Romu 1:11 - Bibeli do fee

^11-12 domi ǹ dasi idɔ jiida jiida n naa n yɛ ŋɛ ku ba i ba gbugbã ŋa do saabum, waatɔ ka ba gbugbã ajɔ si naanɛ ku dasi nwa awaɛ ŋa waati iyi an naa n wa bi tu ŋɛ. Gbugbãu amuai Hundei Ilaaɔ̃i.

Romu 1:11 Iomraidhean Croise

Kusintii Andunya 31:30

To, ì waa nɛ idei baaɛ si na iyi í jɔ̀ ì waa ce bɛgɛ nŋa, amma na mii í ce iyi ì waa nɛ, ì ce ilei iwɛ̃m ŋa.

Samuɛli 2, 13:39

Nɔ Davidi í jɔ̀ɔ kù waa leleɛ má, domi í tɔɔ araɛ suuru na ikui Amunɔɔu.

Samuɛli 2, 23:15

Ŋɔi Davidi wa ce bɛgɛi Betelehɛmu nɔ í ni, yooi á baam inyii isɔ̃ iyi í wa anu koofai Betelehɛmuu wa n mɔ.

Bomma 2, 20:20

Iyi iju í má daadaakɔu ŋɔi à dasi kpãai gbaai Tekoa. Iyi à waa bi a nɛ, ŋɔi Zozafati í naa bi tu ŋa nɔ í ni, i gbɔ idem ŋa, iŋɛ inɛi Zudaa do Zeruzalɛmu ŋa. I dasi Aɔ̃ Lafɛ̃ɛ nŋɛ naanɛ ŋa, aa ba gbugbã ŋa. I dasi waliiɛ ŋau naanɛ, aa jɛ igũ ŋa.

Woo bɛ ŋa 16:5

Ŋɔi naanɛi woo dasi Jesu naanɛ ŋau í teese í kɔ̃ɔsi nɔ akpɔ nŋa mɔ í ya maa kɔ̃ɔsii ajɔ fei.

Woo bɛ ŋa 19:21

Iyi nŋu ŋau í ce í tã, ŋɔi Pɔlu í dasi idɔ nŋu ku too do ilɛi Masedɔni do si ilɛi Gɛrɛsi nŋu ku bɔ Zeruzalɛmu. Í ni bii nŋu í to bɛ, tilasii nŋu ku bɔ Romu mɔ.

Woo bɛ ŋa 19:6

Ŋɔi Pɔlu í le nŋa awɔ si iri nɔ Hundei Ilaaɔ̃ í naa si ŋa ŋɔi à waa fɔ ide do fee mmu ŋa nɔ à ce walii.

Romu 15:23

Amma nsɛi, ǹ kpa irii icɛm si ilɛ ŋau bɛ, nɔ si na iyi í jɔ̀ ǹ wa n bi n naa bi tu ŋɛ hai adɔ̃ nkpɔ nkpɔ,

Romu 15:29

Ǹ mà iyi kutom wa bi tu ŋɛ bɛ á jɔ̀ Kirisi ku wee nŋɛ si mii nkpɔ nkpɔ.

Romu 15:32

Bɛɛbɛ mɔi an to wa bi tu ŋɛ do inɔ didɔ̃ bii Ilaaɔ̃ í bi, nɔ n sĩmi keeke bi tu ŋɛ.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Kɔrɛnti 2, 1:15

Na saabui ideu ihɛ̃i í jɔ̀ ǹ tako ǹ dasi idɔ n bɔ bi tu ŋɛ ku ba i ba didɔ̃ ikɔ minji ŋa.

Kɔrɛnti 2, 1:21

Ilaaɔ̃i í jɔ̀ awaɛ ŋa fei à leekĩ si Kirisi dim dim ajɔ. Nŋui í nɔ í cica wa ikã.

Kɔrɛnti 2, 11:4

Njo í nyi wa mum má si na iyi í jɔ̀ bii inɛ gɔ í naa wa sisi nŋɛ idei Jesu mmu gɔ i ci ya kɔ̀ ŋa. Ì ba Hundei Ilaaɔ̃ tã ŋa, amma ì nyi ì tã sɔɔlu i gba hunde mmu gɔ má ŋa. Ì gba laabaau jiidau tã ŋa, amma ì nyi ì tã sɔɔlu i gba laabaau ikã má ŋa.

Kɔrɛnti 2, 9:14

Aa ce nŋɛ kutɔɔ do kubi nla nla na irii didɔ̃ nlau ihɛ̃ iyi Ilaaɔ̃ í ce nŋɛ.

Filipi 1:8

Ilaaɔ̃i í jɛ sɛɛdam iyi ǹ bi iŋɛ fei bɛi kubii Jesu Kirisi í yɛ.

Filipi 2:26

Ǹ wa n sindaɛ wai si na iyi í jɔ̀ wa bi iŋɛ fei ku yɛ ntɔ ntɔ, nɔ laakaiɛ í dede do iyi ì gbɔ ŋa kù waa nɛ baani.

Filipi 4:1

Na nŋu iŋɛ baakɔɔm ŋa, iŋɛ iyi ǹ wa n bi ku yɛ jiida jiida má, iŋɛ iyi ì ya jɔ̀ n nɛ inɔ didɔ̃, nɔ ǹ ya n tɔɔ fufu na iri nŋɛ, i jɔ̀ i leekĩ bɛɛbɛ ŋa dim dim si Lafɛ̃ɛ.

Tɛsalonika 1, 3:13

Nɔ ku jɔ̀ idɔ nŋɛ ku leekĩ si dim dim, ku jɛò dee dee, ku maà nɛ taale gɔ si wajui Ilaaɔ̃ Baa nwa, si waati iyi Lafɛ̃ɛ nwa Jesu á nyi wa do inɛ ŋa iyi í cica fei.

Tɛsalonika 1, 3:2

Nɔ à bɛ Timɔtee inɛ nwa iyi wa ce icɛ do Ilaaɔ̃ ajɔ́ si icɛi laabaau jiidai Kirisiu. À bɔɔ bi tu ŋɛ ku ba ku sobi ŋɛ i leekĩ si dim dim ŋa, nɔ ku mu nŋɛ gbugbã si naanɛ ku dasi nŋɛu,

Tɛsalonika 2, 2:17

a mua idɔ nŋɛ gbugbã, nɔ a jɔ̀ i leekĩ dim dim i ceò icɛ jiida do ide jiida fei ŋa.

Tɛsalonika 2, 3:3

Amma Lafɛ̃ɛ ilu naanɛi. Á mu nŋɛ gbugbã nɔ ku degbe ŋɛ na irii Seetam, inɛ laalɔu.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Piɛɛ 1, 5:12

Ǹ wa n kɔ nŋɛ ide keekeu ihɛ̃ wai do sobii Silasi kpaasi ilu naanɛ nwa. Ǹ bi n mu nŋɛ gbugbã nɔ n nyisi ŋɛ iyi ideu ihɛ̃ iyi ì waa leekĩ si dim dim ŋau, didɔ̃i Ilaaɔ̃i do ntɔ.

Piɛɛ 2, 1:12

Na ŋɔi í ce n kaa n gbɛɛjiò ku ye ŋɛ gigii mii ŋau ihɛ̃, baa do iyi ì màa tã ŋa nɔ ì waa leekĩ dim dim si ntɔ iyi ì waa mu nsɛiu ihɛ̃ ŋa.