau fei à gbɛi. Inɔ didɔ̃ fei í leekĩi bi amanɛ ŋa.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Woo kiiti ŋa 9:15

Ŋɔi agũ mɔ í jɛ nŋa í ni, bii í jɛ ntɔ ntɔ ì waa bi i cicam n jɛ ilaalu nŋɛi i na i buba si jĩjĩm ŋa. Bii kù nɔ kù jɛ ntɔ ntɔ, ina á fita wa hai si agũm ŋau ku jo hee do jĩi ndii sɛɛdii Libãa ŋau fei.