Romu 5:3 - Bibeli do fee

³ Iyi í re mɔm, baa si wahala à ya ka nɛ inɔ didɔ̃i domi à mà iyi wahala í ya bí temua.

Romu 5:3 Iomraidhean Croise

Abakuku 3:18

Amma amu, inɔ didɔ̃m wa naai hai bi awɔ Aɔ̃ Lafɛ̃ɛ. Ǹ ya n nɛ inɔ didɔ̃i si na iyi í jɔ̀ ì faabam.

Luku 21:19

I temua ŋa, aa ba faabai hunde nŋɛ.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 5:11

Iyi í re mɔm, Lafɛ̃ɛ nwa Jesu Kirisi, nŋu iyi í jɔ̀ à dɔ̃ do Ilaaɔ̃, í nyi í jɔ̀ à nɛ inɔ didɔ̃ má si Ilaaɔ̃.

Romu 8:23

Nɔ iyi í re mɔm, baa awa iyi Ilaaɔ̃ í mu nwa Hundeɛ bɛi fiai kaazigi, à waa kakaa si idɔ nwa à waa degbeò Ilaaɔ̃ ku nyisi iyi à jɛ amaɛ ŋa ntɔ ntɔ nɔ ku faaba ara nwa.

Romu 9:10

Kù jɛ iyi bɛ nŋu akã, ama minjii Rebeka ŋau sika ŋai. Baa nŋai í jɛ bala nwa Izaaki.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Kɔrɛnti 2, 8:19

Iyi í re mɔm, igbɛi inɛi Jesu ŋa à cicaɛ ku si wa si isɛɛnɛ nwa ka naaò amuau wa. Icɛu à waa cooi ka naò Lafɛ̃ɛ takaɛ amboe nɔ ka nyisiò iyi à nɛ idɔ jiida ka sobiò inɛ ŋa.

Efɛɛzu 3:13

Na nŋu, ǹ wa n tɔɔ ŋɛ i maà mɔngɔ temua ŋa na ijuukpã iyi ǹ wa n yɛ na iri nŋɛ, domi ijuukpãu, nŋui á jɔ̀ i nɛ bɛɛrɛ ŋa ntɔ ntɔ.

Filipi 1:29

domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Piɛɛ 1, 3:14

Baa bii ì waa ba ijuukpã ŋa na dee dee ku jɛ nŋɛ, i nɛ inɔ didɔ̃ ŋa. I maà ce njoi amanɛ ŋa, nɔ i maà ya biti ŋa.