Romu 2:4 - Bibeli do fee

⁴ Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Romu 2:4 Iomraidhean Croise

Iri ku kɔ̃ 10:11

Si idɔɛ í ya fɔi ku maa ni baai Ilaaɔ̃ kù wa si do kucei nŋu. Ci ya cɔ hee ku yɛ ngɔgɔ iyi nŋu wa ce.

Iri ku kɔ̃ 104:24

Aɔ̃ Lafɛ̃ɛ, icɛɛ ŋa a kù nɛ jia, ì ce fei ndɛɛi do laakai. Ilɛ í kɔ̃i do mii ŋa iyi ì taka.

Iri ku kɔ̃ 31:19

Jɔ̀ woo sɔ ibo ŋa do ilu faau ŋa iyi à waa yaako inɛ dee dee nɔ à waa taa gbugbãu a coko.

Iri ku kɔ̃ 78:38

Nŋu iyi í jɛ ilu araare, í ya mu idɔɔkɔ̃ɛui ci ya jɔ̀ ku naa si ŋa má. Í ya kpa idei kurara nŋa ŋaui, nɔ ci ya ce nfe nŋa má.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Kufita 34:6

Nɔ í koo í lɔ wajui Moizi wa ni, amui ǹ jɛ Aɔ̃ Lafɛ̃ɛ, ǹ ya n ce araarei inɛ ŋa nɔ n ce nŋa didɔ̃. Idɔɔkɔ̃m ci ya saasa ku dede nɔ jiida ku jɛm do dee dee ku jɛm í la í caa.

Woo lasabu 8:11

Si bɛi a ci ya kpã woo ce laalɔ ŋa iju gbãa gbãa, ŋɔi í jɔ̀ amanɛ ŋa à ya maa bi laalɔ ku ce.

Ezai 30:18

Na ŋɔi í jɔ̀ Aɔ̃ Lafɛ̃ɛ wa degbe ku ba ku ce nŋɛ didɔ̃. Aɔ̃ Lafɛ̃ɛ á dedei ku ce araare nŋɛ, domi í jɛ dee dee. Ilu inɔ didɔ̃ ŋai inɛ ŋa iyi kpãa ku cɔ nŋa fei í wa siɛ.

Zeremi 7:10

Si anyiɛ, ì ya naa si wajum ŋai si inɔ ileu ihɛ̃ iyi à nya ikã í jɛ titom, nɔ ì ya maa ni ŋa, à faaba wa. Nɔ si anyiɛ ì ya koo i maa mɔsi do laalɔ ŋau bɛ fei ku ce má ŋai.

Ezekiɛli 11:19

An jɔ̀ a nɛ lasabu akã, nɔ n mu nŋa idɔ titɔ̃. An nya idɔ nŋa iyi í le bɛi kuta, nɔ n da nŋa si idɔ iyi í yɛ bɛi ara baasĩ.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Zonasi 4:2

Nɔ í sɔ̃ Aɔ̃ Lafɛ̃ɛ í ni, mii ŋa iyi ǹ wa n yɛ mbɛ waati iyi ǹ wa ilɛi idem, ŋɔi í jɔ̀ ǹ sa gbãa gbãa ǹ nɛ ikpa Taasi. Ǹ mà iyi awɔ ilu araarei, idɔɛ ci ya saasa ku kɔ̃ nɔ jiida kú jɛɛ í caa, nɔ idei laalɔ iyi ì dasi idɔ i cea amanɛ ì ya kpaa mái.

Kuka 14:18

awɔ Aɔ̃ Lafɛ̃ɛ idɔɛ ci ya saasa ku kɔ̃, nɔ jiida ku jɛɛ í la í caa, nɔ ì ya cea inɛ suurui dulum dɛɛ do ti wooda ku kuaɛ, amma i ci ya cɔ inɛ laalɔ bɛi inɛ iyi kù ce ngɔgɔ, ì ya kpã amu ŋa iju na laalɔi baa nŋa ŋa hee ku koo si tɔku gbɛɛtasia do gbɛ̃ɛsia nŋa ŋa.

Romu 10:12

Bɛɛbɛi inɛ gɔ kù jɛ ikã, hai Zuifu ŋa hee ku bɔ do dimi mmu ŋa fei. Aŋa fei Lafɛ̃ɛ akãi à nɛ. Inɛ ŋa iyi à waa tɔɔɛ fei í ya ce nŋa jiida ntɔ ntɔ.

Romu 11:22

Debɛi, cɔ jiida ku jɛi Ilaaɔ̃ do kugaabuɛ. Í gaabu si inɛ ŋa iyi à cuku, amma í jɛ inɛ jiida bi tɛɛ. Awɔ de leekĩ dim dim si jiida ku jɛɛ. Bii kù jɛ bɛɛbɛ aa da awɔ takaɛ.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.

Romu 3:25

Nŋui Ilaaɔ̃ í jilɛ ku jɛ kuwee. Njɛɛ iyi í nikã í kpa dulum dii inɛ ŋa iyi à dasiɛ naanɛ. Ilaaɔ̃ í ce bɛɛbɛi ku nyisiò iyi nŋu í jɛ dee dee. Tako wo si suuruɛ í temua do dulum dii amanɛ ŋa, kù kpã ŋa iju.

Romu 6:1

Debɛi bɛirei aa ka ce. Aa ka ya maa ce dulum ku ba didɔ̃u ku kɔ̃ɔsi?

Romu 6:15

To, mii aa ka ce. Si bɛi Ilaaɔ̃ í ce nwa didɔ̃ nɔ wooda kù nɛ si wa gbugbã, dulum nii aa ka maa ce? Aawo, kù jɛ bɛɛbɛ.

Kɔrɛnti 2, 8:2

Aŋai à yɛ laakai ku cɔ si ijuukpã jiida. Amma inɔ didɔ̃ nla nŋa í jɔ̀ à ce amua nŋa do inɔ akã, baa do iyi are nŋa í la.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 2:4

Amma araarei Ilaaɔ̃ í la. Na kubi nlaɛ iyi í bi wa,

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Filipi 4:19

Do saabui Jesu Kirisi Ilaaɔ̃ á mua iŋɛ fei bukaatai mii iyi ì nɛ ŋa si bɛi amanii amboeɛ í to.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Timɔtee 1, 1:16

amma Ilaaɔ̃ í ce araarem ku ba Jesu Kirisi ku yɔkɔ ku nyisi temua hai nɛ kɔɔɛ si amu iyi ǹ jɛ inɛ ngboi ilu dulum ŋa. Nɔ ǹ bi n jɛ yaase jiida bi inɛ ŋa iyi aa na a dasiɛ naanɛ a ba kuwɛɛ hai tã.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Piɛɛ 1, 3:20

inɛ ŋa iyi a kù tako a kù waa jirima Ilaaɔ̃ si waati iyi í temuaò ŋa hee Nowee í koo í ceò akɔi inyiu í tã. Inɛ ŋa iyi à lɔ si akɔi inyiu a kù kpɔ, a kù re aŋa mɛɛjɔ, nɔ à ba faaba hai si inɔ inyi nlau.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Piɛɛ 2, 3:15

I doo temuai Lafɛ̃ɛ nwa bɛi kpãai faaba nŋɛ, si bɛi Pɔlu baakɔɔ nwa í kɔ nŋɛ do bisi iyi Ilaaɔ̃ í muaa.

Piɛɛ 2, 3:3

Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Piɛɛ 2, 3:9

Aɔ̃ Lafɛ̃ɛ ci ya jɔ̀ idei kuwãɛ iyi í jilɛu ku kpɛ ideu ku kɔ̃ò si bɛi inɛ gɔ ŋa à waa tamaa. Amma wa temua nŋɛi, domi kù bi baa inɛ akã ku ce nfe. Í bi mɔm ku jɛ inɛ fei ku kpaasi idɔ.

Kuyɛi Zãa 2:21

Ǹ muaa waati ku kpaasi idɔɛ, amma kù bi ku jɔ̀ sakara ku ceɛ.

Kuyɛi Zãa 3:20

Wee ǹ wa n leekĩ andɛi ile, nɔ ǹ wa n cã gambo. Inɛ iyi í gbɔ imum nɔ í cĩim, an lɔ bi tɛɛ, nɔ n baa ku jɛ, nɔ awaò ka jɛ ajɔ.