Romu 2:2 - Bibeli do fee

² Do ntɔ, à mà iyi Ilaaɔ̃ í nɛ ntɔ bii wa yɛ taalei inɛ ŋa iyi à waa ce dimi bɛɛbɛ.

Romu 2:2 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Zɔɔbu 34:23

Ilaaɔ̃ kù nɛ bukaatai ku kɛɛma inɛ gɔ do yaase ikã gɔ ku bɛi ku bɔòɛ bi ku ce kiiti.

Iri ku kɔ̃ 145:17

Aɔ̃ Lafɛ̃ɛ, ì jɛ dee deei si kpãaɛ ŋa fei. Nɔ bɛɛbɛ mɔi ì ya nyisi jiida ku jɛɛ si icɛɛ ŋa fei.

Iri ku kɔ̃ 9:4

Si wajuɛ mbɛɛm ŋa à nyi do anyi, à koosɛ nɔ à ce nfe.

Iri ku kɔ̃ 96:13

si wajui Aɔ̃ Lafɛ̃ɛ domi wa naa. Wa naai ku na ku kiiti inɛi andunya ŋa. Á kiiti inɛi andunya ŋaui do dee dee ku jɛ, nɔ si ntɔi á kiitiò inɛ fei.

Iri ku kɔ̃ 98:9

si wajui Aɔ̃ Lafɛ̃ɛ, domi wa naai ku kiiti ilɛ. Á kiiti andunyai do dee dee ku jɛ, nɔ kiitiɛu dee deei á jɛ bi inɛ fei.

Ezai 45:19

Nɔ Aɔ̃ Lafɛ̃ɛ í ni má, ide iyi ǹ fɔ, n kù manji n kù fɔɔ, kù nɔ kù jɛ si inyai ilu kuku gɔi ǹ fɔɔ si ilɛu ihɛ̃. N kù sɔ̃ tɔkui Zakɔbu ŋa n kù ni a dɛdɛɛm si inya ngbɛ. Amu Aɔ̃ Lafɛ̃ɛ, iyi í jɛ dee dee do iyi í tɛi ǹ ya n fɔ.

Ezai 45:21

I fɔ ide, nɔ i nyisi nyinda nŋɛ ŋa wa ŋa. Iŋɛ fei i tɔtɔɔ i busi njɛ ajɔ ŋa. Yooi í jɔ̀ à gbɔ baaui mii iyi wa ce nnyiu ihɛ̃ hai ku kpɛ, nɔ hai waati bɛɛbɛ, yooi í fɔ baauɛ. Kù jɛ amu Aɔ̃ Lafɛ̃ɛ? Bii baam í lɔ, Ilaaɔ̃ mmuɛ gɔ kù wɛɛ má iyi í jɛ dee dee nɔ í jɛ woo faaba. Kù wɛɛ má, í gbe amu akã.

Zeremi 12:1

Aɔ̃ Lafɛ̃ɛ, dee dee ku jɛɛ í caa. N kù nɛ n maa n ce kakɔɔ do awɔ. Amma do nŋu fei, ǹ bi n baɛ ide ku fɔ si kiitiɛ ŋa. Inɛ ŋa iyi à jɛ inɛ laalɔ ŋa, mii iyi à waa ce si kuwɛɛ nŋa fei, í ya maa nɛ nŋai dee dee. Na mii. Bɛirei í ce woo zamba inɛ ŋa, aŋa fei à ya maa wɛɛ nŋai do laakai ku sũ.

Ezekiɛli 18:25

Ì ya fɔ i maa ni ŋa lasabui amu Aɔ̃ Lafɛ̃ɛ kù jɛ dee dee. I sotĩ i gbɔ, iŋɛ inɛi Izirɛli ŋa, lasabum nii kù jɛ dee dee? Mà lasabu nŋɛ ŋa.

Ezekiɛli 18:29

Iŋɛ inɛi Izirɛli ŋa ì ya fɔ i maa ni ŋa lasabui amu Aɔ̃ Lafɛ̃ɛi kù jɛ dee dee. Lasabum nii kù jɛ dee dee? Aawo, lasabu nŋɛi kù jɛ dee dee.

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Woo bɛ ŋa 17:31

Nɔ í jilɛ ajɔ si bii inɛ iyi í cicau á kiitiò inɛi andunya ŋa fei nɔ kiitiɛu dee deei á jɛ. Nɔ í jũu tã hai si balɛ ku ba ku nyisi inɛ fei iyi inɛ bɛ á na ku cei.

Romu 2:1

Na nŋu, awɔ iyi ì waa yɛ taalei inɛ ŋa, baa bii yooi ì jɛ, i kù nɛ iyi aa fɔ, domi waati iyi ì waa yɛ taalei inɛ ŋa nɔ awɔ takaɛ ì waa ce mii laalɔ ŋau bɛ, awɔ takaɛ ì waa so taalei.

Romu 2:3

Debɛi, ì waa tamaa mà awɔ aa fita si kiitii Ilaaɔ̃i, awɔ iyi ì waa yɛ taalei inɛ ŋa, nɔ awɔ mɔ ì waa ce dimi bɛɛbɛ má?

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Romu 9:14

Debɛi, bɛirei aa ka fɔ nsɛi. Ilaaɔ̃ kù jɛ dee deei? Aawo, kù jɛ bɛɛbɛ,

Kuyɛi Zãa 16:5

Nɔ ǹ gbɔ anui amaleka iyi í nɛ gbugbã si antaii inyiu í ni, awɔ Ilaaɔ̃ ì nɛ ntɔ i kiiti bɛ ihɛ̃, awɔ inɛ kumá, awɔ iyi ì wɛɛ, ì nɔ ì wɛɛi wo.

Kuyɛi Zãa 19:2

Kiitiɛ í jɛ ntɔ, nɔ í tɛ, domi í kiiti abo à ta icu iyi í bɛjɛ andunya fei do daa laalɔɛ ŋa, nɔ í sã siɛ gbese si na iyi í jɔ̀ í nikã njɛi woo ce icɛɛ ŋa.