Romu 1:16 - Bibeli do fee

¹⁶ N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 1:16 Iomraidhean Croise

Iri ku kɔ̃ 110:2

Hai Siɔ̃ɔ, Aɔ̃ Lafɛ̃ɛ á jɔ̀ gbugbãi bommaɛ ku bɔi hee jĩijĩ, nɔ nŋui á jɔ̀ i kãmia mbɛɛ ŋa iyi à kaakoɛ.

Iri ku kɔ̃ 119:46

An fɔ ideɛ ŋai bi ilaalu ŋa, n kaa n ce anyɔ.

Ezai 53:1

Laabaau iyi à sɔ̃ wau, yooi í dasi naanɛ. Yooi í mà gbugbãi Aɔ̃ Lafɛ̃ɛ.

Zeremi 23:29

Ntɔ ntɔ, idem í yɛi bɛi ina do bɛi mataaka iyi í ya lɛgɛ kuta. Amu Aɔ̃ Lafɛ̃ɛi ǹ fɔ bɛɛbɛ.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Luku 9:26

Nɔ í ni má, inɛ iyi wa ce anyɔi amu Amai Amanɛ, walakɔ wa ce anyɔi idem, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa, an nyi wai do amboem do ti Baam do ti amaleka ŋa ajɔ.

Laabaau jiida iyi Zãa í kɔ 7:35

Ŋɔi Zuifu ŋau à bee njɛ ide à waa ni, iwoi á bɔ iyi a kaa ka yɔɔ. Mà bi inɛ nwa ŋa iyi à fangaa si ilɛi dimi mmu ŋaui á bɔ ya. Á koo kɔ dimi mmu ŋau si cioi?

Woo bɛ ŋa 3:26

Bɛɛbɛi Ilaaɔ̃ í jɔ̀ woo ce icɛɛ í fita hai bi tu ŋɛ nɔ í bɔɔ wai ku ba ku wee nŋɛ ku ba iŋɛ fei i sinda i jɔ̀ laalɔ ku ce nŋɛ.

Romu 10:17

Bɛɛbɛ mɔi naanɛ ku dasi wa naai hai si ide iyi inɛ wa gbɔ. Nɔ ide iyi à waa gbɔu idei Kirisii.

Romu 15:19

na saabui maamaake dimi ikã ikã ŋa iyi gbugbãi Hundei Ilaaɔ̃ í ce. Bɛɛbɛ mɔi ǹ waazo laabaau jiidai Kirisi bii fei sãa sãa hai Zeruzalɛmu hee ku bɔ ikpa ilɛi Iliri.

Romu 15:29

Ǹ mà iyi kutom wa bi tu ŋɛ bɛ á jɔ̀ Kirisi ku wee nŋɛ si mii nkpɔ nkpɔ.

Romu 2:9

Inɛ iyi wa ce laalɔ fei á yɛ wahala do ijuukpã, hai Zuifu ŋa hee ku koo si dimi mmu ŋa.

Romu 4:11

Si anyiɛ í na í ce bango iyi wa jɛ nyinda iyi Ilaaɔ̃ í coo inɛ dee dee. Í coo inɛ dee dee na naanɛ ku dasiu waati iyi kù ce bango. Bɛɛbɛ mɔi í na í jɛ balai hai ce bango ŋa iyi à dasi naanɛ fei ku ba Ilaaɔ̃ ku doo aŋa mɔ inɛ dee dee ŋa.

Kɔrɛnti 1, 15:2

Bii ì nɔ ì muu dim dim ŋa si bɛi ǹ sisi nŋɛu, faaba nŋɛi. Amma bii i kù muu dim dim ŋa, inya ngbɛi ì dasi naanɛ ŋa.

Kɔrɛnti 1, 2:2

N kù nɔ n kù dasi idɔ n sisi ide mmu gɔ si anini nŋɛ bii kù jɛ idei Jesu Kirisi iyi à kpakpa si jĩi ku gaau.

Kɔrɛnti 1, 2:4

Si idem do si waazom n kù dɛdɛ n lɛlɛ ŋɛ do bisii amanɛ ŋa, amma ide ŋa iyi ǹ fɔ fei do gbugbãi Hundei Ilaaɔ̃i.

Kɔrɛnti 1, 9:12

Bii inɛ gɔ ŋa à nɛ kpãaɛ bi tu ŋɛ, awa mɔ ni a kù re ŋa? Amma a kù ceò kpãau icɛ si ŋɛ. À temua si fei ndɛɛ ku ba ka maà ti ka dĩ kpãai laabaau jiidai Kirisi.

Kɔrɛnti 1, 9:18

Debɛi, yoomai í jɛ ribam. Ribam nii í jɛ n waazo laabaau jiidai Kirisi, ku maà ti ku jɛ do idei fia nɔ n maà n ti n ce icɛ do kpãa iyi ǹ nɛ.

Kɔrɛnti 2, 2:12

Iyi ǹ to Torasi laabaau jiidai Kirisi ku sisi, ǹ yɔɔ iyi didɔ̃i Lafɛ̃ɛi í cĩim kpãa n ceò icɛ bɛ.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 9:13

Amuau á dɔ̃a inɛ ŋa si hee ku jɔ̀ a maa saabu Ilaaɔ̃ do yaase bɛi ì waa jirimaɛ ŋa. Ilaaɔ̃ ku jirima nŋɛi wa nyisi iyi ì dasi laabaau jiidai Kirisi naanɛ ŋa. Nɔ aa nyi a saabuɛ má do yaase bɛi ì ce ikpɛ̃i amani nŋɛ do inɔ akã do aŋa hee do inɛ ŋa iyi à gbe fei.

Galati 1:7

Ntɔ ntɔ, laabaau jiida kãma gɔ kù wɛɛ má. Amma inɛ gɔ ŋa à waa fɔ́ lasabu nŋɛ dei, nɔ à waa bi a kpaasi laabaau jiidai Kirisiu.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 1:16

Ilaaɔ̃ kú ce araarei nyaanzei Onɛzifɔɔ domi í muum gbugbã isɛ fɛɛfɛlo. Kù nɔ kù ce baa anyɔi iyi ǹ wa piisɔ̃ɔ.

Timɔtee 2, 1:8

Na nŋu, maà ti i ce anyɔi sɛɛdai Lafɛ̃ɛ nwa ku jɛ, nɔ i maà ya ce anyɔi amu takam, amu iyi ǹ wa ile piisɔ̃ɔ na iriɛ. Amma jɔ̀ i jɛsi awaɛ ka yɛ ijuukpã ajɔ na irii laabaau jiidau nɔ ka maa nɛò gbugbã iyi Ilaaɔ̃ í mu nwa.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Piɛɛ 1, 4:16

Amma inɛ iyi wa wahala si na iyi í jɔ̀ í jɛ inɛi Kirisi, ku maà jɔ̀ anyɔ ku muu, amma í sĩa ku saabu Ilaaɔ̃ si na iyi í jɔ̀ wa so irii Kirisiu.