Romu 2:3 - Bibeli do fee

³ Debɛi, ì waa tamaa mà awɔ aa fita si kiitii Ilaaɔ̃i, awɔ iyi ì waa yɛ taalei inɛ ŋa, nɔ awɔ mɔ ì waa ce dimi bɛɛbɛ má?

Romu 2:3 Iomraidhean Croise

Samuɛli 2, 10:3

ŋɔi inɛ ngboi inɛi Amɔɔ ŋau à koo à sɔ̃ Hanunu lafɛ̃ɛ nŋa à ni, ì waa tamaa bɛi Davidi í bɛ inɛ ŋau ihɛ̃ wai a naa a tũ idɔɛ si na iyi í jɔ̀ í mà bɛɛrɛi baaɛ? I kù mà iyi í bɛ ŋa wai a naa a cɔ yaasei iluu ku ba ku naa ku ce asɔɔɛ?

Zɔɔbu 35:2

ì waa tamaa si ì nɛ ntɔi? Ì waa coo si aa jɛ dee dee bi Ilaaɔ̃i?

Iri ku kɔ̃ 50:21

Cɔ mii iyi ì waa ce, nɔ i kù bi n ni ide kãma. Ì waa tamaa mà ǹ yɛ bɛi awɔi? An kiitiɛi nɔ fei ndɛɛ ku fita gbugbãa.

Iri ku kɔ̃ 56:7

À ce anu akã, à kãsim iju à waa dɛdɛm si na iyi í jɔ̀ à waa bi a kpam.

Mɔnda ŋa 11:21

Ntɔ ntɔ inɛ laalɔ fei á yɛ ijuukpã, amma tɔkui inɛ dee dee ŋa aa ba faaba.

Mɔnda ŋa 16:5

Aɔ̃ Lafɛ̃ɛ í cé lasabui ilu faau, à nɔ à mà kãm kãm iyi aa ba ijuukpã.

Ezekiɛli 17:15

Amma ilaalu titɔ̃u í dedeò ide ku kɔ̀ si gãmɛi ilaalui Babilɔniu. Ŋɔi í bɛ inɛɛ ŋa ilɛi Ezibiti a koo a dɛ acĩ ŋa do sooge ŋa wa nkpɔ nkpɔ. Inɛ iyi í ce bɛɛbɛu á yɔkɔ ku fita si mbɛ? Aawo. Kaa yɔkɔ, domi í fũ akabuu mbɛ.

Ezekiɛli 17:18

Ilaalui Zudaau kù ceò kugbasiɛu icɛ nɔ kù jirima akabuu. Si bɛi í ce bɛɛbɛ, kaa fita si.

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Matie 23:33

Iŋɛ inɛ buu ŋai bɛi njo wukuku. I kù nɛ bɛi aa ce i saa ina iyi ci ya kuu ŋa.

Matie 26:53

I kù mà iyi bii ǹ bi an yɔkɔ n tɔɔ Baam, nɔ gbakã ku bɛ amaleka dubu nkpɔ nkpɔ wa a naa a sobim?

Luku 12:14

Ŋɔi Jesu í jɛaa í ni, mɔkɔɔyi, yooi í cem woo kiiti nŋɛ walakɔ woo kpɛ̃ tubu nŋɛ.

Luku 22:58

Iyi í ce sãa má ŋɔi inɛ gɔ í yɔɔ nɔ í ni, awɔ mɔ inɛ akãi inɛ ŋaui. Amma Piɛɛ í ni, mɔkɔɔyi, n kù jɛ inɛ nŋa.

Luku 22:60

Amma Piɛɛ í ni, awɔ bɛ, n kù mà bɛi ì waa bi i fɔ. Si bɛi wa fɔ ideu gbakã ŋɔi ajɛɛ wa kɔ.

Romu 1:32

À mà woodai Ilaaɔ̃ iyi wa fɔ í ni, inɛ ŋa iyi à waa ce dimii mii bɛɛbɛ ŋa, ikui í jɛ kɔkɔɔ nŋa. Do nŋu fei à ya coo, nɔ à ya maa saabu woo ce dimiɛ ŋa má.

Romu 2:1

Na nŋu, awɔ iyi ì waa yɛ taalei inɛ ŋa, baa bii yooi ì jɛ, i kù nɛ iyi aa fɔ, domi waati iyi ì waa yɛ taalei inɛ ŋa nɔ awɔ takaɛ ì waa ce mii laalɔ ŋau bɛ, awɔ takaɛ ì waa so taalei.

Romu 2:2

Do ntɔ, à mà iyi Ilaaɔ̃ í nɛ ntɔ bii wa yɛ taalei inɛ ŋa iyi à waa ce dimi bɛɛbɛ.

Romu 9:20

Awɔ iyi ì waa fɔ bɛɛbɛ, yooi ì jɛ i bɛi i kakɔɔ Ilaaɔ̃. Caka á yɔkɔ ku bee woo ma ku ni, na mii í ce ì mam bɛ ihɛ̃?

Tɛsalonika 1, 5:3

Waati iyi inɛ ŋa à waa ni laakai ku sũ í wɛɛ, zigiida kù wɛɛ má, bɛ gbakã iri ku kpai andunya á boe ŋa bɛi ara kuro í ya ba bãasĩ. A kaa ba bii aa sa a bɔ má.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.