Iri ku kɔ̃ 99:3 - Bibeli do fee

³ Awɔ Aɔ̃ Lafɛ̃ɛ, ì to a maa cĩɛ, awɔ iyi ì la nɔ à nɛ a ce njoɛ. Ntɔ ntɔ awɔ akãi ì má.

Iri ku kɔ̃ 99:3 Iomraidhean Croise

Neemi 1:5

ǹ ni, Aɔ̃ Lafɛ̃ɛ, awɔ Ilaaɔ̃ iyi ì wa lele, ì la nɔ ì nɛ amboe. Awɔi ì waa mu akabuuɛ, nɔ ì ya ce araarei inɛ ŋa iyi à biɛ nɔ à waa jirima woodaɛ ŋa.

Neemi 4:14

Bii ì gbɔ imui kuu ŋa, i ya tɔtɔɔ wa bi tu wa do ikpa bii ì gbɔɔu ŋa. Aɔ̃ Lafɛ̃ɛ nwa á ja nwa.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Iri ku kɔ̃ 100:4

I lɔ si kpasɛ̃ɛ i saabuɛ ŋa. I lɔ si bantumaɛ do iri ku kɔ̃ ŋa. I saabuɛ nɔ i cũu ŋa,

Iri ku kɔ̃ 103:1

Iriu ihɛ̃ ti Davidii. Aɔ̃ Lafɛ̃ɛ, an cĩɛi. Ǹ bi n cũui do idɔm fei, nŋu iyi í má.

Iri ku kɔ̃ 111:9

Í nya inɛɛ ŋa wa, nɔ í dĩ akabuu do aŋa hee do ajɔ fei. Iriɛ í má nɔ í nɛ njo.

Iri ku kɔ̃ 145:17

Aɔ̃ Lafɛ̃ɛ, ì jɛ dee deei si kpãaɛ ŋa fei. Nɔ bɛɛbɛ mɔi ì ya nyisi jiida ku jɛɛ si icɛɛ ŋa fei.

Iri ku kɔ̃ 66:3

I sɔ̃ Aɔ̃ Lafɛ̃ɛ i ni ŋa, icɛi awɔɛ ŋa í to njo. Na gbugbã nlaɛui í jɔ̀ mbɛɛɛ ŋa à ya naa a sɛɛbata si wajuɛ.

Iri ku kɔ̃ 76:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ.

Iri ku kɔ̃ 76:12

I cea Aɔ̃ Lafɛ̃ɛ nŋɛ kuwã nɔ i kɔ̃ɔ ŋa. Iŋɛ iyi ì kaako Aɔ̃ Lafɛ̃ɛ iyi í to a ce njoɛ, i naa amua nŋɛ ŋa wa ŋa.

Ezai 6:3

Ŋɔi à ya dɔ̃ anu a maa jɔ̀a njɛ a maa ni, Aɔ̃ Lafɛ̃ɛi lele do ilɛ, í má, í má, í má, nɔ amboeɛ í kɔ̃ ilɛ fei.

Zeremi 20:11

Amma Aɔ̃ Lafɛ̃ɛ, ì nɛ gbugbã, nɔ awɔi ì waa jaam. Inɛ ŋa iyi à waa kpãm iju ŋaui aa koosɛ a cuku, nɔ a kaa jɛ igũ. Anyɔ á mu ŋai do iyi aa yɛ aŋa a kù jɛ igũ. Si anyɔi aa maa wa hee do ajɔ fei, nɔ inɛ kãma kaa gbɛjɛ ideɛ.

Laabaau jiida iyi Zãa í kɔ 17:11

Nsɛi ǹ wa n nyi wa bi tɛɛ. Bii í kɔ̃ɔsi keeke n kaa n maa n wa si andunya má, aŋai aa maa wa si andunyau. Baaba kumá, degbe ŋa do gbugbãɛ iyi ì nam, ku ba a jɛ akã si bɛi awaɛ à jɛ akã.

Wooda ku kɔsi 28:58

Na nŋu, i ceò woodai Aɔ̃ Lafɛ̃ɛ iyi à tɔtɔɔ si tiau ihɛ̃ fei icɛ ŋa nɔ i jirima Aɔ̃ Lafɛ̃ɛ nŋu iyi iriɛ í nɛ bɛɛrɛ nɔ í to njou.

Wooda ku kɔsi 7:21

Debɛi i maà jɔ̀ njo ku mu ŋɛ na iri nŋa má ŋa, domi Aɔ̃ Lafɛ̃ɛ nŋɛ nŋu iyi í wa anini nŋɛ í la nɔ í to a ce njoɛ.

Zozue 24:19

Ŋɔi Zozue í sɔ̃ inɛ ŋau í ni, i kaa yɔkɔ i cea Aɔ̃ Lafɛ̃ɛ icɛ ŋa domi Aɔ̃ Lafɛ̃ɛ í má, nɔ nŋu akãi ì nɛ i tɔɔ ŋa. Na nŋu, bii ì fũsiɛ awɔ nɔ ì koo ì waa cea iwɛ̃ ŋa icɛ ŋa, kaa ce nŋɛ suurui dulum du ŋɛ, amma á sinda si ŋɛi ku ce nŋɛ laalɔ nɔ ku kpa iri nŋɛ baa do iyi í ce nŋɛ jiida nkpɔ nkpɔ tã.

Kuyɛi Zãa 4:8

Ilu hunde mɛɛ ŋau à nɛ ikpa mɛɛfa mɛɛfa, nɔ à nɛ iju bii fei inɔ do waduude. À ya maa kɔ̃ iri waati kãma fei alɛò daakɔ a maa ni, Kumá, Kumá, Kumá, bɛɛbɛi Aɔ̃ Lafɛ̃ɛ ilu gbugbã fei í jɛ, nŋu iyi í tako í wɛɛ wo, nɔ í wɛɛ baa nsɛi, nɔ wa naa.

Samuɛli 1, 2:2

Inɛ kãma kù má bɛi awɔ, Aɔ̃ Lafɛ̃ɛ, awɔ akãi aa ka tɔɔ, awɔ akãi ì waa degbe inɛɛ ŋa.