Romu 8:2 - Bibeli do fee

² Hundei Ilaaɔ̃i í ya jɔ̀ inɛ ku ba kuwɛɛ na saabui Jesu Kirisi, nɔ gbugbãi Hundeɛui í nyam hai si gbugbãi dulum do ti iku.

Romu 8:2 Iomraidhean Croise

Iri ku kɔ̃ 51:12

Ilaaɔ̃, muum idɔ iyi í maaju nɔ i teese i mua idɔm gbugbã.

Ezekiɛli 1:21

Bii à waa nɛ aŋa mɔ à ya maa nɛi. Bii à leekĩ à ya leekĩi. Bii à dede lele, à ya dedei aŋaò ŋa domi à ya maa nɛi do ikpa bii fufuu wa bɔ.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Laabaau jiida iyi Zãa í kɔ 4:14

Amma inɛ iyi an mua inyi ku mɔ, agbɛ kaa kpa lafɛ̃ɛ má, domi inyi iyi an mua lafɛ̃ɛ á maa sɔ̃i bɛi inyii isɔ̃ nɔ á na inɛ kuwɛɛ hai tã.

Laabaau jiida iyi Zãa í kɔ 6:63

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

Laabaau jiida iyi Zãa í kɔ 8:32

Aa mà ntɔ ŋa nɔ ntɔu á jɔ̀ i nɛ ara nŋɛ.

Laabaau jiida iyi Zãa í kɔ 8:36

Na ŋɔi í ce, bii amu Amai Ilaaɔ̃ ǹ jɔ̀ ì nɛ araɛ, aa nɛ araɛi ntɔ ntɔ.

Romu 16:3

I ce Piisila do mɔkɔɛ Akilasi fɔɔ, kpaasi woo ce icɛm ŋa si icɛi Jesu Kirisi,

Romu 3:27

Debɛi, à nɛ kpãa iyi aa ka tɔɔ fufu má? Aawo, kaa ce. Na mii. Si na iyi í jɔ̀ kù jɛ wooda ku jirimai à waa ka, bii kù jɛ naanɛ ku dasi.

Romu 5:21

Si bɛi dulum í lɔ si inɛ fei hee í naaò iku wa, bɛɛbɛ mɔi didɔ̃i Ilaaɔ̃ í naa si inɛ fei ku ba ku ce wa inɛ dee dee ŋa nɔ ku mu nwa kuwɛɛ iyi ci ya tã na anu akã iyi à nɛ do Lafɛ̃ɛ nwa Jesu Kirisi.

Romu 6:14

Dulum kù nɛ ku nɛ si ŋɛ gbugbã má domi wooda kù nɛ gbugbã si ŋɛ amma didɔ̃i Ilaaɔ̃i í nɛ gbugbã si ŋɛ.

Romu 6:18

À ya ŋɛ hai si awɔi dulum, nɔ ì baa ì jɛ arui icɛ jiida ku ce ŋa.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Romu 7:21

To, ǹ yɛ ide gɔ í wɛɛm. Nŋu wee. Waati iyi ǹ bi jiida ku ce fei, laalɔi í ya maa má sim.

Romu 7:23

amma si kucei ikɔ̃ ikɔ̃i aram fei ǹ wa n yɛ ide mmu gɔ iyi wa ja do lasabum, nɔ wa cem arui dulum iyi í wa sim.

Romu 7:4

Bɛɛbɛ mɔi iŋɛ inɛm ŋa, anu akã nŋɛ do Kirisi í jɔ̀ iŋɛ mɔ ì ku do nŋu ajɔ nɔ ì fita hai si awɔi wooda ŋa. Bɛbɛi ti inɛ mmui ì jɛ ŋa. Ti inɛ iyi í jĩ hai si balɛui ì jɛ ŋa ku ba i so iso iyi í jɛ ti Ilaaɔ̃ ŋa.

Romu 8:1

Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Kɔrɛnti 1, 15:45

Bɛɛbɛ mɔi à kɔɔ à ni, waati iyi à taka Adamu sinte à daa si kuwɛɛ, amma Kirisi iyi à ya kpe Adamui ankãanyiu, nŋui í jɛ hunde nɔ nŋui í ya daa inɛ ŋa si kuwɛɛ.

Kɔrɛnti 2, 3:17

Nɔ wee Lafɛ̃ɛu, Hundei. Tengi bii Hundei Lafɛ̃ɛ í wa, tengi bɛi ara ku nɛ í ya wa.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Galati 2:19

Ntɔ ntɔ, woodau takaɛ í jɔ̀ ǹ yɛ bɛi iku si wajuɛ, ku ba n ce kuwɛɛm na Ilaaɔ̃.

Galati 5:1

Kirisi í jɔ̀ à nɛ ara nwa ku ba ka nɛ ara nwa do ntɔ. Na nŋu, i leekĩ dim dim ŋa si ara ku nɛ nŋɛ, i maà jɔ̀ i na i jɛ aru má ŋa.

Galati 6:2

I sobi njɛ si aso ku so ŋa. Bii ì waa ce bɛɛbɛ ŋa ì waa jirima woodai Kirisi ŋai.

Zaaki 1:25

Amma inɛ iyi á jɛ ilu inɔ didɔ̃ si mii iyi wa ce fei nŋui í jɛ inɛ iyi wa cio wooda do laakai nɔ wa jirimaɛ do temua. Nɔ bii í gbɔ ideu ci ya gbɛjɛɛ nsɛi nsɛi amma í ya ceò icɛi. Lafɛ̃ɛ á jɛ ilu inɔ didɔ̃i si na iyi í jɔ̀ woodau í jɛ dee dee nɔ á nya inɛ.

Kuyɛi Zãa 11:11

Si anyii ajɔ mɛɛta do bubuu, Ilaaɔ̃ á nyi ku da nŋa si hunde má, nɔ a dede a leekĩ. Njo nla nlai á mu inɛ ŋa iyi aa yɛ ŋa fei.

Kuyɛi Zãa 22:1

Si anyii nŋu, amalekau í nyisim inyii ido iyi í ya na inɛ ŋa kuwɛɛ. Inyiu wa daana bɛi digi nɔ wa cã wa hai bi kitãi bommai Ilaaɔ̃ do ama angudãu.