Romu 12:3 - Bibeli do fee

³ Na didɔ̃ iyi Ilaaɔ̃ í muum, ǹ wa n sɔ̃ iŋɛ fei, i maà jilɛ ara nŋɛ tengi bii i kù to ŋa, amma inɛ fei ku jilɛ araɛ si zaka bɛi Ilaaɔ̃ í muaa naanɛ.

Romu 12:3 Iomraidhean Croise

Mɔnda ŋa 25:27

Kù sĩa i jɛ nyikɔ̃ ku caa, bɛɛbɛ mɔi kù sĩa i dɛdɛ i ba bɛɛrɛ ku caa.

Mɔnda ŋa 26:12

Bii ì yɛ inɛ gɔ wa cɔ araɛ ilu bisi, idei nnyɛi á nɛ kpãa ku cɔ ku re ti inɛɛu bɛ.

Woo lasabu 7:16

Maà jɛ inɛ dee dee hee ku caa nɔ i maà nyisi iyi ì nɛ bisi ì re inɛ fei. Na mii í jɔ̀ aa ce nfei araɛ.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Luku 18:11

Farisiu í leekĩ wa ce kutɔɔ wa ni, Ilaaɔ̃, ǹ saabuɛ do iyi n kù yɛ bɛi inɛ ŋa iyi à gbe, iyi à jɛ woo takii inɛ ŋa, do woo ce laalɔ ŋa, do woo ce sakara ŋa, do woo gba fiai lɛmpoo ŋa bɛi mɔkɔu ihɛ̃.

Laabaau jiida iyi Zãa í kɔ 3:34

Inɛ iyi Ilaaɔ̃ í bɛ wa idei Ilaaɔ̃i wa fɔ, domi Ilaaɔ̃ í muaa Hundeɛ do inɔ akã.

Romu 1:5

Jesuu nŋui í muum didɔ̃ ǹ jɛò woo bɛ ku ba n naaò inɛ ŋa wa hai si dimi fei bi tɛɛ na iriɛ ku ba a dasiɛ naanɛ nɔ a jirimaɛ.

Romu 11:20

Ntɔi, à da ŋai na naanɛ hai dasi nŋa, nɔ awɔ mɔ ì wa agbɛu bɛi na naanɛ ku dasiɛ. Maà tɔɔ fufu, amma ce laakai,

Romu 11:25

Iŋɛ inɛm ŋa, n kù bi asiii ideu ihɛ̃ ku manji nŋɛ hee ku jɔ̀ i maa cɔ ara nŋɛ ilu bisi ŋa. Asiiu wee. Idɔi inɛi Izirɛli fiti mbɔ ŋau í lei titã hee kukpɔi dimi mmu ŋa iyi aa ba faabau ku kɔ̃.

Romu 12:16

I ya nɛ anu akã ŋa, i maà jɔ̀ lasabui ara ku so ku wa si ŋɛ, amma i ya kaye ara nŋɛ ŋa. I maà ya jilɛ ara nŋɛ ilu bisi ŋa.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 1, 3:10

Amu mɔ, na saabui didɔ̃ iyi Ilaaɔ̃ í ceem, amui ǹ nyɔ icui ileu bɛi woo ma iyi í nɛ laakai. Nsɛi inɛ mmu gɔi wa ma si antaiɛ. Amma inɛ fei ku ce laakai si yaase bɛi wa ma si.

Kɔrɛnti 1, 7:17

Aɔ̃ Lafɛ̃ɛ í jilɛa inɛ fei tengi bii á nɛ si kuwɛɛɛ. Na nŋu, baai idei njɛ ku so do hai dasi naanɛ ŋa baasi, í sĩa inɛ fei ku máa nɛ si kpãai kuwɛɛ bii í tako í wa wo Ilaaɔ̃ í bɛi í kpoo. Iyi ǹ jilɛa igbɛi inɛi Jesu ŋa bii fei mbɛ.

Kɔrɛnti 2, 10:13

Amma awa, a kaa ka tɔɔ fufu si mii iyi a kù nɛ kpãa ka tɔɔò fufu. Si icɛ iyi Ilaaɔ̃ í jilɛ nwa ku cei aa ka tɔɔò fufu, nɔ iŋɛi ì jɛ ribai icɛ nwa.

Kɔrɛnti 2, 12:13

Mii ǹ cea igbɛi inɛi Jesu gɔ ŋa iyi n kù ce nŋɛ, bii kù jɛ iyi ǹ ni n kù bi n jɛ aso nŋɛ. Nɔ bii na nŋui, i ceem suurui kuraram.

Kɔrɛnti 2, 12:7

Amma ku ba n maà n ce faau na kukɔsi nlau, bɔ̃ɔ gɔ í na í sɔkɛ sim bɛi agũ. Í naai bɛi woo bɛi Seetam ku na ku cãm nɔ ku ganjim faau ku ce.

Galati 6:3

Bii inɛ gɔ wa cɔ araɛ ngɔgɔ nɔ wee kù jɛ ngɔgɔ, wa lɛlɛ araɛi.

Efɛɛzu 3:2

Ǹ mà kãm kãm iyi ì gbɔ tã ŋa bɛi Ilaaɔ̃ í ceem didɔ̃ ku ba n naa n sisi nŋɛ yaasei didɔ̃u,

Efɛɛzu 3:4

Bii ì cio ideu ŋa, aa yɔɔ ŋa iyi ǹ mà asiii idei Kirisi do ntɔ.

Efɛɛzu 4:16

Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Kolosee 2:13

Tako wo, ì yɛi bɛi iku ŋa na irii kurara nŋɛ do si na iyi í jɔ̀ ì jɛ dimi mmu ŋa iyi a kù ce bango ŋa. Amma nsɛi Ilaaɔ̃ í ce ŋɛ ilu hunde do Kirisi ajɔ. Í kpa idei dulum du wa fei.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 1, 2:15

Amma inaabo ŋa aa ba faaba si kpãai ama ku bí bii à waa mu ara nŋa nɔ à leekĩ si kpãai naanɛ ku dasi do kubi do kuwɛɛ iyi í má.

Timɔtee 1, 2:9

Bɛɛbɛ mɔi ǹ bi inaabo ŋa a ya dasi jĩnɛ ku nɛ bɛɛrɛ ŋa si azaka. Í sĩa booda nŋa kú jɛ kookoosu jiida si bɛi í jɔ inaabo ŋa iyi à ni aŋa à mà bɛɛrɛi Ilaaɔ̃ a ya ce, ku maà ti ku jɛ do iri kubai faayi walakɔ do sabai wura ŋa walakɔ do lɛgɛ ŋa, nɔ a maà ya dasi jĩnɛi fia nkpɔ nkpɔ.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Titee 2:4

ku ba a mà bɛi aa bi mɔkɔ nŋa ŋa do ama nŋa ŋa.

Titee 2:6

Sɔ̃ awaasũ ŋa mɔ a mà ara nŋa.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Zãa 3, 1:9

Ǹ kɔa inɛi igbɛi Jesu ŋa tia keeke gɔ, amma Diotɛɛfu, nŋu iyi í bi ku jɛ woo cua nŋa, kù jɛsi idem.