Romu 1:8 - Bibeli do fee

⁸ Sinte titã ǹ wa n saabu Aɔ̃ Lafɛ̃ɛm do saabui Jesu Kirisi na irii iŋɛ fei, si na iyi í jɔ̀ à waa fɔ idei naanɛ ku dasi nŋɛ si andunya fei.

Romu 1:8 Iomraidhean Croise

Matie 24:14

Aa waazo laabaau jiidai bommai Ilaaɔ̃u si andunya fei ku ba dimi fei ku gbɔɔ, andunya ku bɛi ku kpa iri.

Luku 2:1

Waati bɛɛbɛ, ilaalu nlai Romu iyi à ya kpe Ogusitu í na wooda í ni a ce inɛ ŋa kuka si ilɛɛ fei.

Woo bɛ ŋa 11:28

Inɛ akã nŋa iyi à ya kpe Agabusi í dede í leekĩ nɔ í ce walii do sobii Hundei Ilaaɔ̃ í ni ari nla nla á ce si andunya fei. Bɛɛbɛ mɔi ariu í nɔ í ce si waatii Kolodu ilaalu nlai Romuu.

Woo bɛ ŋa 28:22

Amma awa taka nwa à bi ka gbɔ iyi í wa idɔɛ, domi à mà bii feii à ya maa fɔ laalɔi kpãa iyi ì waa toou.

Romu 10:18

Amma ǹ wa n beei, Zuifu ŋa a kù gbɔ ideui? À gbɔɔ, domi à kɔɔ à ni, ideu í fangaa si andunya fei nɔ inɛ fei í gbɔɔ.

Romu 16:19

Iyi í jɛ ti iŋɛ mɔ, inɛ fei í mà bɛi ì waa jirima Lafɛ̃ɛ ŋa. Na nŋu, ǹ wɛɛò inɔ didɔ̃ na iri nŋɛ. Amma ǹ bi í nɛ bisi ŋai ku ba i mà bɛi aa ya ce jiida ŋa, nɔ i jɛ inɛ ŋa iyi laalɔ ku ce í jɛ iwɔ̀ nŋa.

Romu 6:17

Amma ka saabu Ilaaɔ̃ domi baa do iyi ì jɛ arui dulum ŋa wo, nsɛi do inɔ akãi ì waa jirima kukɔsi iyi à da nŋɛ si awɔ.

Kɔrɛnti 1, 1:4

Waati kãma fei ǹ ya n maa n saabu Ilaaɔ̃i na iri nŋɛ si na iyi í jɔ̀ í mu nŋɛ didɔ̃ɛ na anu akã nŋɛ iyi ì ce do Jesu Kirisi ŋa.

Kɔrɛnti 2, 2:14

Ka saabu Ilaaɔ̃, domi í mu nwa gbugbã ka jɛò igũ waati kãma fei si kpãai Kirisi. Wa ceò wa icɛ ku ba ku jɔ̀ inɛ ŋa a mà Kirisi, nɔ kumài Kirisiu ku fangaa bii fei bɛi inúnùi tuae í ya fangaa.

Efɛɛzu 1:15

Na saabui ide ŋau bɛ feii í jɔ̀ hai waati iyi ǹ gbɔ baaui naanɛ ku dasi nŋɛ si Lafɛ̃ɛ Jesu do bɛi ì bi woo dasiɛ naanɛ ŋa fei,

Efɛɛzu 1:16

n ci ya n gbɛɛjiò Ilaaɔ̃ ku saabu na iri nŋɛ. Ǹ wa n ye gigi nŋɛ si kutɔɔm.

Efɛɛzu 3:21

Í sĩa inɛi igbɛɛ ŋa a jɔ̀ inɛ ŋa a mà bɛɛrɛɛ waati kãma fei hee do ajɔ fei do saabui Jesu Kirisi. Ami.

Efɛɛzu 5:20

I ya maa saabu Ilaaɔ̃ Baaba waati kãma fei ŋa si mii fei do irii Lafɛ̃ɛ nwa Jesu Kirisi.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Filipi 1:3

Ǹ ya n maa n saabu Ilaaɔ̃ waati kãma iyi ǹ ye gigi nŋɛ fei.

Kolosee 1:3

Hai waati iyi à gbɔ bɛi ì dasi Jesu Kirisi naanɛ ŋa, do bɛi ì bi woo dasi Jesu naanɛ ŋa fei, à ya ka maa ce nŋɛ kutɔɔi waati kãma fei, ka maa saabu Ilaaɔ̃ Baai Lafɛ̃ɛ nwa Jesu Kirisi.

Tɛsalonika 1, 1:2

À ya ka maa saabu Ilaaɔ̃ waati kãma fei na irii iŋɛ fei, à ya ka nɔ ka maa ye gigi nŋɛ si kutɔɔ nwa.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Timɔtee 2, 1:3

Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.

Filemɔɔ 1:4

Waati iyi ǹ wa n ce kutɔɔ fei ǹ ya n ye gigiɛi nɔ ǹ ya n saabu Aɔ̃ Lafɛ̃ɛm na iriɛ,

Ebɛɛ 13:15

Na irii Jesu ka maa saabu Ilaaɔ̃, waatɔ ka ya fɔ do gɛlɛ nwa mii iyi í ce si wajui inɛ ŋa. Nɔ saabuu kú jɛ bɛi kuwee iyi à waa ceaa waati kãma fei.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.