Romu 13:2 - Bibeli do fee

² Na nŋu, bii inɛ í donda idei inɛ ngbo, ide iyi Ilaaɔ̃ í jilɛi í kɔ̀si. Nɔ inɛ ŋa iyi à waa kɔ̀ ide dimi bɛɛbɛ, à waa dɛdɛa ara nŋa taalei.

Romu 13:2 Iomraidhean Croise

Ezai 58:2

Ajɔ do ajɔ à ya sinda wa bi titom nii. À bi aŋa a mà kpãam ŋa bɛi dimi gɔ iyi wa ce iyi í jɛ dee dee, nɔ kù sinda kù toa asaiyai amu Aɔ̃ Lafɛ̃ɛɛ anyi. À waa tɔɔ n ceaa aŋa kiiti iyi í jɛ dee dee, nɔ à bi aŋa a sɛkɛɛ si amu Ilaaɔ̃ wa.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Maaku 12:40

À ya takii jaaɔ̃ ŋa a gba mii ndu ŋa ŋa fei, nɔ à ya maa ce kutɔɔ sisɔ ku ba a yɛ ŋa nŋu akã. Na ŋɔi í jɔ̀ ijuukpã nŋa á la ku caa.

Luku 20:47

À ya takii jaaɔ̃ ŋa a gba mii ndu ŋa ŋa fei, nɔ à ya maa ce kutɔɔ sisɔ ku ba a yɛ ŋa nŋu akã. Na ŋɔi í jɔ̀ ijuukpã nŋa á la ku caa.

Romu 13:1

Inɛ fei ku jirima inɛ ngboi ilɛɛ, domi inɛ ngbo kãma kù wɛɛ iyi kù jɛ do kumàsii Ilaaɔ̃. Inɛ ngbo ŋa iyi à wɛɛ fei Ilaaɔ̃i í jilɛ ŋa.

Romu 13:3

Ntɔ ntɔ, woo ce jiida ŋa a kù nɛ zigiida do inɛ ŋa iyi à waa mu ilɛu, í gbe woo ce laalɔ ŋa. Bii i kù bi njo ku muɛ si gãmɛi inɛ ngbo ŋau, ce jiidaɛ, aa nɛ siɛ inɔ didɔ̃.

Romu 13:5

Na nŋu, ì nɛ i sũ nŋa iri ilɛ ŋai, nɔ kù jɛ si na iyi í jɔ̀ ì waa ce njoi ijuukpã nŋu akã ŋa, amma ku ba idɔ nŋɛ ku maà yɛ taale nŋɛi.

Romu 9:19

Bii bɛɛbɛi, inɛ gɔ á yɔkɔ ku sɔ̃m ku ni, Ilaaɔ̃ kù nɛ kpãa ku yɛ taalei amanɛ ŋa má, domi inɛ kãma kaa yɔkɔ ku dede si mii iyi í jilɛ.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Zaaki 3:1

Kpaasim ŋa, i maà dɛ i kpɔ iŋɛ iyi ì waa bi i maa kɔ inɛ ŋa si idei Ilaaɔ̃, domi ì mà ŋa, awa iyi à waa kɔ inɛ ŋa si cioi idei Ilaaɔ̃, Ilaaɔ̃ kaa ce araare nwa si kiitiɛ.

Piɛɛ 1, 2:13

I jirima ilu iri fei ŋa na irii Lafɛ̃ɛ, hai ilaalu nla nŋu iyi í re do gbugbã,