Iri ku kɔ̃ 99:8 - Bibeli do fee

⁸ Aɔ̃ Lafɛ̃ɛ nwa, awɔi ì jɛ nŋa, ì ce nŋa suuru. Amma ì kpã ŋa iju si kuce nŋa.

Iri ku kɔ̃ 99:8 Iomraidhean Croise

Samuɛli 2, 12:14

Amma si bɛi ì yaako Aɔ̃ Lafɛ̃ɛ si daau bɛ iyi ì ce, ama inɛmɔkɔ iyi í bíɛu á kui.

Iri ku kɔ̃ 78:38

Nŋu iyi í jɛ ilu araare, í ya mu idɔɔkɔ̃ɛui ci ya jɔ̀ ku naa si ŋa má. Í ya kpa idei kurara nŋa ŋaui, nɔ ci ya ce nfe nŋa má.

Iri ku kɔ̃ 89:33

do goloi an kpã ŋa iju si ide ku kɔ̀ nŋa do kurara nŋau.

Kufita 32:2

Ŋɔi Arɔ̃ɔ í jɛ nŋa í ni, i bɔ hanlagai wurai abo nŋɛ ŋa do ti ama nŋɛ ŋau bɛ i naam wa ihɛ̃ ŋa.

Kufita 34:7

An nyisi inɛ ŋa kubim hee ku koo si tɔku dubusia. An kpa idei kurara nŋa ŋa do laalɔ ku ce nŋa ŋa do dulum du ŋa, amma n kaa n cɔ inɛ laalɔ bɛi inɛ iyi kù ce laalɔ kãma. An kpã amu ŋa iyi baa nŋa ŋa à ce dulum iju hee ku koo si tɔku gbɛɛtasia do gbɛ̃ɛsia nŋa.

Woo lasabu 7:29

Si mii ŋau bɛ fei mii iyi ǹ yɛ nŋu akãi í jɛ iyi Ilaaɔ̃ í ce amanɛi dee dee, amma amanɛ kù bi bɛɛbɛ.

Zeremi 46:28

Awɔ Zakɔbu woo ce icɛm, maa jɔ̀ zigiɛ ku da. Amu Aɔ̃ Lafɛ̃ɛi ǹ fɔ bɛɛbɛ, domi ǹ wɛɛ do awɔ. An kpa irii dimi mmu ŋa bii ǹ jɔ̀ ì fangaa ì bɔ ŋau ŋa. Amma awɔ, n kaa n ce nfeɛ. Ntɔi ǹ kpãɛ ijui dee dee si yaase bɛi ì nɛ ku jɛ, domi n kaa n jɔ̀ɛ bɛi hai nɛ taale.

Sofoni 3:7

Nɔ ǹ fɔ ǹ ni, awɔ Zeruzalɛmu bii í jɛ ì mà bɛɛrɛm wo, nɔ ì jɛsi ì gba ikɔm wo, n kaa n ce nfei kuwɛɛɛ. Waati iyi ǹ wa n kpã inɛɛ ŋa iju fei, à ya hanya a maa mɔsi laalɔ ku cei si isɛɛnɛ nŋa ŋau fei.

Kuka 20:12

Amma Aɔ̃ Lafɛ̃ɛ í sɔ̃ Moizi do Arɔ̃ɔ í ni, si bɛi i kù dasim naanɛ ŋa, nɔ i kù jɔ̀ inɛi Izirɛli ŋa a mà bɛɛrɛm ŋa, kù jɛ iŋɛi aa lɔò zamaau ihɛ̃ si ilɛ iyi an mu nŋau má.

Kuka 20:24

Arɔ̃ɔ á ku, kaa lɔ si ilɛ iyi ǹ ni an mua inɛi Izirɛli ŋau, si na iyi í jɔ̀ i kù jirima woodam ŋa bi isɔ̃i Meribau.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Wooda ku kɔsi 3:26

Amma idɔi Aɔ̃ Lafɛ̃ɛ í kɔ̃ sim na iri nŋɛ, nɔ í kɔ̀ ku gbɔ idem. Nɔ í sɔ̃m í ni, í to bɛɛbɛ, maà bam ide iyi bɛ ku fɔ má.