Romu 8:1 - Bibeli do fee

¹ Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Romu 8:1 Iomraidhean Croise

Ezai 54:17

Dimii jĩnɛi igũ baa yooma iyi à ce na iriɛ fei, kaa ceɛ laalɔ kãma, nɔ inɛ baa yooma iyi á bɔòɛ bi ku ce kiiti fei, aa jɔ̀ a yɛ taalei lafɛ̃ɛi. Ikpɛ̃ iyi ǹ jilɛa inɛ ŋa iyi à jɛ woo ce icɛm ŋa mbɛ. Ikpɛ̃ui í jɛ dee dee ku jɛ iyi wa naa hai bi tom. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 18:9

Í ya jirima ikɔm ŋai do woodam ŋa, nɔ ku maa nɛ si ntɔ. Amu Aɔ̃ Lafɛ̃ɛ ǹ wa n fɔi iyi inɛ dimi bɛɛbɛ, inɛ dee deei, nɔ á maa wɛɛi.

Laabaau jiida iyi Zãa í kɔ 14:20

Waati iyi ajɔu í to wa aa mà ŋa iyi ǹ wa si Baam nɔ iŋɛ mɔ ì wa sim ŋa nɔ amu mɔ ǹ wa si ŋɛ.

Laabaau jiida iyi Zãa í kɔ 15:4

I jɔ̀ i má sim ŋa, nɔ amu mɔ an má si ŋɛ. Si bɛi amaawɔ kaa yɔkɔ ku so iso do araɛ bii kù jɛ wa má si icui jĩi, bɛɛbɛ mɔi iŋɛ taka nŋɛ i kaa yɔkɔ i so bii i kù waa má sim ŋa.

Laabaau jiida iyi Zãa í kɔ 5:24

Ntɔ ntɔ ǹ wa n sɔ̃ ŋɛi, inɛ iyi wa gbɔ idem nɔ í dasi inɛ iyi í bɛm wa naanɛ, lafɛ̃ɛ í nɛ kuwɛɛ hai tã. Kaa naa bi ku ce kiiti má, amma í kua iku í lɔ si kuwɛɛi.

Romu 16:3

I ce Piisila do mɔkɔɛ Akilasi fɔɔ, kpaasi woo ce icɛm ŋa si icɛi Jesu Kirisi,

Romu 16:7

Nɔ i ce Andoniku do Zunia dimim ŋau fɔɔ, awaò ŋai à ce piisɔ̃ɔ ajɔ. À nɛ bɛɛrɛ nla nla si inɔi woo bɛ ŋau. À tako à dasi Kirisi naanɛ mɔm amu ǹ bɛi ǹ dasiɛ naanɛ.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Romu 5:16

Amuai Ilaaɔ̃u do dulum dii inɛ akãu í wãaia njɛ, domi dulum akãui í jɔ̀ Ilaaɔ̃ á kiiti inɛ ŋa ku yɛ taale nŋa, amma didɔ̃ɛi á jɔ̀ ku ce wa inɛ dee dee baa do iyi à tako à ce dulum nkpɔ nkpɔ.

Romu 7:17

Amma bii bɛɛbɛi, kù jɛ amui ǹ wa n coo má, dulum iyi í wa sim nii wa coo.

Romu 7:20

Nɔ bii ǹ wa n ce iyi n kù bi, kù jɛ a ni amui ǹ wa n coo, dulum iyi í wa sim nii wa coo.

Romu 8:11

Ilaaɔ̃i í jĩ Jesu hai si balɛ. Nɔ bii Hundei nŋu iyi í jĩ Kirisi hai si balɛu í wa si ŋɛ á na ara iku nŋɛ ŋau mɔ kuwɛɛ na saabui Hundeɛ iyi í wa si ŋɛu.

Romu 8:14

domi inɛ ŋa iyi Hundei Ilaaɔ̃ wa gbã fei, aŋai à jɛ amai Ilaaɔ̃ ŋa.

Romu 8:2

Hundei Ilaaɔ̃i í ya jɔ̀ inɛ ku ba kuwɛɛ na saabui Jesu Kirisi, nɔ gbugbãi Hundeɛui í nyam hai si gbugbãi dulum do ti iku.

Romu 8:34

To, yooi á yɔkɔ ku jɔ̀ a yɛ ijuukpã. Kù wɛɛ, domi Jesu Kirisi í ku, nɔ iyi í re mɔm í jĩ hai si balɛ má, í wa awɔ njɛi Ilaaɔ̃. Í nɔ wa tɔɔ Ilaaɔ̃ na iri nwa.

Romu 8:39

Mii ŋa iyi à wa lele do iyi à wa ilɛ hee do mii iyi à taka fei, nkãma kaa yɔkɔ ku fɛɛfɛ wa do kubi iyi Ilaaɔ̃ í nyisi wa si Jesu Kirisi Lafɛ̃ɛ nwa.

Romu 8:4

Ilaaɔ̃ í ce bɛɛbɛi ku ba isɛɛnɛ nwa ku jɛ dee dee si ide iyi woodau wa fɔ, awa iyi a kù waa nɛ si idɔɔbii ara nwa, í gbe si idɔɔbii Hundei Ilaaɔ̃.

Romu 8:9

Amma iŋɛ i kù waa too idɔɔbii ara, ì waa nɛ ŋai bɛi Hunde í bi, bii Hundei Ilaaɔ̃ í wa si ŋɛ do ntɔ. Inɛ iyi kù nɛ Hundei Kirisi, lafɛ̃ɛ kù jɛ ti Kirisi.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 15:22

Ntɔ ntɔ, si bɛi ara akã nwa do Adamu í jɔ̀ awa fei aa ka na ka ku, bɛɛbɛ mɔi anu akã nwa iyi à ce do Kirisi á jɔ̀ awa fei ka jĩ hai si balɛ,

Kɔrɛnti 2, 12:2

Ǹ mà inɛi Kirisi gɔ iyi à soo hee lelei Aɔ̃ í to adɔ̃ maatɛ̃ɛ nnyi. Do araɛi à soo do ntɔ? Mà í ce kuyɛi? N kù mà. Ilaaɔ̃ nŋu akã dei í mà.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Galati 3:28

Iŋɛ fei ì jɛ akã si anu akã nŋɛ iyi ì ce do Jesu Kirisi ŋa. Na nŋu, inɛ gɔ kù jɛ ikã, hai Zuifu ŋa hee do dimi mmu ŋa, hai aru ŋa do inɛ ŋa iyi à nɛ ara nŋa, hai inaabo ŋa hee do inɛmɔkɔ ŋa.

Galati 5:16

Ide iyi ǹ wa n fɔu wee. Ǹ ni, i jɔ̀ Hundei Ilaaɔ̃ ku maa nɛò ŋɛ. Bii ì waa ce bɛɛbɛ ŋa, i kaa ce kubi nfe nfei ara nŋɛ má,

Galati 5:25

Si bɛi Hundei Ilaaɔ̃i wa mu nwa kuwɛɛ, ka jɔ̀ ku nɛò wa.

Efɛɛzu 1:1

Amui Pɔlu amu iyi ǹ jɛ woo bɛi Jesu Kirisi do idɔɔbii Ilaaɔ̃. Iŋɛ inɛi Efɛɛzu ŋa, iŋɛ iyi ì waa temua si anu akã nŋɛ do Jesu Kirisi ŋa, ǹ wa n ce ŋɛ fɔɔ, iŋɛ iyi Ilaaɔ̃ í cicau.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.