Romu 16:3 - Bibeli do fee

³ I ce Piisila do mɔkɔɛ Akilasi fɔɔ, kpaasi woo ce icɛm ŋa si icɛi Jesu Kirisi,

Romu 16:3 Iomraidhean Croise

Timɔtee 2, 4:19

Ce Piisila do Akilasi fɔɔ do inɛi kpasɛ̃i Onezifɔɔ ŋa.

Kɔrɛnti 1, 16:19

Igbɛi inɛi Jesu ŋa iyi à wa ilɛi Azii à waa ce ŋɛ fɔɔ. Akilasi do Piisila do inɛi igbɛi Jesu ŋa iyi à ya tɔtɔɔ kpasɛ̃ nŋa, à waa ce ŋɛ fɔɔ jiida jiida do irii Lafɛ̃ɛ.

Woo bɛ ŋa 18:26

Wa ce nŋa waazo do naanɛ ile bii Zuifu ŋa à ya ce kutɔtɔɔu. Ŋɔi Piisila do Akilasi à gbɔ waazoɛ nɔ à kpoo ide nŋa à koo à teese à sisiaa yaasei idei Ilaaɔ̃ dee dee.

Kɔrɛnti 1, 16:16

amanɛ dimi bɛɛbɛ ŋa do inɛ ŋa iyi à waa ba ŋa icɛu ku ce do himma fei, i ya jirima ŋa ŋa.

Romu 16:9

I ce Uubɛ̃ɛ fɔɔ, kpaasi woo ce icɛ nwa si icɛi Kirisi, do Sitaki kpaasi jiidam.

Romu 8:1

Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Romu 8:2

Hundei Ilaaɔ̃i í ya jɔ̀ inɛ ku ba kuwɛɛ na saabui Jesu Kirisi, nɔ gbugbãi Hundeɛui í nyam hai si gbugbãi dulum do ti iku.

Romu 8:11

Ilaaɔ̃i í jĩ Jesu hai si balɛ. Nɔ bii Hundei nŋu iyi í jĩ Kirisi hai si balɛu í wa si ŋɛ á na ara iku nŋɛ ŋau mɔ kuwɛɛ na saabui Hundeɛ iyi í wa si ŋɛu.

Romu 16:4

aŋa iyi a kù saalu baa kuwɛɛ nŋa ku ba a faaba ti amu. Kù jɛ amu akãi ǹ wa n saabu ŋa, hee do igbɛi inɛi Jesu ŋa iyi à jɛ dimi mmu ŋau fei à waa saabu ŋa.

Romu 16:7

Nɔ i ce Andoniku do Zunia dimim ŋau fɔɔ, awaò ŋai à ce piisɔ̃ɔ ajɔ. À nɛ bɛɛrɛ nla nla si inɔi woo bɛ ŋau. À tako à dasi Kirisi naanɛ mɔm amu ǹ bɛi ǹ dasiɛ naanɛ.

Romu 16:10

I ce Apelɛsi fɔɔ, nŋu iyi í nyisi naanɛ ku dasiɛ ntɔ ntɔ si laakai ku cɔ. I ce inɛi kpasɛ̃i Arisitobu ŋa fɔɔ.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Kɔrɛnti 2, 12:2

Ǹ mà inɛi Kirisi gɔ iyi à soo hee lelei Aɔ̃ í to adɔ̃ maatɛ̃ɛ nnyi. Do araɛi à soo do ntɔ? Mà í ce kuyɛi? N kù mà. Ilaaɔ̃ nŋu akã dei í mà.

Galati 1:22

Waati bɛɛbɛ igbɛi inɛi Kirisi ŋa iyi à wa ilɛi Zudee a kù yɛ wajum titã.

Filipi 2:25

Amma nsɛi, ǹ yɛ í sĩa n jɔ̀ kpaasim Epafoditi ku nyi wa bi tu ŋɛ, nŋu iyi ì tako ì bɛ sim wa ŋa do sobi iyi ǹ biu. Nŋui í jɛ kpaasi woo ce icɛm nɔ wa bam ku jabu.

Kolosee 4:11

Jesu iyi à waa kpe Zusitu, nŋu mɔ í ce ŋɛ fɔɔ. Amanɛ mɛɛta ŋau aŋa akãi à jɛ Zuifu woo dasi Jesu naanɛ ŋa iyi à waa bam icɛ ku ce na bommai Ilaaɔ̃. À muum gbugbã ntɔ ntɔ.