Romu 1:3 - Bibeli do fee

³ Jesu Kirisi Lafɛ̃ɛ nwai wa fãa, nŋu iyi í jɛ Amai Ilaaɔ̃u. À búui bɛi amanɛ si dimii Davidi ilaalu nlau,

Romu 1:3 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Iri ku kɔ̃ 2:7

Ilaaluu í ni, an fɔ ide iyi Aɔ̃ Lafɛ̃ɛ í sɔ̃m. Í ni, awɔi ì jɛ ama inɛmɔkɔm, hai nnyi ǹ jɛ baaɛ.

Zeremi 33:26

To, inɛ á yɔkɔ ku jɛsi iyi ǹ fũsi tɔkui Zakɔbu ŋa awɔ do iyi à jɛ ti Davidi woo ce icɛm nɔu? Kú jɛ si inɔ nŋa ǹ kɔ̀ ku so ilaalu ŋa iyi aa maa gbã dimii Aburahamu do ti Izaaki do ti Zakɔbu ŋau? Aawo. Ǹ nɛ kubi nŋai ntɔ ntɔ, nɔ an nyi n teese kuwɛɛ nŋa mái.

Amɔsu 9:11

Waati wa naa si bii an teese n ma kusui Davidi iyi í cukuu, nɔ n dĩ fooɛ ŋau. An teese bommaɛ, nɔ n máa bɛi í tako í yɛ wo.

Matie 1:1

Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.

Matie 1:16

Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.

Matie 1:6

Izai mɔ í bí Davidi iyi í na í jɛ ilaaluu. Davidiu mɔ í bí Salomɔɔ. Iyei Salomɔɔui í jɛ aboi Urii iyi Davidi í sou.

Matie 12:23

Nɔ zamaau fei í biti à waa ni, debɛi, á jɛ tɔkui Davidiu mbɛ.

Matie 15:22

Inaaboi ilɛi Kanaã gɔ iyi í wa bɛ í naa bi tɛɛ nɔ í dɔ̃ anu í ni, Lafɛ̃ɛ, tɔkui Davidi amanlu nlau, ce araarem. Ama inaabom í nɛ inɛi inɔɔko, nɔ wa kpãa iju ntɔ ntɔ.

Matie 26:63

Amma Jesu wa cokoɛ. Ŋɔi woo wee nlau í sɔ̃ɔ í ni, do irii Ilaaɔ̃ nŋu iyi í wɛɛ, fɔ bii awɔ ì jɛ Amai Ilaaɔ̃ inɛ iyi Ilaaɔ̃ í cicaui.

Matie 27:43

Í dasi Ilaaɔ̃ naanɛ nɔ í ni nŋu Amai Ilaaɔ̃i. Debɛi, bii Ilaaɔ̃ í nɛ kubiɛ ntɔ ntɔi ku faabaɛ.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Matie 9:27

Nɔ Jesu í nɛ hai bɛ. Si isɛɛnɛɛu fɛɛju minji gɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.

Luku 1:35

Ŋɔi amalekau í jɛaa í ni, Hundei Ilaaɔ̃i á naa siɛ, nɔ gbugbãɛ ku biiɛ bɛi jĩjĩ. Nŋui í jɔ̀ ama iyi aa na i bíu á jɛ inɛ kumá nɔ a kpoo Amai Ilaaɔ̃.

Luku 1:69

Nɔ í naa nwa woo faaba ilu gbugbã wa si nyaanzei ilaalu Davidi amaacɛɛu,

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 1:34

Ǹ yɔɔ, nɔ ǹ wa n jɛa inɛ ŋa sɛɛda iyi nŋui í jɛ Amai Ilaaɔ̃.

Laabaau jiida iyi Zãa í kɔ 1:49

Ŋɔi Nataniɛli í ni, Mɛɛtu, awɔ Amai Ilaaɔ̃i, awɔ ilaalui Izirɛlii.

Laabaau jiida iyi Zãa í kɔ 10:30

Nɔ amu do Baam fei akãi.

Laabaau jiida iyi Zãa í kɔ 10:36

Bii bɛɛbɛi, bɛirei í ce ì ni ǹ wa n bu Ilaaɔ̃ ŋa si na iyi í jɔ̀ ǹ ni amu Amai Ilaaɔ̃i. Nɔ amu takam mɔ Baabai í cicam nɔ í bɛm wa si andunya.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Laabaau jiida iyi Zãa í kɔ 5:25

Ntɔ ntɔ, awaati wa naa nɔ wee í to wa tã, iyi iku ŋa aa gbɔ imui amu Amai Ilaaɔ̃ nɔ si inɔ nŋa inɛ ŋa iyi à gbɔ imum fei aa nɛ kuwɛɛ.

Laabaau jiida iyi Zãa í kɔ 7:42

Kukɔi idei Ilaaɔ̃ kù ni inɛ iyi Ilaaɔ̃ í cicau á fita wai hai si dimii Davidi? Hai Betelehɛmu ilui Davidi takaɛi á naa.

Woo bɛ ŋa 2:30

Amma si bɛi í jɛ walii, í mà iyi Ilaaɔ̃ í cea nŋu kuwãi ide gɔ do kugbasi í ni tɔkuɛ gɔ á na ku buba si kitãi bommaɛ.

Woo bɛ ŋa 3:13

Aburahamu do Izaaki do Zakɔbu aŋa iyi à jɛ bala nwa ŋau, Aɔ̃ Lafɛ̃ɛ nŋai í jɔ̀ Jesu woo ce icɛɛ í nɛ amboe. Iŋɛi ì muu ì na inɛ ngbo ŋa nɔ ì kɔ̀siɛ ŋa si wajui Pilati, baa do iyi Pilati wa bi ku jɔ̀ɔ wo.

Woo bɛ ŋa 8:36

Si bɛi à waa nɛ si kpãau ŋɔi à to ido gɔ iyi í nɛ inyi. Ŋɔi akaweu í ni, cɔ inyi ihɛ̃. To, mii á ganjim n ce inyi ku dasim má. [

Woo bɛ ŋa 9:20

Gbakã í bɔ ile bii Zuifu ŋa à ya ce kutɔtɔɔ ŋa wa waazo wa fɔ iyi Jesu Amai Ilaaɔ̃i.

Romu 1:9

Ilaaɔ̃, nŋu iyi ǹ wa n cea icɛ do idɔm fei ǹ wa n sisiò laabaau jiidai Amaɛ, í mà iyi ǹ wa n ye gigi nŋɛ waati kãma fei

Romu 4:1

Bɛirei aa ka fɔ nsɛi do idei Aburahamu bala nwa. Mii í ba.

Romu 9:3

An jɛsi Ilaaɔ̃ ku ceekpem nɔ ku fɛɛfɛɛm do Kirisi ku ba inɛ ŋa iyi à jɛ dimim a ba faaba.

Romu 9:5

Bala nŋa ŋai à jɛ inɛi Ilaaɔ̃ ŋa. Si dimi nŋai Kirisi í fita bɛi amanɛ nŋu iyi í re mii fei. Nŋui í jɛ Ilaaɔ̃, nŋu iyi í jɔ ka maa saabu hee do ajɔ fei. Ami.

Kɔrɛnti 1, 1:9

Ilaaɔ̃ ilu naanɛi, nŋu iyi í kpe ŋɛ i ce anu akã ŋa do Amaɛ Jesu Kirisi Lafɛ̃ɛ nwa.

Kɔrɛnti 1, 10:18

I cɔ inɛi Izirɛli ŋa. Inɛ ŋa iyi à waa jɛ ijɛi kuwee, à nɛ ikpɛ̃ si bi ku ce kuweeu, mà irei.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ

Tɛsalonika 1, 1:10

Nɔ à waa fɔ má bɛi ì waa degbe Jesu Amaɛu ku nyi wa hai lele ŋa. Nŋui í jɛ inɛ iyi Ilaaɔ̃ í jĩ hai si balɛ, nɔ á na ku faaba wa hai si idɔɔkɔ̃i Ilaaɔ̃ iyi wa naa.

Timɔtee 1, 2:5

Ntɔ ntɔ Ilaaɔ̃ akãi í wɛɛ, nɔ inɛ akã mɔi í wa si afei Ilaaɔ̃ do amanɛ ŋa ku ba ku jɔ̀ amanɛ ŋa a dɔ̃ do Ilaaɔ̃. Lafɛ̃ɛu nŋui í jɛ Jesu Kirisi, nŋu iyi í baa í jɛ amanɛ,

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 2, 2:8

Ye gigii Jesu Kirisi tɔkui Davidi iyi í jĩ hai si balɛu. Ideɛi í wa si laabaau jiidau iyi ǹ wa n waazo.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Zãa 1, 3:23

Woodaɛu wee. Ka dasi Amaɛ Jesu Kirisi naanɛ, nɔ ka bi njɛ si bɛi í jilɛ nwa.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.

Zãa 1, 4:15

Inɛ iyi í jɛsi iyi Jesu í jɛ Amai Ilaaɔ̃, Ilaaɔ̃ í wa siɛ, nɔ lafɛ̃ɛ mɔ í wa si Ilaaɔ̃.

Zãa 1, 5:1

Inɛ iyi í dasi naanɛ iyi Jesui í jɛ Kirisi, lafɛ̃ɛ amai Ilaaɔ̃i, nɔ inɛ iyi í bi Baa í bi amai Baa ŋau mɔi.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Zãa 1, 5:5

Yooi í kãmia andunya bii kù jɛ inɛ iyi í dasi naanɛ iyi Jesu í jɛ Amai Ilaaɔ̃.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.

Kuyɛi Zãa 2:18

Kirisi í ni má, kɔa amalekai igbɛi inɛm ŋa iyi í wa Tiatii. Kɔaa i ni, Amai Ilaaɔ̃ iyi ijuɛ í yɛ bɛi amɛi ina, nɔ isɛɛ wa daana bɛi isɔ danya iyi à yɔ si ina à wiɛ í ni,