Romu 3:2 - Bibeli do fee

² Ntɔ ntɔ aranfãaniɛ í la si mii fei. Sinte, Zuifu ŋai Ilaaɔ̃ í daa ideɛ si awɔ.

Romu 3:2 Iomraidhean Croise

Iri ku kɔ̃ 119:140

Ideɛ í to a dasiɛ naanɛ mam mam, nɔ amu woo ce icɛɛ ǹ nɛ kubiɛ.

Ezai 8:20

à nɛ ka baai si woodai Ilaaɔ̃ do si akabuu iyi awaò ŋa à nɛ. Nɔ inɛ iyi kù ceò ide ŋau bɛ icɛ, kaa yɛ inya kumái amɛɛjuumá.

Laabaau jiida iyi Zãa í kɔ 5:39

Iŋɛ ì ya maa cio kukɔi idei Ilaaɔ̃ si na iyi í jɔ̀ ì waa tamaa aa ba siɛ kuwɛɛ hai tã ŋa. Nɔ wee kukɔ ŋau bɛ fei wa jɛa inɛ ŋa sɛɛdam.

Woo bɛ ŋa 7:38

Moizii í tako í wa bii inɛi Izirɛli ŋau à tɔtɔɔ si gbaau. Nŋui í wa afei bala nwa ŋa do amaleka iyi í baa ide ku fɔ si iri kutai Sinaiu. Nɔ hai bi tɛɛi í gba idei kuwɛɛ í na wa.

Romu 1:2

Laabaau jiidaui Ilaaɔ̃ í wãò wa wo. Nɔ kuwã iyi í ceui í jɔ̀ waliiɛ ŋa à kɔ si kukɔi ideɛ.

Romu 2:18

Ì mà mii iyi Ilaaɔ̃ í bi i ce, nɔ wooda í kɔɛ si i ce mii iyi í sĩa.

Romu 3:1

Debɛi, aranfãani yoomai Zuifu ku jɛ í nɛ. Riba yoomai bango ku ce í nɛ.

Romu 3:3

Bii inɛ gɔ ŋa a kù dasi naanɛ, naanɛ hai dasi nŋau á jɔ̀ Ilaaɔ̃ mɔ kú jɛ hai nɛ naanɛi?

Romu 9:4

Aŋai à jɛ inɛi Izirɛli ŋa, inɛ ŋa iyi Ilaaɔ̃ í cica a jɛ tɛɛ bɛi amaɛ ŋa, nɔ í nyisi ŋa amboeɛ. Do aŋai í dĩ akabuuɛ ŋa, nɔ í na ŋa wooda do kpãaɛ ku tɔɔ, do idei kuwãɛ.

Kɔrɛnti 1, 9:17

Bii do idɔɔbim nii ǹ wa n coo, ǹ nɛ kpãai n ba riba. Amma tilasi ǹ nɛ ku ceɛ mɔm nii domi Ilaaɔ̃i í dasim.

Kɔrɛnti 2, 5:19

Ntɔ ntɔ, na saabui Kirisii Ilaaɔ̃ í jɔ̀ inɛ ŋa à dɔ̃ do nŋu. Í kpa idei dulum du ŋa kù waa dooaɛ má, nɔ í jilɛ nwa icɛ ka sisia inɛ ŋa bɛi aa ce a dɔ̃ do nŋu.

Galati 2:7

Amma à yɛ iyi Ilaaɔ̃ í daam laabaau jiidau si awɔ n sisia dimi mmu ŋa, si bɛi í daa Piɛɛ si awɔ ku sisia Zuifu ŋa.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Ebɛɛ 5:12

Waati í to bɛbɛi bii í jɔ iŋɛ mɔ i kɔ inɛ gɔ ŋa mɔ si ideu, nɔ do nŋu fei, ì kɔ̀ ì waa nɛ bukaatai inɛ iyi á kɔ ŋɛ si mii sinte ŋa si idei Ilaaɔ̃. Iŋɛ iyi ì to i jɛ ijɛ kili nla nɔ ì nyi ì waa nɛ bukaatai amɔ má ŋa.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 22:6

Ŋɔi amalekau í sɔ̃m í ni, ideu ihɛ̃ ide ntɔi, í nɔ í nɛ naanɛ. Aɔ̃ Lafɛ̃ɛ, nŋu iyi í gbã walii ŋau, í bɛ amalekaɛ wa bi woo dasi naanɛ woo ce icɛɛ ŋa ku sɔ̃ ŋa mii iyi á ce bii í kɔ̃ɔsi.