Si adɔ̃ akã fei, inɛmɔkɔ ŋa aa koo si wajui Aɔ̃ Lafɛ̃ɛi bɛi isɛ gbɛɛta tengi bii í cicau, si waatii jingaui Pɛ̃ɛ hai nɛ levɛ̃ɛ ŋau do si waatii jingaui Amaajɛ sinte ŋau do si waatii jingaui Kusu ŋau. Nɔ a kù nɛ a koo si wajui Aɔ̃ Lafɛ̃ɛ awɔ ngbɛ.
Ŋɔi inɛi Izirɛli ŋau à kãmia inɛi ilɛ ŋau, nɔ aŋa fei à koo à tɔtɔɔ Siloo, nɔ à jilɛ ilei acɔ iyi à ya kpe ile bi kukou tengi bɛ bii aa ya naa a tɔɔ Aɔ̃ Lafɛ̃ɛ.
Ŋɔi à ye gigi iyi jingau iyi à ya ce Siloo adɔ̃ feiu í maai wa. Hai Betɛli, Siloou í wai do ikpa awɔ njɛi kpãai inunu. Hai Lebona mɔ, í wai do ikpa awɔ cangai kpãai inunu, nɔ í wai do ikpa nunui daakɔi kpãa iyi í dede hai Betɛli wa bɔ Sikɛmu.
Wee Ahiya woo weeu í wa si inɔi inɛ ŋau wa dasi efodu [ibɔ iyi woo wee ŋa à ya dasi a beeò Ilaaɔ̃ ide]. Ahiyau amai Ahitubui. Ahitubu do Ikabɔdu ifɔɛ amai Fineɛzi ŋai, Fineɛzi mɔ amai Eliii, nŋu iyi í jɛ woo weei Aɔ̃ Lafɛ̃ɛ Siloo wo. Si inɔi sooge ŋau, kãma nŋa kù mà iyi Zonatãa í fita.
Ǹ tako ǹ sɔ̃ɔ wo iyi an kpã inɛi kpasɛ̃ɛ ŋa iju hee do ajɔ fei na dulum iyi amaɛ ŋa à ce. Amaɛ ŋau a kù saalum nɔ do iyi í nɛ kumàsiɛ fei, kù ganji ŋa.
Na ŋɔi í jɔ̀ à bɛ inɛ gɔ ŋa Siloo bɛ a koo a so kpakoi akabuui Aɔ̃ Lafɛ̃ɛi lele do ilɛ, nŋu iyi wa buba si afei amaleka ŋa iyi à ce si kpakou iyi à ya kpe serubɛ̃ɛ ŋau bɛ. Ŋɔi Ɔfini do Fineɛzi amai Elii ŋau à toò kpakou wa.