Romu 9:3 - Bibeli do fee

³ An jɛsi Ilaaɔ̃ ku ceekpem nɔ ku fɛɛfɛɛm do Kirisi ku ba inɛ ŋa iyi à jɛ dimim a ba faaba.

Romu 9:3 Iomraidhean Croise

Kusintii Andunya 29:14

Ŋɔi Labãa í ni, ntɔ ntɔ, awɔ nyaanzem nii, awaɛ fei à jɛ njɛ akã. Ŋɔi Zakɔbu í ce cukpa akã bi Labãa bɛ.

Ɛsitɛɛ 8:6

Nɔ í ni má, bɛirei an ce n maa n yɛ laalɔ iyi wa naa si inɛm ŋa do bɛi à waa kpa ŋa nɔ n maa n coko.

Kufita 32:32

Ǹ wa n tɔɔɛ i kpa idei dulum du ŋa. Bii kù nɔ kù jɛ bɛɛbɛ, kpa irim si tiaɛ iyi ì kɔ.

Woo bɛ ŋa 13:26

To, iŋɛ kpaasi ŋa, iŋɛ iyi ì jɛ dimii Aburahamu ŋa, do dimi mmu ŋa iyi ì waa jirima Ilaaɔ̃, iŋɛi à sambaa idei faabau ihɛ̃ wa.

Woo bɛ ŋa 22:5

Woo wee nlai Ilaaɔ̃u do igbɛi inɛ ngbo ŋau fei aa yɔkɔ a jɛ sɛɛdam. Hai si awɔ nŋai ǹ gba tia iyi à kɔa Zuifu kpaasi ŋa iyi à wa Damasi. Nɔ ǹ bɔ bɛ ku ba n mu woo dasi Jesu naanɛ ŋa iyi à wa bɛu n dĩ ŋa nɔ n naaò ŋa wa Zeruzalɛmu n jɔ̀ a kpã ŋa iju.

Woo bɛ ŋa 28:21

Ŋɔi à sɔ̃ɔ à ni, a kù yɛ tia kãma iyi à ce wa hai ilɛi Zudee na irii ideɛ, a kù nɔ a kù yɛ inɛ kãma iyi í naaò ide laalɔ wa hai bɛ na iriɛ.

Romu 1:3

Jesu Kirisi Lafɛ̃ɛ nwai wa fãa, nŋu iyi í jɛ Amai Ilaaɔ̃u. À búui bɛi amanɛ si dimii Davidi ilaalu nlau,

Romu 11:1

Debɛi ǹ wa n beei, Ilaaɔ̃ í kɔ̀si inɛɛ ŋai? Aawo, kù jɛ bɛɛbɛ, domi amu takam inɛi Izirɛlii ǹ wa n jɛ, ǹ jɛ tɔkui Aburahamu si dimii Bɛnzamɛɛ.

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Romu 16:11

I ce Herodiɔ̃ɔ dimim nɔu fɔɔ. I ce inɛi kpasɛ̃i Naasisi ŋa iyi à dasi Lafɛ̃ɛ naanɛ fɔɔ.

Romu 16:21

Timɔtee kpaasi woo ce icɛm wa ce ŋɛ fɔɔ, do Lusiusi, do Zasɔ̃ɔ do Sosipatɛɛ dimim ŋa.

Romu 16:7

Nɔ i ce Andoniku do Zunia dimim ŋau fɔɔ, awaò ŋai à ce piisɔ̃ɔ ajɔ. À nɛ bɛɛrɛ nla nla si inɔi woo bɛ ŋau. À tako à dasi Kirisi naanɛ mɔm amu ǹ bɛi ǹ dasiɛ naanɛ.

Romu 9:2

Inɔm í fɔ ntɔ ntɔ na Zuifu kpaasi ŋa nɔ ǹ ya n maa n ce araare nŋa waati kãma fei.

Kɔrɛnti 1, 12:3

Na ŋɔi í jɔ̀ ǹ wa n bi i mà ŋa, inɛ kãma iyi í jɔ̀ Hundei Ilaaɔ̃ wa gbãa fei kaa yɔkɔ ku ni a ceekpe Jesu. Nɔ inɛ gɔ kaa yɔkɔ ku ni Jesui í jɛ Lafɛ̃ɛ, bii kù jɛ Hundei Ilaaɔ̃i wa gbã lafɛ̃ɛ.

Kɔrɛnti 1, 16:22

Inɛ iyi kù nɛ kubii Lafɛ̃ɛ fei, ikpe ku muu. Lafɛ̃ɛ Jesu ku nyi wa.

Kɔrɛnti 2, 12:15

Inɔ didɔ̃m nii n jɛ mii iyi ǹ nɛ fei, nɔ n loò aram na hunde nŋɛ. Bii kubi nŋɛ iyi ǹ nɛ wa kɔ̃ɔsi, kubi iyi ì bim ŋa á kaye?

Galati 1:8

Amma baa bii awa taka nwai walakɔ amaleka iyi í naa hai lele, bii í ce nŋɛ waazoi laabaau mmu gɔ má, bii kù jɛ iyi à ce nŋɛu ihɛ̃, Ilaaɔ̃ ku ceekpe lafɛ̃ɛ.

Galati 1:9

À tako à fɔɔ wo ǹ nɔ ǹ wa n fɔɔ má, bii inɛ gɔ í ce nŋɛ waazoi ide mmu gɔ iyi kù jɛ iyi ì jɛsiu tã ŋa Ilaaɔ̃ ku ceekpe lafɛ̃ɛ.

Galati 3:10

Inɛ ŋa iyi à waa na gbugbã si wooda ku jirima ikpei í jɛ tu ŋa, domi à kɔɔ à ni, inɛ iyi kù jirima idei woodau ihɛ̃ nɔ kù ceò icɛ, lafɛ̃ɛ ilu ikpei.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Efɛɛzu 6:5

Iŋɛ aru ŋa, i jirima lafɛ̃ɛ nŋɛ ŋa si andunyau ihɛ̃ do bɛɛrɛ do kuyaya, ku maà jɛ do muafiti, nɔ kú yɛ bɛi Kirisii ì waa cea ŋa.

Wooda ku kɔsi 21:23

ikuɛu kù nɛ kpãai ku sũ si antaii jĩi nɔu, ajɔ nŋu bɛ gbakã aa suui, domi inɛ iyi à bagãm do yaase bɛɛbɛ, Aɔ̃ Lafɛ̃ɛ í ceekpeɛi, nɔ kù sĩa i riisi ilɛ iyi Aɔ̃ Lafɛ̃ɛ nŋɛ í mu nŋɛ í jɛ tubu nŋɛu.

Samuɛli 1, 14:24

Ajɔ nŋu bɛ inɛi Izirɛli ŋa à wahala ntɔ ntɔ si na iyi í jɔ̀ Saulu í ni wo, inɛ iyi á jɛ sɔnda gɔ hee alɛ ku maa lɛ nɔ n kù ce igũ do mbɛɛm ŋa n kù tã wa, Ilaaɔ̃ ku ceekpe lafɛ̃ɛ. Na nŋu, inɛ kãma kù jɛ sɔnda.

Samuɛli 1, 14:44

Ŋɔi Saulu í sɔ̃ Zonatãa í ni, Ilaaɔ̃ ku kpãm iju, Zonatãa, bii i kù ku.