Romu 1:6 - Bibeli do fee

^6-7 Iŋɛ inɛi Romu ŋau, ì wa si inɔ nŋa ŋa, iŋɛ iyi Jesu Kirisi í kpe. Na ŋɔi í jɔ̀ ǹ wa n kɔa iŋɛ fei tiau ihɛ̃ wa, iŋɛ iyi Ilaaɔ̃ í nɛ kubi nŋɛ nɔ í kpe ŋɛ i na i jɛ titi nŋu ŋa. Ilaaɔ̃ Baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Romu 1:6 Iomraidhean Croise

Romu 9:24

Inɛ ŋau awai. Si inɔ nwa Zuifu ŋa do hai jɛ Zuifu ŋa à wa si. Ilaaɔ̃i í kpe awa fei.

Kɔrɛnti 1, 1:9

Ilaaɔ̃ ilu naanɛi, nŋu iyi í kpe ŋɛ i ce anu akã ŋa do Amaɛ Jesu Kirisi Lafɛ̃ɛ nwa.

Galati 1:6

Ideu í mum biti do iyi ì fũsi Ilaaɔ̃ awɔ gbãa gbãa bɛɛbɛ tã ŋa, nŋu iyi í kpe ŋɛ wa si didɔ̃i Kirisi, nɔ ì waa bi i too laabaau mmu gɔ má ŋa.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Kolosee 1:21

Iŋɛ mɔ, baa do iyi ì jĩò Ilaaɔ̃ ŋa wo, nɔ lasabu laalɔ nŋɛ do kuce laalɔ nŋɛ ŋa à jɔ̀ ì jɛ mbɛɛɛ ŋa,

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.

Tɛsalonika 1, 2:12

À mu nŋɛ gbugbã, nɔ à tũ idɔ nŋɛ, nɔ à tɔɔ ŋɛ ntɔ ntɔ i jɔ̀ i maa nɛ ŋa si bɛi á sĩaa Ilaaɔ̃ si, nŋu iyi í kpe ŋɛ si bommaɛ do si amboeɛ.

Tɛsalonika 2, 2:14

Mii iyi Ilaaɔ̃ wa lele mbɛ waati iyi í kpe ŋɛ si laabaau jiidau iyi à sisi nŋɛ, ku ba i nɛ ikpɛ̃ si amboei Lafɛ̃ɛ nwa Jesu Kirisi ŋa.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Piɛɛ 1, 2:21

Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.