Romu 1:1 - Bibeli do fee

¹ Amui Pɔlu woo ce icɛi Jesu Kirisi, amu iyi Ilaaɔ̃ í kpe n na n jɛ woo bɛ nɔ í nyam ikã n waazoò laabaau jiidaɛ.

Romu 1:1 Iomraidhean Croise

Bomma 1, 23:13

Amai Amuramu ŋai Arɔ̃ɔ do Moizi. Ŋɔi à cica Arɔ̃ɔ nŋu do amaɛ ŋa à jilɛ ŋa ikã hee do ajɔ fei a ya maa ce icɛ si ile iyi í re do kumáu. Aŋai aa ya cea Aɔ̃ Lafɛ̃ɛ kuwee do tuae nɔ a maa ceaa icɛ nɔ a ya weea zamaaɛu do ajɔ fei do irii Aɔ̃ Lafɛ̃ɛ.

Ezai 49:1

I sotĩ i gbɔ idem ŋa iŋɛ inɛi gũngũm ŋa, do iŋɛ iyi ì wa hee jĩijĩ ŋa. Aɔ̃ Lafɛ̃ɛ í kpem nii hai waati iyi a kù bím wa. Hai waati iyi ǹ wa si inɔi iyem nii í kpem do irim.

Zeremi 1:5

hee n maa n ceɛ si inɔi iyeɛ, ǹ màɛ tã. Hai waati iyi a kù bíɛ, ǹ cicaɛ nɔ ǹ jilɛɛ i jɛ waliii inɛi ilɛ ŋa.

Maaku 1:14

Si anyiɛ ŋɔi à dasi Zãa piisɔ̃ɔ. Nɔ waati bɛɛbɛ Jesu í bɔ ilɛi Galilee wa waazo laabaau jiida iyi wa naa hai bi Ilaaɔ̃.

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Laabaau jiida iyi Zãa í kɔ 15:15

N kaa n kpe ŋɛ aru má, domi aru ci ya mà mii iyi lafɛ̃ɛɛ wa ce. Amma ǹ wa n kpe ŋɛ kpaasi ŋa si na iyi í jɔ̀ mii iyi ǹ gbɔ hai bi Baam fei, nŋui ǹ sɔ̃ ŋɛ bɛ.

Laabaau jiida iyi Zãa í kɔ 15:20

Nɔ i ye gigii ide iyi ǹ sɔ̃ ŋɛ ǹ ni woo ce icɛ ci ya la ku re lafɛ̃ɛɛ. Bɛɛbɛi si bɛi à wahalam aa wahala iŋɛ mɔ. Bii í jɛ à jirima idem, bɛɛbɛ mɔi aa jirima ide nŋɛ.

Woo bɛ ŋa 13:9

Nɔ Sɔlu iyi à ya nyi a kpe Pɔlu máu í kɔ̃ò Hundei Ilaaɔ̃ nɔ í kãsi woo ce dobu dobuu iju,

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 21:40

Nɔ inɛ ngboi igũu í muaa kpãa. Ŋɔi Pɔlu wa leekĩ bi ku gũ ku lɔò inɔ ileu í ni zamaau ku coko do awɔ. Ŋɔi aŋa fei à coko cau. Nɔ Pɔlu wa sɔ̃ ŋa ide do feei Ebɛɛ.

Woo bɛ ŋa 22:21

Amma Lafɛ̃ɛ í sɔ̃m í ni n koo, domi hee jĩijĩ bi dimi mmu ŋai nŋu á bɛm.

Woo bɛ ŋa 22:7

Ŋɔi ǹ cuku ilɛ nɔ ǹ gbɔ ide ku fɔ gɔ wa kpem wa ni, Sɔlu, Sɔlu, na mii í ce ì waa kpãm iju.

Woo bɛ ŋa 26:1

Ŋɔi Agiripa í sɔ̃ Pɔlu í ni, ì nɛ kpãa i fɔ ide i kɔò araɛ. Ŋɔi Pɔlu í wu awɔ lele nɔ í lɔsi ku kɔò araɛ í ni,

Woo bɛ ŋa 26:14

Ŋɔi awa fei à cuku ilɛ, nɔ ǹ gbɔ imu gɔ wa bam ide ku fɔ do feei Ebɛɛ wa ni, Sɔlu, Sɔlu, na mii í ce ì ya maa kpãm iju. Á gaabuɛ i kɔ̀sim bɛi í ya gaabua kɛtɛ kombo iyi wa jabu na goloi lafɛ̃ɛɛ.

Woo bɛ ŋa 27:23

Ǹ mà bɛɛbɛi si na iyi í jɔ̀ Ilaaɔ̃, nŋu iyi ǹ jɛ tɛɛ, ǹ wa n ceaa icɛu, amalekaɛ í naa sim idũ ana

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 1:5

Jesuu nŋui í muum didɔ̃ ǹ jɛò woo bɛ ku ba n naaò inɛ ŋa wa hai si dimi fei bi tɛɛ na iriɛ ku ba a dasiɛ naanɛ nɔ a jirimaɛ.

Romu 1:9

Ilaaɔ̃, nŋu iyi ǹ wa n cea icɛ do idɔm fei ǹ wa n sisiò laabaau jiidai Amaɛ, í mà iyi ǹ wa n ye gigi nŋɛ waati kãma fei

Romu 11:13

Iŋɛ dimi mmu ŋau bɛ, iŋɛi ǹ wa n ba ide ku fɔ, amu iyi ǹ jɛ woo bɛ bi tu ŋɛ. Ǹ ya n maa n nɛ inɔ didɔ̃i do icɛm iyi ǹ wa n ce.

Romu 15:16

ǹ wa n jɛò woo ce icɛi Jesu Kirisi bi hai jɛ Zuifu ŋa. Ǹ wa n waazo laabaau jiidai Ilaaɔ̃ bɛi woo wee ku ba hai jɛ Zuifu ŋa a yɛ bɛi kuwee iyi á dɔ̃a Ilaaɔ̃ si, si na iyi í jɔ̀ Hundeɛ í cica ŋa í jɔ̀ à má.

Romu 15:29

Ǹ mà iyi kutom wa bi tu ŋɛ bɛ á jɔ̀ Kirisi ku wee nŋɛ si mii nkpɔ nkpɔ.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Kɔrɛnti 1, 1:1

Amui Pɔlu, amu iyi Ilaaɔ̃ í kpe si idɔɔbiɛ ǹ jɛ woo bɛi Jesu Kirisi. Amu do Sɔsitɛni kpaasi nwau

Kɔrɛnti 1, 9:1

N kù nɛ aram nii? N kù jɛ woo bɛi? N kù yɛ Jesu Lafɛ̃ɛ nwai? I kù jɛ isoi icɛm iyi ǹ cea Lafɛ̃ɛ ŋai?

Kɔrɛnti 2, 1:1

Amui Pɔlu woo bɛi Jesu Kirisi si idɔɔbii Ilaaɔ̃, do Timɔtee kpaasi nwa. À ce inɛi igbɛi Ilaaɔ̃ ŋa iyi à wa Kɔrɛnti fɔɔ do woo dasi naanɛ ŋa fei iyi à wa si ilɛi Gɛrɛsi fei.

Kɔrɛnti 2, 11:5

Ǹ wa n tamaa inɛ ŋau ihɛ̃ iyi à waa cɔ ara nŋa woo bɛ nla ŋau, kãma nŋa gɔ kù rem do ngɔgɔ.

Kɔrɛnti 2, 11:7

Waati iyi ǹ sisi nŋɛ laabaau jiidai Ilaaɔ̃, ǹ cooi ngbɛ ngbɛ. Ǹ kaye aram ku ba n so ŋɛ lele. Iyi ǹ ce bɛɛbɛ ǹ rarai?

Kɔrɛnti 2, 12:11

Ǹ wa n fɔ ide bɛi sũmu, amma ì tilasim ŋai. Iŋɛi í sĩa i fɔ jiidam ŋa wo, domi baa bii n kù jɛ ngɔgɔ, inɛ ŋau ihɛ̃ iyi à waa cɔ ara nŋa woo bɛ nla ŋau, a kù rem.

Kɔrɛnti 2, 2:12

Iyi ǹ to Torasi laabaau jiidai Kirisi ku sisi, ǹ yɔɔ iyi didɔ̃i Lafɛ̃ɛi í cĩim kpãa n ceò icɛ bɛ.

Kɔrɛnti 2, 4:5

Do ntɔ, a kù waa waazo idei iri nwa. Si waazo nwa à waa fɔ iyi Jesu Kirisii í jɛ Lafɛ̃ɛ nɔ awa mɔ à jɛ woo ce icɛ nŋɛ ŋa na iriɛ.

Galati 1:1

Amu Pɔlu woo bɛu, amui ǹ kɔ nŋɛ tiau ihɛ̃ wa. Kù jɛ amanɛi í kpem n jɛ woo bɛ, kù nɔ kù jɛ inɛ gɔi í bɛm. Jesu Kirisii í kpem, nŋu do Ilaaɔ̃ Baaba iyi í jũu hai si balɛ.

Efɛɛzu 1:1

Amui Pɔlu amu iyi ǹ jɛ woo bɛi Jesu Kirisi do idɔɔbii Ilaaɔ̃. Iŋɛ inɛi Efɛɛzu ŋa, iŋɛ iyi ì waa temua si anu akã nŋɛ do Jesu Kirisi ŋa, ǹ wa n ce ŋɛ fɔɔ, iŋɛ iyi Ilaaɔ̃ í cicau.

Efɛɛzu 1:13

Nɔ iŋɛ dimi mmu ŋa mɔ, ajɔ iyi ì gbɔ ide ntɔu iyi í jɛ laabaau jiida iyi wa naa nŋɛ faaba wa, waati bɛɛbɛi iŋɛ mɔ ì dasi Kirisi naanɛ ŋa. Nɔ Ilaaɔ̃ í dasi nyindai nŋu takaɛ si ŋɛ. Nyindau nŋui í jɛ Hunde iyi í da nŋɛ si si bɛi í ce kuwãɛ wo.

Efɛɛzu 4:11

Amua ŋa iyi í cea inɛ ŋa wee. Í cica inɛ gɔ ŋa à jɛ woo bɛ ŋa, inɛ gɔ ŋa mɔ walii ŋa, inɛ gɔ ŋa mɔ woo sisi laabaau jiida ŋa, inɛ gɔ ŋa mɔ woo degbe inɛi igbɛi Jesu ŋa, inɛ gɔ ŋa mɔ woo kɔ inɛ ŋa si cio.

Wooda ku kɔsi 10:8

Si waati bɛɛbɛ, Aɔ̃ Lafɛ̃ɛ í nya dimii Levii ŋau ikã nɔ í jilɛ nŋa icɛ ŋa. Aŋai aa ya maa so kpakoi akabuuu, aŋai aa ya wa bi Aɔ̃ Lafɛ̃ɛ a maa ceaa icɛ, nɔ aŋai aa ya weea inɛ ŋa do iriɛ, nɔ icɛ ŋau bɛ, icɛ nŋai hee ku baa nnyi.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Filipi 2:11

Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Kolosee 1:1

Amui Pɔlu, woo bɛi Jesu Kirisi na idɔɔbii Ilaaɔ̃, amu do Timɔtee inɛ nwa,

Kolosee 1:25

Nɔ Ilaaɔ̃ í cem woo ce icɛi igbɛu, si bɛi í jilɛɛm na iri nŋɛ, ku ba n sisi ideɛ mam mam.

Tɛsalonika 1, 2:2

Ì mà ŋa iyi à bú wa, à kpã wa iju Filipi à bɛi à naa bi tu ŋɛ. Do nŋu fei, Ilaaɔ̃ í mu nwa wɔɔkɔ à sisiò laabaau jiidaɛ si anini nŋɛ, baa do iyi inɛ ŋa à bi a ganji wa ntɔ ntɔ.

Tɛsalonika 1, 2:8

Si na iyi í jɔ̀ à bi ŋɛ ntɔ ntɔ, à ya ka tã sɔɔlu, kù jɛ ka na ŋɛ laabaau jiidai Ilaaɔ̃ nŋu akã, amma do kuwɛɛi awa taka nwai, domi à nɛ kubi nŋɛ ntɔ ntɔ.

Tɛsalonika 1, 2:9

Iŋɛ inɛ nwa ŋa, ì waa ye gigi bɛi à ce icɛ si anini nŋɛ hee à gbɛɛji. À ce icɛ dasã do idũ ku ba ka maà jɛ asoi inɛ gɔ nŋɛ si waati iyi à waa sisi laabaau jiidai idei Ilaaɔ̃ si anini nŋɛ.

Timɔtee 1, 1:1

Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Timɔtee 1, 2:7

Na nŋui Ilaaɔ̃ í cicam n jɛ woo waazo do woo bɛ, nɔ n kɔ dimi mmu ŋa si cio si ide ntɔ nɔ n sɔ̃ ŋa a dasi Jesu naanɛ. Ntɔi ǹ wa n fɔ n kù wa n sɔ ibo.

Timɔtee 2, 1:11

Ilaaɔ̃i í jɔ̀ ǹ jɛ woo bɛ do woo kɔsi cio ku ba n sisia inɛ ŋa laabaau jiidau.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Ebɛɛ 5:4

Inɛ gɔ kaa yɔkɔ ku so araɛ ku ni nŋu í jɛ woo wee nlau, bii kù jɛ Ilaaɔ̃i í kpoo bɛi í kpe Arɔ̃ɔ wo.

Ebɛɛ 7:26

Na nŋu, Jesu í jɛ woo wee nla iyi à nɛ bukaataɛ. Kuwɛɛi nŋu do ti ilu dulum ŋa kù jɛ dimi akã. Í má, kù ce dulum ajɔ kãma nɔ riisi kãma kù wa siɛ. À soo í nɛ hee lelei Ilaaɔ̃.

Zaaki 1:1

Amui Zaaki woo ce icɛi Ilaaɔ̃ do ti Lafɛ̃ɛ Jesu Kirisi. Ǹ ce dimii Zuifu maateeji ŋa iyi à fangaa si andunya fei fɔɔ.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.

Kuyɛi Zãa 1:1

Si tiau ihɛ̃ ǹ kɔ asii ŋa iyi Jesu Kirisi í nya gbugbãa. Ilaaɔ̃i í naa kpãa ku nyisi woo dasi naanɛ woo ce icɛɛ ŋa mii ŋa iyi á na ku ce bii í kɔ̃ɔsi. Nɔ Kirisi í bɛ sim amaleka wa, amu Zãa woo ce icɛɛ, ku ba n mà mii ŋau.

Kuyɛi Zãa 22:6

Ŋɔi amalekau í sɔ̃m í ni, ideu ihɛ̃ ide ntɔi, í nɔ í nɛ naanɛ. Aɔ̃ Lafɛ̃ɛ, nŋu iyi í gbã walii ŋau, í bɛ amalekaɛ wa bi woo dasi naanɛ woo ce icɛɛ ŋa ku sɔ̃ ŋa mii iyi á ce bii í kɔ̃ɔsi.

Kuyɛi Zãa 22:9

Amma í sɔ̃m í ni, maà ce bɛɛbɛ. Amu mɔ woo ce icɛi bɛi awɔ do bɛi walii kpaasiɛ ŋa do bɛi inɛ ŋa iyi à waa jirima idei tiau ihɛ̃ fei. Tɔɔ Ilaaɔ̃.