Iri ku kɔ̃ 99:4 - Bibeli do fee

⁴ Ka kɔ̃ò gbugbãi ilaalu iyi í bi ntɔu iri. Awɔi ì jilɛ nwa wooda si kuwɛɛ nwa. Awɔi ì jilɛ ntɔ do dee dee ku jɛ si ilɛi Izirɛli.

Iri ku kɔ̃ 99:4 Iomraidhean Croise

Zɔɔbu 37:23

Inɛ kãma nwa kaa to bii Ilaaɔ̃ ilu gbugbã fei í wa. Ilaaɔ̃ í lai na gbugbãɛ, nɔ í lai na dee dee kú jɛɛ, ntɔɛ kù nɛ lɛɛfi. Nɔ ci ya taa inɛ ŋa gbugbã.

Iri ku kɔ̃ 11:7

Ntɔ ntɔ, Aɔ̃ Lafɛ̃ɛ í bi inɛ dee dee ŋa domi nŋu takaɛ í jɛ dee dee. Inɛ ŋa iyi à waa ce iyi í jɛ dee dee aa yɔɔ ijuò iju.

Iri ku kɔ̃ 98:9

si wajui Aɔ̃ Lafɛ̃ɛ, domi wa naai ku kiiti ilɛ. Á kiiti andunyai do dee dee ku jɛ, nɔ kiitiɛu dee deei á jɛ bi inɛ fei.

Ezai 42:4

Gbugbãɛ kaa kaye nɔ kaa jɔ̀ a kãmiaɛ hee koo jilɛò asaiyau si andunyau fei. Inɛ ŋa iyi à wa si gũngũm ŋau, à waa degbe woodaɛu.

Ezai 61:11

Ntɔ ntɔ, yaase bɛi ilɛ í ya jɔ̀ ngboi mii iyi à gbɛ̃ ku fita, walakɔ bɛi lambo í ya jɔ̀ mii iyi à gbɛ̃ ku fita, bɛɛbɛ mɔi Aɔ̃ Lafɛ̃ɛ á jɔ̀ dee dee ku jɛ do iri ku kɔ̃i saabu ku fita, nɔ inɛi ilɛ mmu ŋa fei aa yɔɔi.

Ezai 9:7

Aɔ̃ Lafɛ̃ɛ í fɔ si tɔkui Zakɔbu ŋa ide, nɔ ideu í cuku si ŋa aŋa inɛi bommai Izirɛli ŋau.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Wooda ku kɔsi 10:18

Nŋui í ya kɔ̀ò kɔyɔ ŋa do abo jaaɔ̃ ŋa dee dee si bɛi í jɔ. Í bi inɛ njoo ŋa nɔ í ya mu nŋa sɔnda do ibɔ ŋa.

Zudu 1:15

ku kiiti inɛ fei nɔ ku yɛ taalei inɛ ŋa iyi a kù màa ŋau na kuce laalɔ nŋa fei do bɛi à dondaɛ, do na ide laalɔ ŋa iyi ilu dulum ŋa à ya maa fɔaa.

Kuyɛi Zãa 19:11

Si anyii nŋu, ǹ yɛ lelei Aɔ̃ í cĩ nɔ acĩ fũfũ gɔ í faata wa. Inɛ iyi wa gũui à ya kpe ilu naanɛ do ilu ntɔ. Si ntɔi í ya kiiti, bɛɛbɛ mɔi í ya ceò igũ.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.