Romu 3:4 - Bibeli do fee

⁴ Aawo, kù jɛ bɛɛbɛ. Baa bii inɛ fei í jɛ ilu ibo ka mà iyi Ilaaɔ̃ í jɛ ntɔ. Si bɛi kukɔi ideɛ wa fɔ na iriɛ í ni, amanɛ ŋa à nɛ a mà iyi ì jɛ dee dee si ide ku fɔɛ, nɔ ì ya ba ntɔ bii à kiitiɛ.

Romu 3:4 Iomraidhean Croise

Zɔɔbu 36:3

Hai bi inɛi ilu jĩijĩ ŋai ǹ koo ǹ ba kumàu wa ku ba n na Ilaaɔ̃ ntɔ nŋu iyi í takam.

Zɔɔbu 40:8

Do ntɔ aa jɛ i ni kiitim kù jɛ dee deei? Ì waa bi i yɛ taalem nii ku ba i nyisi iyi ì nɛ ntɔ?

Iri ku kɔ̃ 100:5

domi Aɔ̃ Lafɛ̃ɛ í jɛ jiida nɔ kubiɛ í ya maa wɛɛi hee do ajɔ fei. Dee dee ku jɛɛ mɔ í ya maa wɛɛi si tɔku do tɔku ŋa.

Iri ku kɔ̃ 116:11

Si bitim, ǹ fɔ ǹ ni, amanɛ fei ilu iboi.

Iri ku kɔ̃ 119:160

Si fei ideɛi í jɛ ntɔ. Nɔ woodaɛ ŋa aa maa wɛɛi si dee dee ku jɛ hee do ajɔ fei.

Iri ku kɔ̃ 138:2

An gulɛi do ikpa bi ile kumáɛ, nɔ an maa n saabuɛi na jiida ku jɛɛ do dee dee ku jɛɛ, domi ì kɔ̃ kuwãɛ í re baa bɛi à waa cɔ kpãaɛ.

Iri ku kɔ̃ 51:4

Wɛm hai si kuraram ŋa sãa sãa jɔ̀ n maaju si dulum dom.

Iri ku kɔ̃ 62:9

Iŋɛ inɛɛ ŋa, i dasiɛ naanɛ ŋa waati kãma fei, nɔ i sɔ̃ɔ mii iyi í wa nŋɛ si idɔ. Ilaaɔ̃i í jɛ bi ku manji nwa. Kusĩmi.

Misee 7:20

Aa nyisi jiida ku jɛɛ iyi ci ya kpaasi si gãmɛi awa tɔkui Zakɔbu ŋa do Aburahamu ŋa, si bɛi ì cea bala nwa ŋau kuwãɛ do kugbasi hai ku kpɛ.

Matie 11:19

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo gba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Luku 20:16

Á koo ku kpa ŋai, nɔ ku dɛ inɛ mmu ŋa ku dasi ŋa si ikou. Iyi à gbɔ ideu, ŋɔi à ni, Ilaaɔ̃ ku maà jɔ̀ ku ce bɛɛbɛ.

Laabaau jiida iyi Zãa í kɔ 3:33

Inɛ iyi í jɛsi sɛɛdaɛ, í jɛsi iyi Ilaaɔ̃ í jɛ ilu ntɔ.

Romu 11:1

Debɛi ǹ wa n beei, Ilaaɔ̃ í kɔ̀si inɛɛ ŋai? Aawo, kù jɛ bɛɛbɛ, domi amu takam inɛi Izirɛlii ǹ wa n jɛ, ǹ jɛ tɔkui Aburahamu si dimii Bɛnzamɛɛ.

Romu 11:11

Ŋɔi í jɔ̀ ǹ wa n bee, si waati iyi inɛi Izirɛli ŋa à koosɛ, à cukui hee do ajɔ fei? Aawo, kù jɛ bɛɛbɛ. Amma na kucuku nŋai í jɔ̀ dimi mmu ŋau mɔ à baò faaba ku ba a dedeò igu si ŋa.

Romu 3:31

Si bɛɛbɛ à waa kpa wooda na idei naanɛ ku dasiui? Aawo. À kɔ̃ɔsi gbugbãɛ mɔm nii.

Romu 6:15

To, mii aa ka ce. Si bɛi Ilaaɔ̃ í ce nwa didɔ̃ nɔ wooda kù nɛ si wa gbugbã, dulum nii aa ka maa ce? Aawo, kù jɛ bɛɛbɛ.

Romu 6:2

Aawo, kù jɛ bɛɛbɛ. Awa iyi à ku si gãmɛi dulum, bɛirei aa ka ce ka maa jɛ kuwɛɛ nwa si dulum má.

Romu 7:13

Debɛi mii jiidau í baa í jɛɛm kpãai iku? Aawo, kù jɛ bɛɛbɛ. Dulum nii í kpam. Mii jiidai í so í na í kpam do. Nŋui í jɔ̀ à yɔɔ iyi dulum í jɛ mii laalɔ do ntɔ nɔ do saabui wooda à yɛ iyi dulum í gaabu í caa.

Romu 7:7

To, bɛirei aa ka fɔ. Woodau dulum nii? Aawo, kù jɛ bɛɛbɛ. Amma na saabui woodaui í jɔ̀ ǹ mà dulum. Ntɔ ntɔ, n kaa n mà mà kɔdɛɛ dulum nii wo bii wooda kù ni n maà n ce kɔdɛɛ.

Romu 9:14

Debɛi, bɛirei aa ka fɔ nsɛi. Ilaaɔ̃ kù jɛ dee deei? Aawo, kù jɛ bɛɛbɛ,

Kɔrɛnti 1, 6:15

Iŋɛ i kù mà ŋa iyi ara nŋɛ í yɛi bɛi ikɔ̃ ikɔ̃i arai Kirisi? Debɛi, aa so ikɔ̃i arai Kirisi i jɔ̀ ku tɔtɔɔò abo à ta icu a jɛ akã ŋa? Aawo, kaa ce.

Kɔrɛnti 2, 1:18

Si bɛi ì mà ŋa iyi Ilaaɔ̃ í jɛ ilu naanɛ, ǹ bi i mà ŋa iyi n ci ya ni, ǹ wa n naa nɔ n ni, n kù wa n naa má.

Galati 2:17

Nsɛi, bii à waa dɛ ka jɛ dee dee na saabui Kirisi, nɔ à ba wee awa mɔ ilu dulum ŋai bɛi hai jɛ Zuifu ŋa, aa ka jɛ ka ni icɛi Kirisii í jɔ̀ dulum wa kɔ̃ɔsi? Aawo, ka maà lasabu bɛɛbɛ.

Galati 2:21

N kaa n fũsi didɔ̃i Ilaaɔ̃ awɔ n maa n jirima wooda, domi bii í jɛ amanɛ á yɔkɔ ku jɛ dee dee na wooda ku jirima, debɛi ikui Kirisiu ngbɛi.

Galati 6:14

Amma amu n kù n wa n tɔɔ fufu bii kù jɛ na ikui Lafɛ̃ɛ nwa Jesu Kirisi si jĩi ku gaau. Na ikuɛu mii ndii andunya fei í yɛɛm nii bɛi mii iyi kù wɛɛ má, nɔ bɛɛbɛ mɔi ǹ wa n yɔɔ baa do kuwɛɛi amu takam fei.

Wooda ku kɔsi 32:4

Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Titee 1:2

Iyi bɛi á jɔ̀ a maa cɔ kpãai kuwɛɛ hai tã. Ilaaɔ̃ ci ya sɔ ibo. Nɔ baa hai kù taka andunya í ce kuwãi kuwɛɛ hai tã.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Zãa 1, 5:10

Inɛ iyi í dasi Amai Ilaaɔ̃ naanɛ, í nɛ sɛɛdau si idɔɛ. Inɛ iyi kù dasi naanɛ, í ce Ilaaɔ̃ ilu iboi, domi kù jɛsi sɛɛda iyi Ilaaɔ̃ í jɛa Amaɛ.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Kuyɛi Zãa 3:7

Kirisi í ni má, kɔa amalekai igbɛi inɛm ŋa iyi í wa Filadɛɛfi. Kɔaa i ni, inɛ iyi í jɛ inɛ kumá do ilu ntɔ, iyi wa mu kileei ilaalu Davidi, nŋu iyi bii í cũu, inɛ gɔ kaa cĩmboɛ, bii í nɔ í cĩmboɛ, inɛ gɔ kaa cũu, nŋui í ni,