Samuɛli 1, 4:3 - Bibeli do fee

³ Waati iyi inɛi Izirɛli ŋa à nyi wa asɔ nŋa ŋɔi inɛ ngbo nŋa ŋa à ni, na mii í ce Aɔ̃ Lafɛ̃ɛ í jɔ̀ inɛi Filisi ŋa à jɛ wa igũ nnyi. Debɛi ka bɔ Siloo káa so kpakoi akabuui Aɔ̃ Lafɛ̃ɛ wa. Waati bɛɛbɛ, bii Aɔ̃ Lafɛ̃ɛ í wa anini nwa á faaba wa hai si awɔi mbɛɛ nwa ŋa.

Samuɛli 1, 4:3 Iomraidhean Croise

Samuɛli 2, 15:25

Ŋɔi Davidi í sɔ̃ Sadɔku í ni, koo sindo kpakoi Ilaaɔ̃u inɔ ilu. Bii Aɔ̃ Lafɛ̃ɛ í ce araarem, á baam wa, nɔ n naa n yɛ kpakou í wa bi kuwaɛ.

Bomma 1, 17:1

Waati iyi Davidi í buba si kpasɛ̃ɛu í tã, ŋɔi í sɔ̃ Natãa waliiu í ni, amu wee ǹ wa si ile iyi à ce do jĩi ndii sɛɛdi, nɔ kpakoi akabuui Aɔ̃ Lafɛ̃ɛu í wai si ilei acɔ.

Iri ku kɔ̃ 74:1

Iriu ihɛ̃ ti Azafui. Ilaaɔ̃, na mii í jɔ̀ ì kɔ̀si wa do ajɔ fei. Na mii ì jɔ̀ idɔɛ wa kɔ̃ do awa iyi à jɛ bɛi angudãɛ ŋa iyi ì waa degbe.

Iri ku kɔ̃ 74:11

Na mii í jɔ̀ ì kɔlɔmbɛ awɔɛ ŋa. Yɔ awɔɛ ŋau wa nɔ i ce nfe nŋa.

Ezai 50:1

Ide iyi Aɔ̃ Lafɛ̃ɛ í fɔ wee. Í ni, iŋɛ inɛi Zudaa ŋa, hee iwoi tiai njɛ ku kɔ̀ iyi wa nyisi iyi ǹ kɔ̀si Zeruzalɛmu iye nŋɛ í wa. Walakɔ mɔ i sɔ̃m ŋa, bi yooi ǹ koo ǹ ta ŋɛ bɛi aru si na iyi í jɔ̀ ǹ wa n mu gbesei lafɛ̃ɛ. Ntɔ ntɔ bii ǹ ta ŋɛ, na irii kurara nŋɛ ŋai, nɔ bii ǹ kɔ̀si iye nŋɛ, na dulum ku ce nŋɛ ŋai.

Ezai 58:3

Ŋɔi à waa beem à waa ni, na mii í jɔ̀ à waa dĩ anu bii i kù waa yɛ wa. Na mii í jɔ̀ à waa kpa ara nwa ari bii i kù waa yɛ wa. Ŋɔi ǹ jɛ nŋa ǹ ni, iŋɛ taka nŋɛ i cɔɔ ŋa, anu ku dĩu ci ya ganji ŋɛ wũa nŋɛ ŋa ku ce, nɔ ì ya maa wahala woo ce icɛ nŋɛ ŋa.

Ezai 59:1

Ì waa tamaa ŋa bɛi awɔi Aɔ̃ Lafɛ̃ɛ kù sɔ bɛi á tosi ŋɛ ku faaba ŋɛi? Mà ì nɔ ì waa tamaa bɛi itĩɛ í lele í caa bɛi kaa gbɔ ide nŋɛi.

Ezai 59:2

Ntɔ ntɔ, kurara nŋɛ ŋai wa fɛɛfɛ ŋɛ do Aɔ̃ Lafɛ̃ɛ nŋɛ. Dulum dii iŋɛ taka nŋɛ ŋai í jɔ̀ Ilaaɔ̃ í sinda hai bi tu ŋɛ, nɔ dulum du ŋɛ ŋaui wa ganjiɛ ku gbɔ ide nŋɛ ŋa.

Zeremi 3:16

Amu Aɔ̃ Lafɛ̃ɛ ǹ wa n fɔi ǹ ni, waati iyi aa bí ŋa nɔ akpɔ nŋɛ ku kɔ̃ɔsi si zamaai ilɛu bɛ ŋa, a kaa fɔ idei kpakoi akabuui amu Aɔ̃ Lafɛ̃ɛ má. Kaa nyi wa si lasabu nŋɛ má. A kaa ye gigiɛ má, nɔ a kaa mà baa mà kù wa bɛ má. Nɔ inɛ kãma kaa ce mmuɛ gɔ má.

Zeremi 7:4

I maà jɔ̀ naanɛ nŋɛ ku wa si ide ibo ŋau i maa ni ŋa, ihɛ̃i í jɛ kpasɛ̃i Aɔ̃ Lafɛ̃ɛ, ihɛ̃i í jɛ kpasɛ̃i Aɔ̃ Lafɛ̃ɛ.

Kuka 10:33

Ŋɔi inɛi Izirɛli ŋau à nɛ hai iri kutai Aɔ̃ Lafɛ̃ɛu nɔ à ce isɛɛnɛ zakai ajɔ mɛɛta, nɔ kpakoi akabuui Aɔ̃ Lafɛ̃ɛu í wa do waju nŋa ku ba ku jɔ̀ a mà tengi bii aa buba.

Kuka 10:35

Waati iyi à waa nɛò kpakoi akabuuu, Moizi í ni, dede, Aɔ̃ Lafɛ̃ɛ nɔ mbɛɛɛ ŋa a fangaa. Jɔ̀ inɛ ŋa iyi à céɛ ŋau a sa hai wajuɛ.

Kuka 31:6

Nɔ Moizi í jɔ̀ aŋa fei à bɔ igũu do Fineɛzi woo wee amai Eleazaau. Nŋui wa so jĩnɛi ile kumá ŋau, do kãakãakĩ iyi aa ya fã si igũu.

Wooda ku kɔsi 29:24

Aa jɛ nŋai a ni, si na iyi í jɔ̀ à fũsi akabuu iyi à dĩ do Aɔ̃ Lafɛ̃ɛ nŋu iyi í jɛ Aɔ̃ Lafɛ̃ɛi bala nŋa ŋa awɔi. Í dĩ akabuuu do aŋai si waati iyi í nya ŋa wa hai ilɛi Ezibitiu.

Wooda ku kɔsi 31:26

i gba tiau ihɛ̃ ŋa si bii à kɔ woodai Aɔ̃ Lafɛ̃ɛu i jilɔɔ kɔkɔi kpakoi akabuui Aɔ̃ Lafɛ̃ɛ nŋɛu. Tengi bɛi á maa wa ku jɛ sɛɛda si gãmɛi inɛi Izirɛli ŋau.

Timɔtee 2, 3:5

Aa maa too kpãai Ilaaɔ̃ do gɛlɛ, amma ilu muafiti ŋai domi à kɔ̀si gbugbãɛ. Fa araɛ hai bi amanɛ dimi bɛɛbɛ ŋa.

Ebɛɛ 9:4

Bɛi bi kuwee iyi à ce do wura í wa, si antaiɛi à ya jo tuae. Bɛ mɔi kpakoi akabuui Ilaaɔ̃ í wa iyi à bii do wura. Si inɔ kpakoui, cakai wura í wa, bii à dasi mana. Nɔ si inɔ kpakou mɔi goloi Arɔ̃ɔ iyi Ilaaɔ̃ í jɔ̀ í da koko wo í wa, do kuta ku munga anu si bii à kɔ wooda.

Zozue 4:7

i jɛ nŋa ŋa i ni, inyii idoi Zuudɛ̃ɛ í da si wajui kpakoi akabuui Aɔ̃ Lafɛ̃ɛu waati iyi à waa kua. Nɔ kuta ŋau ihɛ̃i aa jɔ̀ ka maa ye gigii mii iyi í ce ajɔ nŋu hee do ajɔ fei.

Zozue 6:6

Iyi Aɔ̃ Lafɛ̃ɛ í fɔ bɛɛbɛ í tã, ŋɔi Zozue í kpe woo wee ŋau í sɔ̃ ŋa í ni, i so kpakoi akabuui Aɔ̃ Lafɛ̃ɛu ŋa, nɔ si inɔ nŋɛ inɛ mɛɛjei á so kuu iyi à ce do ngoi angudã kombo a maa cuaa kpakoi akabuu.

Zozue 7:7

Ŋɔi Zozue wa ce kutɔɔ í ni, Aɔ̃ Lafɛ̃ɛ, bɛirei í ce ì jɔ̀ à kua idoi Zuudɛ̃ɛu. Ì jɔ̀ à kua idoi Zuudɛ̃ɛui ku ba ka dasi awɔi inɛi Amɔre ŋau a jɛ wa igũ a kpa wa? Í tia ka gbe nwa icei idoi Zuudɛ̃ɛu wo.

Zozue 7:8

Bɛirei an yɔkɔ n ni, Aɔ̃ Lafɛ̃ɛ. Nsɛi wee awa inɛi Izirɛli ŋau à sa wa hai bi mbɛɛ nwa ŋau.

Piɛɛ 1, 3:21

Inyiu, í yɛi bɛi inyi ku dasi. Kù jɛ a ni wa nya riisii ara, amma wa nyisi iyi inɛ wa tɔɔ Ilaaɔ̃ ku jɔ̀ idɔi nŋu ku maà yɛ taalei nŋu. Inyi ku dasiui í faaba ŋɛ na saabui kujĩi Jesu Kirisi hai si balɛ,

Zudu 1:5

Nɔ baa bii ì mà fei ndɛɛ sãa sãa ŋa, do nŋu fei, ǹ wa n bi n ye ŋɛ gigi iyi si inɔi inɛi Izirɛli ŋa iyi Aɔ̃ Lafɛ̃ɛ í nya hai ilɛi Ezibiti, inɛ ŋa iyi a kù na a kù waa dasiɛ naanɛ í ce nfe nŋa.

Samuɛli 1, 1:24

Iyi í kpotoɛ, do iyi í wɛɛ keeke fei, í bɔòɛ kpasɛ̃i Ilaaɔ̃ Siloo bɛ. Ana do mɔkɔɛ à mu ama kɛtɛi adɔ̃ mɛɛta do iyafũ saaki akã do bɔgɔ batai atɛ̃ vɛ̃ɛ.

Samuɛli 1, 14:18

Nɔ Saulu í sɔ̃ Ahiya í ni ku naaò kpakoi akabuui Ilaaɔ̃ wa. Wee waati bɛɛbɛ kpakou í wa bi inɛi Izirɛli ŋa.

Samuɛli 1, 4:2

Ŋɔi à lɔsi igũ ku ce, nɔ inɛi Filisi ŋa à jɛ inɛi Izirɛli ŋau igũ à kpa inɛ zakai dubu mɛɛ.