Romu 4:1 - Bibeli do fee

¹ Bɛirei aa ka fɔ nsɛi do idei Aburahamu bala nwa. Mii í ba.

Romu 4:1 Iomraidhean Croise

Ezai 51:2

I jɔ̀ iju nŋɛ ku koo si Aburahamu baa nŋɛ do si Sara iyi í bí ŋɛu. Ǹ kpe Aburahamui hai waati iyi kù nɛ ama, nɔ ǹ weea ǹ jɔ̀ í jɛ balai dimi nkpɔ nkpɔ.

Matie 3:9

I maà tamaa mà aa ba faaba ŋa si na iyi í jɔ̀ ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.

Luku 3:8

Na nŋu, i ce kookoosu jiida i nyisiò iyi ì kpaasi idɔ ŋa, nɔ i maà tamaa mà aa ba faaba ŋa si na iyi í jɔ̀ ì ya maa ni iŋɛ ì jɛ dimii Aburahamu ŋa. Ǹ wa n sɔ̃ ŋɛi, Ilaaɔ̃ á yɔkɔ ku so kuta ŋau ihɛ̃ ku ce ŋa dimii Aburahamu ŋa.

Laabaau jiida iyi Zãa í kɔ 8:33

Ŋɔi à jɛaa à ni, awa tɔkui Aburahamu ŋai a kù nɔ a kù jɛ arui inɛ gɔ ajɔ kãma. Bɛirei í ce ì waa sɔ̃ wa ì ni aa ka nɛ ara nwa.

Laabaau jiida iyi Zãa í kɔ 8:53

Bala nwa Aburahamu í ku. Mà ì tamaa awɔ ì la ì rooi? Nɔ walii ŋau mɔ à ku. To, yooi awɔ ì waa tamaa ì jɛ.

Laabaau jiida iyi Zãa í kɔ 8:56

Aburahamu, bala nŋɛu, í wɛɛò inɔ didɔ̃ nla nla si bɛi á na ku yɛ kunaam. Í nɔ í yɔɔ. Iyi í yɔɔ nɔ inɔɛ í dɔ̃.

Woo bɛ ŋa 13:26

To, iŋɛ kpaasi ŋa, iŋɛ iyi ì jɛ dimii Aburahamu ŋa, do dimi mmu ŋa iyi ì waa jirima Ilaaɔ̃, iŋɛi à sambaa idei faabau ihɛ̃ wa.

Romu 1:3

Jesu Kirisi Lafɛ̃ɛ nwai wa fãa, nŋu iyi í jɛ Amai Ilaaɔ̃u. À búui bɛi amanɛ si dimii Davidi ilaalu nlau,

Romu 3:5

Amma bii laalɔ ku ce nwa í jɔ̀ à mà iyi Ilaaɔ̃i í jɛ dee dee, bɛirei aa ka ni. Aa ka yɛ taalei Ilaaɔ̃ bii wa kpã wa iju? Aawo, kù jɛ bɛɛbɛ. Ǹ wa n fɔ dei si bɛi amanɛ ŋa à ya dɔ̃. Bii Ilaaɔ̃ kù jɛ dee dee, debɛi bɛirei á ce ku kiiti andunyau.

Romu 4:16

Na nŋu, kuwãu, ti inɛ ŋa iyi à dasi naanɛi ku ba ku jɛ amua iyi Ilaaɔ̃ í ce nwa na didɔ̃ɛ nɔ ku jɛ ti dimii Aburahamu fei. Kù jɛ inɛ ŋa iyi à nɛ wooda aŋa akã, amma do inɛ ŋa iyi à dasi naanɛ bɛi Aburahamu, nŋu iyi í jɛ balai awa fei.

Romu 6:1

Debɛi bɛirei aa ka ce. Aa ka ya maa ce dulum ku ba didɔ̃u ku kɔ̃ɔsi?

Romu 7:7

To, bɛirei aa ka fɔ. Woodau dulum nii? Aawo, kù jɛ bɛɛbɛ. Amma na saabui woodaui í jɔ̀ ǹ mà dulum. Ntɔ ntɔ, n kaa n mà mà kɔdɛɛ dulum nii wo bii wooda kù ni n maà n ce kɔdɛɛ.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Kɔrɛnti 2, 11:22

À jɛ inɛi Ebɛɛ ŋai? Bɛɛbɛ mɔi amu takam. À jɛ inɛi Izirɛli ŋai? Bɛɛbɛ mɔi amu takam. À jɛ tɔkui Aburahamui? Bɛɛbɛ mɔi amu takam.

Ebɛɛ 12:9

Baa nwa ŋa iyi à wa ilɛ ihɛ̃ à ya kpã wa iju à ya ka nɔ ka jirima ŋa. Bii bɛɛbɛi, bɛirei iri ilɛ ku sũa Baa nwa iyi í wa leleu í nɛ ku to ku ba ka nɛ kuwɛɛ.