Romu 10:3 - Bibeli do fee

³ A kù mà bɛi Ilaaɔ̃ í ya ceò inɛ dee dee, nŋui í jɔ̀ à dɛ kpãa nŋa bɛi aa ce a jɛò dee dee, nɔ a kù waa too si kpãa iyi Ilaaɔ̃ í jilɛ.

Romu 10:3 Iomraidhean Croise

Neemi 9:33

Si mii iyi í ba wa fei awɔi ì jɛ dee dee nɔ ì jɛ ilu naanɛ, amma awai à ce mii iyi kù sĩa.

Zɔɔbu 33:27

Á ya kɔ̃ iri si wajui inɛ ŋa ku maa ni, ǹ ce dulum nɔ ǹ kua wooda. Amma n kù ba ijuukpã iyi ǹ nɛ n ba.

Iri ku kɔ̃ 71:19

Ilaaɔ̃, dee dee ku jɛɛ í gboka í caa, domi mii ŋa iyi ì ce à la. Yooi í jɔɛ.

Ezai 51:1

Aɔ̃ Lafɛ̃ɛ í ni, i de itĩ i gbɔ idem ŋa, iŋɛ iyi ì waa dɛdɛ dee dee ku jɛ, nɔ ì waa dɛdɛ amu Aɔ̃ Lafɛ̃ɛ ŋa. I jɔ̀ iju nŋɛ ku koo si kuta hai bii à gbe ŋɛ wau do hai si isai kuta hai bii à nya ŋɛ wau.

Ezai 51:6

I wu iju i cɔ ikpa lelei Aɔ̃ ŋa, si anyiɛ nɔ i cɔ ilɛ ŋa. Lelei Aɔ̃ á lɔi bɛi cua, ilɛu mɔ á gboi bɛi ibɔ, nɔ inɛi ilɛ ŋau aa kui bɛi cĩcĩ ŋa. Amma faabam á maa wɛɛi hee do ajɔ fei, nɔ dee dee ku jɛm mɔ á maa wɛɛi si agbɛɛ.

Ezai 51:8

Ntɔ ntɔ inɛ bɛ ŋa, tũtũ ŋa aa jɛ ŋai bɛi à ya jɛ ibɔ ŋa do jĩnɛ ŋa iyi à ya ce do ntoi angudã ŋau. Amma dee dee ku jɛm á maa wɛɛi hee do ajɔ fei, nɔ faabam á maa wai si tɔku tɔku ŋa.

Ezai 56:1

Ide iyi Aɔ̃ Lafɛ̃ɛ í fɔ wee. Í ni, i ya jirima asaiya ŋa, nɔ i ya ce iyi í jɛ dee dee ŋa, domi faabam í maai ku to wa, nɔ dee dee ku jɛm í maai ku fita gbugbãa.

Ezai 57:12

Amma nsɛi, taale iyi ì jilɔɔ si i kù nɛu, do kuceɛ ŋau, an fɔɔ wai ku fita gbugbãa nɔ a kaa naaɛ aranfãani kãma wa.

Ezai 64:6

Inɛ kãma kù wɛɛ iyi wa kpe iriɛ, nɔ inɛ kãma kù wɛɛ iyi í teese í mu araɛ nɔ í dĩ do awɔ, domi ì sinda wajuɛ hai bi tu wa nɔ ì jɔ̀ à kua gbugbã na kurara nwa ŋau.

Kukpata 3:22

nŋui í jɛ iyi jiida ku jɛi Aɔ̃ Lafɛ̃ɛ kù tã, nɔ araareɛ mɔ ci ya nɛ kɔɔ.

Daniɛli 9:24

Adɔ̃ kitaò fɛɛwa ikɔ mɛɛjei à daa zamaaɛ do ilu kumáɛu ku ba a kpa irii wooda ku kua do dulum ŋau. Aa kpa kurara mɔi nɔ a naaò dee dee ku jɛ wa hee do ajɔ fei ku ba kuyɛ do idei walii ŋau a kɔ̃, nɔ a nya ile iyi í re do kumáu ikã.

Kuwee 26:41

Na nŋu, aa mà iyi amu mɔ ǹ lele idɔm na irii aŋai, nɔ ǹ jɔ̀ à sa à nɛ ilɛi mbɛɛ nŋa ŋa. Si bɛɛbɛi aa kaye ara nŋa si dee dee hai jɛ nŋa nɔ a sã gbesei dulum du ŋa ŋa.

Luku 10:29

Amma mɔkɔu wa bi ku na araɛ ntɔ, nɔ í beeɛ í ni, yooi í jɛ inɛ mmu bi tom.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Romu 1:17

Laabaau jiidau wa nyisi iyi Ilaaɔ̃ í ya jɔ̀ inɛ ku jɛ dee dee na naanɛ ku dasi nŋu akã, si bɛi à kɔɔ à ni, inɛ iyi í jɛ dee dee si wajui Ilaaɔ̃ na naanɛ ku dasiu á ba kuwɛɛ.

Romu 10:2

Ntɔ ntɔ, an yɔkɔ n fɔ na iri nŋa n ni à waa cea Ilaaɔ̃ icɛ do himma, amma a kù nɛ kumà.

Romu 10:20

Ezai mɔ í kɔ do wɔɔkɔ í ni, Ilaaɔ̃ í ni, inɛ ŋa iyi a kù waa dɛdɛɛm ŋai à yɛm, nɔ ǹ nyisi ŋa aram, kù nɔ kù jɛ aŋai à tɔɔm.

Romu 11:7

Ntɔ ntɔ bɛirei í ce. Inɛi Izirɛli ŋa a kù ba mii iyi à waa dɛ. Si inɔ nŋa inɛ ŋa iyi Ilaaɔ̃ í cicai à baa. Inɛ ŋa iyi à gbe idɔ nŋa í le.

Romu 3:22

Inɛ ŋa iyi à dasi Jesu Kirisi naanɛ fei, Ilaaɔ̃ í ce ŋa dee dee na naanɛ iyi à dasiu. Inɛ gɔ kù jɛ ikã,

Romu 3:26

Amma si dee dee ku jɛɛ wa nyisi wa si waatii nsɛiu ihɛ̃ iyi nŋu inɛ dee deei, nɔ nŋu wa ce inɛ ŋa dee dee na naanɛ iyi à dasi Jesu.

Romu 5:19

Si bɛi ide hai gbɔi inɛ akã í jɔ̀ inɛ nkpɔ í jɛ ilu dulum, bɛɛbɛ mɔi Ilaaɔ̃ á ce inɛ nkpɔ dee dee na ide ku jirimai inɛ akãu.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Wooda ku kɔsi 6:25

Ntɔ ntɔ, bii à waa ceò wooda ŋa iyi Aɔ̃ Lafɛ̃ɛ í na wa ŋau icɛ, isɛɛnɛ nwa á jɛ dee dee bɛi Aɔ̃ Lafɛ̃ɛ í bi.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.