Romu 10:2 - Bibeli do fee

² Ntɔ ntɔ, an yɔkɔ n fɔ na iri nŋa n ni à waa cea Ilaaɔ̃ icɛ do himma, amma a kù nɛ kumà.

Romu 10:2 Iomraidhean Croise

Ilaalu 2, 10:16

Nɔ í sɔ̃ɔ í ni, toom wa i koo yɛ kookaai iyi ǹ wa n cea Aɔ̃ Lafɛ̃ɛ. Bɛɛbɛi í so Zonadabu si inɔ sarɛtii igũɛu í nɛò.

Iri ku kɔ̃ 14:4

Ŋɔi Aɔ̃ Lafɛ̃ɛ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

Mɔnda ŋa 19:2

Himmai inɛ iyi kù nɛ kumà kù nɛ aranfãani kãma. Nɔ saasa í ya naaò kurara wai.

Ezai 27:1

Waati bɛɛbɛ, Aɔ̃ Lafɛ̃ɛ á so taakuba nla nla ku nɛ gbugbãɛi ku kpãò mɛɛmui inɔ inyi iyi í yɛ bɛi njou iju. Mɛɛmuu í yɛi bɛi njo iyi wa sa, nɔ a kaa yɔkɔ a muu. Nŋui í jɛ akandamai tenku. Aɔ̃ Lafɛ̃ɛi á kpaa.

Laabaau jiida iyi Zãa í kɔ 16:2

Aa na a ganji ŋɛ ile bii à ya ce kutɔtɔɔ ŋa ku bɔ. Nɔ awaati wa naa iyi inɛ ŋa aa kpa inɛ gɔ nŋɛ ŋa, nɔ aa maa tamaa bɛi Ilaaɔ̃i aŋa à waa cea icɛ.

Woo bɛ ŋa 21:20

Iyi à gbɔ ideɛ ŋɔi à saabu Ilaaɔ̃. Ŋɔi à sɔ̃ Pɔlu à ni, kpaasi nwa, ì gbɔɔ? Zuifu nkpɔ nkpɔi í dasi Jesu naanɛ nɔ aŋa fei à waa too woodai Moizi do himma.

Woo bɛ ŋa 21:28

À dɔ̃ anu à waa ni, iŋɛ inɛi Izirɛli ŋa, i faaba. Mɔkɔu ihɛ̃ í ya maa bɔ bii fei ku maa kɔ inɛ fei si cio ku maa fɔò taalei inɛi Izirɛli ŋa do woodai Moizi do kpasɛ̃i Ilaaɔ̃u ihɛ̃. Wee í naaò dimi mmu gɔ ŋa wa si kpasɛ̃u ihɛ̃ má, nɔ í dasi ile kumáu riisi.

Woo bɛ ŋa 22:22

Inɛ ŋau à waa desi idei Pɔlu itĩ hee í fɔ ide ŋau bɛ. Amma waati iyi à gbɔ í ni Ilaaɔ̃ í bɛ nŋu bi dimi mmu ŋa, ŋɔi aŋa fei à lɔsi ku dɔ̃ anu à waa ni, i kpaa. Dimii lafɛ̃ɛ kù sĩa ku maa wɛɛ.

Woo bɛ ŋa 22:3

amu Zuifui, à bím nii Taasi si ilɛi Silisi, amma Zeruzalɛmu ihɛ̃i à bíím. Gamaliɛlii í kɔm si cio, nŋui í kɔm si woodai bala nwa ŋa sãa sãa, nɔ ǹ nɛ himma si icɛi Ilaaɔ̃ si bɛi iŋɛ fei ì wɛɛò nnyi ŋa.

Romu 10:1

Iŋɛ inɛm ŋa, iyi ǹ bi si idɔm fei do iyi ǹ wa n tɔɔ Ilaaɔ̃, nŋui í jɛ dimim ŋa a ba faaba.

Romu 10:3

A kù mà bɛi Ilaaɔ̃ í ya ceò inɛ dee dee, nŋui í jɔ̀ à dɛ kpãa nŋa bɛi aa ce a jɛò dee dee, nɔ a kù waa too si kpãa iyi Ilaaɔ̃ í jilɛ.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Kɔrɛnti 2, 8:3

Ǹ jɛ sɛɛda iyi à na do idɔɔbi nŋa zaka bɛi à yɔkɔ, nɔ à na mɔm nii hee í re zaka bɛi a kù waa tamaaò.

Galati 1:14

Si kpãai Zuifu ŋa ku too ǹ wa si inɔi inɛ ŋa iyi à waa jɛ waju si inɔi saam ŋa, domi ǹ nɛ himma ntɔ ntɔ ǹ re ŋa si gãmɛi kucei dedembai bala nwa ŋa.

Galati 4:15

Ì nɛ inɔ didɔ̃ wo ŋa. To, nsɛi, mii í ce ŋɛ. An yɔkɔ n jɛ sɛɛda na iri nŋɛ n ni bii á ce wo aa nya iju nŋɛ i nam ŋa.

Filipi 1:9

Mii iyi ǹ wa n bee si kutɔɔm nŋui í jɛ kubi nŋɛ ku kɔ̃ɔsi ku maa koo nɔ kubi nŋɛu ku jɔ̀ kumà nŋɛ do bisi nŋɛ ku kɔ̃ɔsi,

Filipi 3:6

Ǹ nɛ himma ntɔ ntɔ hee ǹ kpã inɛi igbɛi Jesu ŋa iju. Inɛ gɔ kaa yɛ taalem do yaase bɛi ǹ jirima idei wooda ǹ wa n dɛdɛ n jɛò inɛ dee dee.

Kolosee 4:13

An yɔkɔ n jɛ sɛɛdaɛ iyi wa ce lasabu nŋɛ ntɔ ntɔ, do inɛ ŋa iyi à wa Laodisee do Herapolisi.