Romu 10:1 - Bibeli do fee

¹ Iŋɛ inɛm ŋa, iyi ǹ bi si idɔm fei do iyi ǹ wa n tɔɔ Ilaaɔ̃, nŋui í jɛ dimim ŋa a ba faaba.

Romu 10:1 Iomraidhean Croise

Kufita 32:10

Na nŋu, jɔ̀ n dede si ŋa. Si idɔɔkɔ̃m an kpa aŋa feii, nɔ an jɔ̀ dimi nkpɔ nkpɔ ku naa hai bi tɛɛ.

Kufita 32:13

Ye gigii woo ce icɛɛ ŋa Aburahamu do Izaaki do Zakɔbu iyi à ya kpe Izirɛli má, aŋa iyi ì cea kuwã do kugbasi ì ni aa jɔ̀ tɔku nŋa ŋa a kpɔ bɛi leleaɔ̃ ŋa, nɔ ì ni aa na ŋa ilɛ iyi ì wã ŋa dou fei ku ba a nɔɔ hee do ajɔ fei.

Zeremi 17:16

Amu n kù kɔ̀ n jɛ amaadegbe si fitiɛ. Awɔ takaɛ ì mà iyi amu si ǹ tɔɔ ajɔi wahalau ihɛ̃. Ide iyi wa fita hai si gɛlɛm fei, í jɛ do kumà siɛ.

Zeremi 18:20

Bii à cea inɛ jiida, laalɔi í nɛ ku sã? Ǹ wa n fɔ bɛɛbɛi si na iyi í jɔ̀ inɛ ŋau à tu isa ku ba n dasi bɛ a kpam. Ye gigi iyi amui ǹ naa ǹ leekĩ si wajuɛ nɔ ǹ fɔ ide na iri nŋa nɔ ì sinda idɔɔkɔ̃ɛ hai si ŋa.

Luku 13:34

Iŋɛ inɛi Zeruzalɛmu ŋa, iŋɛ iyi ì ya kpa walii ŋa, nɔ i ta ama abɛi Ilaaɔ̃ ŋa mɔ kuta i kpa ŋa ŋa, isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Laabaau jiida iyi Zãa í kɔ 5:34

Kù jɛ ǹ wa n dɛ amanɛ ku jɛɛm sɛɛda, amu de ǹ wa n fɔ bɛɛbɛi ku ba i ba faaba ŋa.

Romu 10:2

Ntɔ ntɔ, an yɔkɔ n fɔ na iri nŋa n ni à waa cea Ilaaɔ̃ icɛ do himma, amma a kù nɛ kumà.

Romu 9:33

Ideɛi kukɔu wa fãa í ni, wee ǹ wa n jilɛ inɛ gɔ Siɔ̃ɔ iyi í yɛ bɛi kuta bi ku koosɛ. Nŋui á jɔ̀ inɛ gɔ ŋa a cuku, amma inɛ iyi í dasiɛ naanɛ kaa yɛ anyɔ.

Samuɛli 1, 12:23

Bɛɛbɛi amu mɔ n kaa n gbɛɛjiò kutɔɔ ku ce nŋɛ waati kãma fei nɔ n nyisi ŋɛ kpãa jiidau, domi bii n kù coo, dulum nii.

Samuɛli 1, 15:11

inɔm í fɔ do iyi ǹ cica Saulu i jɛò ilaalu, domi í sinda hai bi tom nɔ kù waa jirima idem má. Ŋɔi idɔi Samuɛli í kɔ̃ nɔ í ce kutɔɔ hai idũu hee iju í koo í máu.

Samuɛli 1, 15:35

Hee Samuɛli í koo í kuò, kù bɔ Saulu ku cɔ má. Do nŋu fei, í ya maa kpata na iriɛi. Nɔ Aɔ̃ Lafɛ̃ɛ takaɛ mɔ inɔɛ í fɔ do iyi í so Saulu ilaalui inɛi Izirɛli ŋa.