Iri ku kɔ̃ iyi í dɔ̃ í re 1:2 - Bibeli do fee

² baabaam, baabaam, kubiɛu í re baa atɛ̃ vɛ̃ɛ.

Iri ku kɔ̃ iyi í dɔ̃ í re 1:2 Iomraidhean Croise

Kusintii Andunya 29:11

Ŋɔi Zakɔbu í koo í ya Rasɛli í coo fɔɔ, nɔ cikãaju wa baa si ijuɛ.

Kusintii Andunya 45:15

Nɔ wa baabaa inɛ ŋa iyi à gbe ŋau mɔ do kukpata. Ŋɔi aŋa fei à bɛi à yɔkɔ à waa baa ide ku fɔ bɛbɛi.

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 36:7

Dee dee ku jɛɛ í gbokai bɛi iri kuta nla ŋa. Lasabuɛ ŋa à jĩisai bɛi ido nla. Aɔ̃ Lafɛ̃ɛ, awɔi ì ya faaba amanɛ do mɛɛmu ŋa fei.

Iri ku kɔ̃ iyi í dɔ̃ í re 1:4

Mu awɔm i fam nɔ ka sɛi ajɔ. Awɔi ì jɛ ilaalum, gbãm i bɔòm ilaawaɛ. ka kpɛ̃ ididɔ̃ nla nla na iriɛ. Ka kɔ̃ iri na kubiɛ iyi í re vɛ̃ɛ didɔ̃. Mudɛ̃ɛ ŋa à nɛ ntɔ a nɛ kubiɛ.

Iri ku kɔ̃ iyi í dɔ̃ í re 2:4

Í gbãm í bɔòm bii à ya jɛ jingau nla ŋa, nɔ í biim do kubi.

Iri ku kɔ̃ iyi í dɔ̃ í re 4:10

Kubiɛ í ya jɔ̀ n nɛ inɔ didɔ̃ awɔ wecĩm, awɔ iyi à ceem kuwãɛ. Kubiɛu í re baa atɛ̃ vɛ̃ɛ. Bɛɛbɛ mɔi inunui tuaeɛ í dɔ̃ í re tuae ŋa iyi à gbe fei.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Iri ku kɔ̃ iyi í dɔ̃ í re 7:12

Awɔ iyi ǹ bi, fita i naa wa ka bɔ si inɔ kokoi jĩi iyi à ya kpe hɛnee kaa maa sũ bɛ.

Iri ku kɔ̃ iyi í dɔ̃ í re 7:6

Iriɛ í ya wai lele bɛi iri kutai Kaamɛli. Ntoi iri sisɔɛ ŋau à waa daanai bɛi acɔi fia nkpɔ. Iyi bɛi í jɔ̀ laakaii ilaalu fei í lɔ siɛ.

Iri ku kɔ̃ iyi í dɔ̃ í re 7:9

Ǹ ni, an gũ kpakpaui nɔ n mu isoɛ ŋa. Amɔɛ ŋa à yɛ bɛi saai rezɛ̃ɛ bi titom. Amiɛ í nɛ inunui bɛi isoi jĩi gɔ.

Ezai 25:6

Aɔ̃ Lafɛ̃ɛi lele do ilɛ á cea zamaau fei jingau do sɔnda didɔ̃ ŋa si iri kutau ihɛ̃. Á ce jingaui do atɛ̃ vɛ̃ɛ ncɛɛ, do sɔnda didɔ̃ ŋa, do iŋa ku nɛ lompi, do atɛ̃ vɛ̃ɛ jiida iyi wa maaju ntɔ ntɔ.

Matie 26:26

Waati iyi à waa jɛ, ŋɔi Jesu í so pɛ̃ɛ nɔ í saabu Ilaaɔ̃ titã í bɛi í bububuɛ í na mɔcɔɛ ŋau, í ni, iyi ihɛ̃i í jɛ aram, i gba i jɛ ŋa.

Luku 15:20

Ŋɔi í dede wa nyi ikpa bi baaɛu. Hai waati iyi wa jĩ, ŋɔi baaɛ í hɔ̃nnɛɛ nɔ araare fei í muu. Í sɛi í koo í yaa do inɔ didɔ̃ nɔ í coo fɔɔ do kubi.

Woo bɛ ŋa 21:7

Hai Tii à dasi kpãa má nɔ à to Tolemasi. Bɛi à kita hai si akɔi inyiu nɔ à koo à ce kpaasi woo dasi Jesu naanɛ ŋa fɔɔ nɔ à sũ bɛ idũ akã.

Piɛɛ 1, 5:14

I ce njɛ fɔɔ do kubi jiida ŋa. Laakai ku sũ ku wɛɛ do iŋɛ iyi ì jɛ ti Kirisi fei ŋa.