Iri ku kɔ̃ iyi í dɔ̃ í re 1:7 - Bibeli do fee

⁷ Sɔ̃m, awɔ iyi ǹ nɛ kubiɛ iwoi ì ya degbe mɛɛmu gaaɛ ŋa. Iwoi ì ya jɔ̀ mɛɛmu gaaɛu ku sĩmi dasã. Do yaase bɛɛbɛ, n kaa n bɔ ku dɛdɛɛ bii fei si inɔi mɛɛmu gaa mmu ŋa má.

Iri ku kɔ̃ iyi í dɔ̃ í re 1:7 Iomraidhean Croise

Kusintii Andunya 37:16

Ŋɔi Zozɛfu í jɛ í ni, igbãm ŋai ǹ wa n dɛdɛ. Aa yɔkɔ i sɔ̃m bii à waa degbe mɛɛmu nŋa?

Iri ku kɔ̃ 116:1

Ǹ bi Aɔ̃ Lafɛ̃ɛ, domi í ya gbɔ imum waati iyi ǹ kpoo.

Iri ku kɔ̃ 18:1

Iriu ihɛ̃ ti inɛ ngboi woo kɔ̃ iri ŋai do Davidi woo ce icɛi Aɔ̃ Lafɛ̃ɛ. Davidi í fɔ ideu ihɛ̃i waati iyi Aɔ̃ Lafɛ̃ɛ í nyaa hai si awɔi mbɛɛɛ ŋa fei do hai si awɔi Saulu.

Iri ku kɔ̃ 28:1

Iriu ihɛ̃ ti Davidii. Aɔ̃ Lafɛ̃ɛ, awɔi ǹ wa n dɔ̃ si anu, awɔi ì jɛ bɛi kuta bii an manji. Maà ceem bɛi dekĩ, domi bii ì waa cokom bɛɛbɛ, an yɛ bɛi inɛ iyi wa bɔ nfe ku ce.

Iri ku kɔ̃ 80:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ. Iriu ti gigi ku yei.

Iri ku kɔ̃ iyi í dɔ̃ í re 2:16

inɛ iyi ǹ biu, titom nii í jɛ, amu mɔ ǹ jɛ titɛɛ. Ntɔi í yɛ bɛi angbãi iyi wa jɛ fɔfɔ ŋa iyi à nɛ koko ŋa.

Iri ku kɔ̃ iyi í dɔ̃ í re 2:3

awaasũm iyi í wa si aninii kpaasiɛ ŋa í yɛi bɛi jĩi iyi í ya so si aninii jĩi mmu ŋa si inɔ agbo. Si abɛ jĩjĩɛi ǹ ya n bi ku buba, nɔ isoɛ ŋa à ya dɔ̃ɔm sii ntɔ ntɔ.

Iri ku kɔ̃ iyi í dɔ̃ í re 5:10

Inɛ iyi ǹ biu, baa bii í wa si inɔi amanɛ dubu mɛɛwa ǹ ya n màai na saabui ara daabɔɔsiɛ do na ara ku daanaɛ.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Iri ku kɔ̃ iyi í dɔ̃ í re 5:8

Iŋɛ mudɛ̃ɛi Zeruzalɛmu ŋa, ǹ wa n tɔɔ ŋɛi ntɔ ntɔ, bii ì yɛ inɛ iyi ǹ biu ŋa, i sɔ̃ɔ iyi kubiɛ í jɔ̀ ǹ wa n ce bɔ̃ɔ.

Iri ku kɔ̃ iyi í dɔ̃ í re 6:2

inɛ iyi ǹ biu í bɔi do ikpa lamboɛ. Bɛi fɔfɔ ku dɔ̃ inunu í wa, bɛi wa dabii nɔ wa ka kokoi jĩi ŋau.

Iri ku kɔ̃ iyi í dɔ̃ í re 6:3

Amu ti inɛ iyi ǹ biui ǹ jɛ nɔ nŋu mɔ titom nii í jɛ. Ntɔi í yɛ bɛi angbãi iyi wa jɛ fɔfɔ ŋa iyi à nɛ koko ŋa.

Iri ku kɔ̃ iyi í dɔ̃ í re 8:13

Awɔi ǹ bi, awɔ iyi ì ya maa wa si inɔ ikoi jĩi ndɛɛ. Kpaasi ŋa à waa bi a gbɔ ideɛ. Jɔ̀ amu mɔ n gbɔ ideɛ.

Ezai 13:20

Inɛ kãma kaa wa si iluu má. Á maa wɛɛ ngbɛi hee do ajɔ fei. Woo degbe kãma kaa gũ ilei acɔɛ bɛ, nɔ woo degbe ŋau a kaa ya leekĩ bɛ.

Ezai 26:9

Idũ, ǹ ya n bi i wɛɛi do amu. Ǹ ya n maa n dɛdɛɛi hee si lɛlɛi idɔm. Nɔ ijuukpã iyi ì fɔ ideɛu, bii ì jɔ̀ í naa si amanɛ ŋa, inɛi andunya ŋa à ya mà isɛɛnɛ ku cei si bɛi í jɔ.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 5:1

I jɔ̀ n kɔ̃a kpaasim iri gɔ wa ŋa. Ǹ wa n kɔ̃a iriui si gãmɛi ikoi rezɛ̃ɛɛ. Kpaasim nɔu í lɔ jĩi ndii rezɛ̃ɛi si lɔɔmai geete ku nɛ taasi gɔ.

Zeremi 33:12

Ide iyi Aɔ̃ Lafɛ̃ɛi lele do ilɛ í nyi í fɔ má wee. Í ni, si ilɛ iyi í gbe ngbɛu ihɛ̃ bii amanɛ kù wa hee má jɛ mɛɛmuu ihɛ̃, do si iluɛ ŋau fei, inya á nyi ku wɛɛ má ti woo degbe ŋa iyi aa maa degbe iwo nŋa ŋa do angudã nŋa ŋa do laakai ku sũ.

Misee 5:4

Nŋui á jɔ̀ laakai ku sũ ku wɛɛ nŋa. Bii inɛi Asiri ŋa à naa si ilɛ nwa, waati iyi aa lɔ si kabai bomma nwa ŋa, aa ka jɔ̀ inɛ ngbo nkpɔ nkpɔ nwa ŋa a dede si ŋa.

Matie 10:37

Inɛ iyi í bi baaɛ walakɔ iyeɛ í rem, lafɛ̃ɛ kù to ku jɛ inɛm. Bɛɛbɛ mɔi inɛ iyi í bi ama inɛmɔkɔɛ walakɔ ama inaaboɛ í rem, lafɛ̃ɛ kù to ku jɛ inɛm.

Laabaau jiida iyi Zãa í kɔ 10:11

Amui ǹ jɛ woo degbe jiida. Woo degbe jiida í ya jɛsi nŋu ku kui na irii angudãɛ ŋa.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.

Kuyɛi Zãa 7:17

Angudã iyi wa leekĩ bi kitãi bommau á gbã ŋa ku bɔò ŋa isɔ̃i kuwɛɛ. Ilaaɔ̃ mɔ á gbã cikãaju nŋa fei.

Ruutu 2:21

Nɔ Ruutu í sɔ̃ɔ má í ni, Boazi í sɔ̃m mɔm í ni n maa n fengee do anyii woo ce icɛi nŋu ŋau hee à koo à mu à tãò.