Iri ku kɔ̃ iyi í dɔ̃ í re 1:4 - Bibeli do fee

⁴ Mu awɔm i fam nɔ ka sɛi ajɔ. Awɔi ì jɛ ilaalum, gbãm i bɔòm ilaawaɛ. ka kpɛ̃ ididɔ̃ nla nla na iriɛ. Ka kɔ̃ iri na kubiɛ iyi í re vɛ̃ɛ didɔ̃. Mudɛ̃ɛ ŋa à nɛ ntɔ a nɛ kubiɛ.

Iri ku kɔ̃ iyi í dɔ̃ í re 1:4 Iomraidhean Croise

Iri ku kɔ̃ 111:4

Í bi a ya maa ye gigii maamaake ŋa iyi í ce. Aɔ̃ Lafɛ̃ɛ í ya cea inɛ didɔ̃ nɔ í nɛ araare.

Iri ku kɔ̃ 119:32

Si kpãai woodaɛ ŋai ǹ ya n maa n sɛi si domi awɔi ì jɔ̀ idɔm í wɛɛò laakai ku sũ.

Iri ku kɔ̃ 119:60

Ǹ wa n saasa, n ci ya n ce atafii si woodaɛ ŋa ku jirima.

Iri ku kɔ̃ 149:2

Izirɛli, jɔ̀ i wɛɛò inɔ didɔ̃ na woo takaɛ. Iŋɛ inɛi Siɔ̃ɔ ŋa, i wɛɛò inɔ didɔ̃ ŋa na ilaalu nŋɛ.

Iri ku kɔ̃ 42:4

Idũ do dasã, cikãajui í ya jɛ sɔndam, domi inɛ ŋa à ya beem a maa ni hee iwoi Ilaaɔ̃ Lafɛ̃ɛm nɔu í wa.

Iri ku kɔ̃ 48:9

Iyi à gbɔ inɛ ŋa à fɔu, à yɔɔi si ilui Aɔ̃ Lafɛ̃ɛ nwa, Aɔ̃ Lafɛ̃ɛi lele do ilɛ. Ilaaɔ̃ á muaa gbugbãi hee do ajɔ fei. Kusĩmi.

Iri ku kɔ̃ 63:5

Na nŋu, si kuwɛɛm fei, an maa n saabuɛi. Nɔ na iriɛi an wu awɔm ŋa lele.

Iri ku kɔ̃ iyi í dɔ̃ í re 3:4

Iyi ǹ lɔ ŋa gbakã ŋɔi ǹ yɛ inɛ iyi ǹ biu, nɔ ǹ muu n kù jɔ̀ɔ má hee ǹ koo ǹ lɔòɛ inɔ kpasɛ̃, hee inɔ ile tengi bii iyem í so asĩm.

Iri ku kɔ̃ iyi í dɔ̃ í re 4:10

Kubiɛ í ya jɔ̀ n nɛ inɔ didɔ̃ awɔ wecĩm, awɔ iyi à ceem kuwãɛ. Kubiɛu í re baa atɛ̃ vɛ̃ɛ. Bɛɛbɛ mɔi inunui tuaeɛ í dɔ̃ í re tuae ŋa iyi à gbe fei.

Ezai 25:8

Á leekĩ iku mɔi hee do ajɔ fei. Ilaaɔ̃ Lafɛ̃ɛ á gbã cikãajui waju ŋa fei. Á jɔ̀ anyɔ ku fita hai si inɛɛ ŋai si andunyau fei. Aɔ̃ Lafɛ̃ɛi í fɔ bɛɛbɛ.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Ezai 63:7

An fɔ idei jiida ŋa iyi Aɔ̃ Lafɛ̃ɛ í ce si kubiɛ do kuceɛ ŋa iyi í to saabu, na jiida ŋa iyi í ce nwa fei, do na jiida nla nlaɛ iyi í cea inɛi Izirɛli ŋa, do jiida iyi í ce nŋa na araareɛ do si kubi nlaɛ.

Zeremi 31:3

Ŋɔi zamaau í ni, hai jĩijĩi Aɔ̃ Lafɛ̃ɛ í naa í nyisim araɛ. Nɔ Aɔ̃ Lafɛ̃ɛ takaɛ mɔ í ni, ǹ nɛ kubiɛi hai ku kpɛ, nɔ hee do ajɔ feii. Na ŋɔi í jɔ̀ an maa wɛɛ do awɔ, nɔ n nyisiɛ jiida ku jɛm.

Ozee 11:4

Ǹ wa n gbãai do kurɔ, nɔ awaò à dĩ si njɛi do kubi. Ǹ yɛi bi titɛɛ bɛi inɛ iyi í nyaa si wahala. Amui ǹ naa sɔnda iyi á jɛ.

Sofoni 3:14

Awɔ Siɔ̃ɔ ilu kusĩau, kɔ̃ iri do inɔ didɔ̃. Awɔ Izirɛli, dɔ̃ anu do inɔ didɔ̃. Ntɔ ntɔ wɛɛò inɔ didɔ̃ do idɔɛ fei, awɔ Zeruzalɛmu ilu kusĩau.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Matie 25:10

Iyi à bɔ ikpou ku ra wa, ŋɔi mɔkɔ titɔ̃u í to wa. Inɛ ngu ŋa iyi à ce sɔɔlu jiida ŋau à tooɛ à lɔ bi ku ce abɔdɔ̃u nɔ à cĩmbo gambou.

Luku 2:10

Amma amalekau í sɔ̃ ŋa í ni, i maà jɔ̀ njo ku mu ŋɛ. Laabaau jiidai ǹ naa ku sisi nŋɛ, iyi á jɛa inɛ fei inɔ didɔ̃ nla nla.

Luku 22:19

Si anyii nŋu, í so pɛ̃ɛ nɔ í saabu Ilaaɔ̃ titã í bɛi í bububuɛ, nɔ í na ŋa í ni, iyi ihɛ̃i í jɛ aram [iyi ǹ na na iri nŋɛ. I ya coo ŋa i maa yeò gigim.

Laabaau jiida iyi Zãa í kɔ 12:32

Waati iyi aa som hai ilɛ a kɔam lele, waati bɛɛbɛi an fa inɛ fei wa bi tom.

Laabaau jiida iyi Zãa í kɔ 6:44

Inɛ gɔ kaa yɔkɔ ku naa bi tom bii kù jɛ Baaba iyi í bɛm wai í fa lafɛ̃ɛ wa. Nɔ inɛ nŋui an jɔ̀ ku jĩ hai si balɛ si ajɔi ankãanyiu.

Efɛɛzu 2:6

Si anu akã nwa do Kirisi, Ilaaɔ̃ í jĩ wa hai si balɛ ka jɛ bomma lele do Jesu Kirisi ajɔ.

Efɛɛzu 6:24

Nɔ didɔ̃i Ilaaɔ̃ ku wɛɛ do inɛ ŋa iyi à bi Lafɛ̃ɛ nwa Jesu Kirisi fei nɔ kubi nŋa ci ya kpaasi.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Filipi 4:4

I ya jɔ̀ inɔ nŋɛ ku maa dɔ̃ si Lafɛ̃ɛu do ajɔ fei ŋa, ǹ nyi ǹ fɔ ǹ wa n sisi má, i ya jɔ̀ inɔ nŋɛ ku maa dɔ̃.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.