Iri ku kɔ̃ iyi í dɔ̃ í re 1:3 - Bibeli do fee

³ Inunui tuaeɛ í dɔ̃ jiida jiida. Ì yɛi bɛi tuae iyi inunuɛ í fangaa. Na ŋɔi í jɔ̀ mudɛ̃ɛ ŋa à nɛ kubiɛ.

Iri ku kɔ̃ iyi í dɔ̃ í re 1:3 Iomraidhean Croise

Iri ku kɔ̃ 133:2

Í yɛi bɛi ikpoi olivi jiida iyi à fãsi irii Arɔ̃ɔ nɔ í kita wa hee si agbãɛ, nɔ hai si agbãɛu, í kita hee si kɔ̃ɔi ibɔɛ.

Iri ku kɔ̃ 45:14

Ama inaaboi ilaalu mmu gɔ í wa inɔ kabai ilaaluu wa buba do bɛɛrɛ nla nla. Wa dasi jĩnɛ iyi à ce si boodai wura.

Kufita 33:12

Ŋɔi Moizi í sɔ̃ Aɔ̃ Lafɛ̃ɛ í ni, awɔi ì ni n gbã inɛ ŋau ihɛ̃, nɔ ì sɔ̃m ì ni ì màm sãa sãa nɔ ǹ ba didɔ̃ bi tɛɛ. Amma i kù sɔ̃m inɛ iyi aa bɛ do amu ku sobim.

Kufita 33:19

Nɔ Aɔ̃ Lafɛ̃ɛ í jɛaa í ni, an naa si wajuɛ n nyisiɛò jiida ku jɛm fei, nɔ n sɔ̃ɛ iyi irim nii Aɔ̃ Lafɛ̃ɛ. Inɛ iyi ǹ cica n cea didɔ̃, lafɛ̃ɛi an cea didɔ̃, nɔ inɛ iyi ǹ cica n ce araareɛ, araarei lafɛ̃ɛi an ce.

Mɔnda ŋa 27:9

Ikɔi kpaasi jiida í ya jɔ̀ inɔi inɛ ku dɔ̃, bɛi inunui tuae do ikpo í ya dɔ̃a inɛ si.

Woo lasabu 7:1

Iri jiida í tia tuae jiida, nɔ ajɔi iku í tia ajɔi kubí.

Iri ku kɔ̃ iyi í dɔ̃ í re 3:6

Yooi wa baa hai ikpa gbaa bɛi cua. Inɛɛu í nɛ inunui tuae iyi à ya kpe miru do tuae mmu ŋa má iyi woo nya sĩa ŋa à ya maa ta.

Iri ku kɔ̃ iyi í dɔ̃ í re 4:10

Kubiɛ í ya jɔ̀ n nɛ inɔ didɔ̃ awɔ wecĩm, awɔ iyi à ceem kuwãɛ. Kubiɛu í re baa atɛ̃ vɛ̃ɛ. Bɛɛbɛ mɔi inunui tuaeɛ í dɔ̃ í re tuae ŋa iyi à gbe fei.

Iri ku kɔ̃ iyi í dɔ̃ í re 5:13

Kɛkɛlɛɛ ŋa à yɛi bɛi kokoi jĩi ku dɔ̃ inunu nkpɔ nkpɔ. Tengi bɛi fɔfɔ ku dɔ̃ inunu ŋa à wa. Gɛlɛɛ í yɛi bɛi koko ŋa hai bii tuae iyi à ya kpe miru wa cã wa.

Iri ku kɔ̃ iyi í dɔ̃ í re 5:5

Anu akã ǹ dede ku ba n cĩaa. Ǹ wa n mu tuae iyi à ya kpe miru si awɔm, ŋɔi tuaeu wa cã si bi kumui sɔkɔu.

Iri ku kɔ̃ iyi í dɔ̃ í re 6:8

Ilaalu á yɔkɔ ku nɛ abo kita, abo mmu mɔ cinɛ. Mudɛ̃ɛ ŋa, inɛ nŋu ŋa a kù nɛ jia.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Matie 25:1

Jesu í ni, ajɔ iyi an naa n jɛ bommam á yɛi bɛi faajii mudɛ̃ɛ mɛɛwa gɔ ŋa iyi à so fitila nŋa ŋa à bɔ mɔkɔ titɔ̃ ku ko.

Laabaau jiida iyi Zãa í kɔ 12:3

Wee Maari í nɛ tuaei fia nkpɔ gɔ iyi à ce do ikpoi naadi alala, zakai bubui liiti. Ŋɔi í koo í soo í naa í fãsi isɛi Jesu, nɔ í gbãa do ntoi iriɛ. Ŋɔi inunui tuaeu í gba kpasɛ̃u fei.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Kuyɛi Zãa 14:4

Inɛ ŋau, a kù sũò inaabo. À mu ara nŋa a kù mà inaabo titã. À waa too ama angudãu bii wa bɔ fei. À yá ŋa hai si inɔi amanɛ ŋa. À yɛi bɛi amaajɛ sinte iyi à na Ilaaɔ̃ do ama angudãu.