Romu 3:3 - Bibeli do fee

³ Bii inɛ gɔ ŋa a kù dasi naanɛ, naanɛ hai dasi nŋau á jɔ̀ Ilaaɔ̃ mɔ kú jɛ hai nɛ naanɛi?

Romu 3:3 Iomraidhean Croise

Iri ku kɔ̃ 84:7

Waati iyi à waa lɔ si lɔɔmai Baka fei, ì ya jɔ̀ ku kpaasii bɛi inya iyi í nɛ mandi nɔ ijĩi jɛadɔ̃ í ya biiɛi fei do kuwee ŋa.

Ezai 55:11

bɛɛbɛ mɔi do idem iyi wa fita wa hai si gɛlɛm. Ci ya sinda ku nyi wa bi tom iyi kù ce icɛɛ, nɔ ci ya nyi wa bi tom iyi kù ce idɔɔbim, nɔ ci ya nyi wa bi tom má iyi kù ce mii iyi ǹ bɔɔ do wa.

Kuka 23:19

Ilaaɔ̃ kù jɛ amanɛ hee ku sɔ ibo, nɔ kù jɛ amanɛ hee ku kpaasi lasabuɛ. Ide iyi í fɔ, ci ya cooi? Kuwã iyi í ce, ci ya kɔ̃ɔi?

Matie 24:35

Lele do ilɛ fei á na ku tã, amma idem ŋa a kaa tã pai.

Laabaau jiida iyi Zãa í kɔ 1:16

Si amani nlaɛu awa fei à ba andi baa nwa, nɔ à ba didɔ̃ si antaii didɔ̃u.

Romu 10:16

Amma kù jɛ inɛ feii í jɛsi idei laabaau jiidau. Bɛɛbɛi walii Ezai mɔ í fɔ í ni, Lafɛ̃ɛ, yoo ŋai à dasi waazo nwau naanɛ.

Romu 11:29

Ilaaɔ̃ í bi ŋa hee nsɛi domi ci ya ce mua ngba nɔ ci ya sinda idɔ hai si inɛ ŋa iyi í kpe.

Romu 9:6

Kù jɛ ǹ wa n ni ide iyi Ilaaɔ̃ í wãu í jɛ ngbɛ, amma kù jɛ inɛ ŋa iyi à bí si dimii inɛi Izirɛli ŋau feii à jɛ inɛi Izirɛli do ntɔ.

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Timɔtee 2, 2:13

Baa bii à jɛ hai nɛ naanɛ ŋa, do nŋu fei, nŋu í jɛ ilu naanɛ, domi kaa yɔkɔ ku kɔ̀si araɛ.

Ebɛɛ 4:2

À waazo nwa laabaau jiida si bɛi à cea inɛ ŋa iyi à tako à wa si gbaau. À gbɔ ideu amma kù ce nŋa aranfãani kãma domi si waati iyi à gbɔɔ, a kù dasi naanɛ.

Samuɛli 1, 15:29

Ilaaɔ̃, nŋu iyi wa na inɛi Izirɛli ŋa amboe, kaa sɔ ibo nɔ ci ya kpaasi idɔ bɛi amanɛ.