Iri ku kɔ̃ 99:1 - Bibeli do fee

¹ Aɔ̃ Lafɛ̃ɛi í jɛ ilaalu, nɔ inɛ ŋa à waa yaya. Wa buba si antaii serubɛ̃ɛ ŋa, nɔ ilɛ wa yaya.

Iri ku kɔ̃ 99:1 Iomraidhean Croise

Samuɛli 2, 6:2

Nɔ Davidi do zamaa iyi í wa bi tɛɛu fei à dede à bɔ Baale si ilɛi Zudaa ku ba a so kpakoi Ilaaɔ̃u wa. Kpakoui à ya kpe kpakoi Aɔ̃ Lafɛ̃ɛi lele do ilɛ iyi wa buba si antaiɛ si afei amaleka ŋa iyi à ce iyi à ya kpe serubɛ̃ɛ ŋau bɛ.

Bomma 1, 16:30

I yaya si wajuɛ ŋa, iŋɛ inɛi andunya fei. Icui ilɛ í nɛ gbugbã dim dim, nɔ kaa yaya.

Iri ku kɔ̃ 18:10

Aɔ̃ Lafɛ̃ɛi í jɔ̀ lele í baa ilɛ, nɔ í kita wa si antaii kudũi ijĩ nla gɔ.

Iri ku kɔ̃ 2:6

Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

Iri ku kɔ̃ 80:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ. Iriu ti gigi ku yei.

Iri ku kɔ̃ 80:2

Awɔ woo degbei awa inɛi Izirɛli ŋa, sotĩ i gbɔ. Awɔ iyi ì waa gbã awa tɔkui Zozɛfu ŋa bɛi mɛɛmu gaa ŋa, nɔ bommaɛ í wa do lelei serubɛ̃ɛ ŋau, nyisi yiikoɛ.

Iri ku kɔ̃ 82:5

A kù nɛ kumà, hee má jɛ bisi. À waa nɛi si ilu kuku. Iyi bɛi í jɔ̀ icui ilɛ wa yaga.

Iri ku kɔ̃ 93:1

Aɔ̃ Lafɛ̃ɛi í jɛ ilaalu, í dasi jĩnɛi ilaalu ŋa. Gbugbãɛ í kaakoɛi bɛi kungbã. Do yaase bɛɛbɛ ilɛ í nɛ gbugbã, nɔ kaa cuku.

Iri ku kɔ̃ 96:10

I sɔ̃ dimi ŋa fei iyi Aɔ̃ Lafɛ̃ɛi í jɛ ilaalu. Í jilɛ icui ilɛ í nɛ gbugbã dim dim, nɔ kaa yaya. Aɔ̃ Lafɛ̃ɛ á kiiti dimi ŋai si dee dee ku jɛ.

Iri ku kɔ̃ 96:9

Aɔ̃ Lafɛ̃ɛ í má. I sɛɛbata si wajuɛ waati iyi ì yɔɔ ŋa. I yaya si wajuɛ ŋa, iŋɛ inɛi andunya ŋa fei.

Iri ku kɔ̃ 97:1

Aɔ̃ Lafɛ̃ɛi í jɛ ilaalu. Inɔ didɔ̃ nla nla ku jɛ ti inɛi andunya fei. Inɛ ŋa iyi à wa jĩijĩ, à nɛ a wɛɛò inɔ didɔ̃i.

Iri ku kɔ̃ 97:4

Í jɔ̀ kuŋɔi ijĩ í ce inya kumá si andunya, ilɛ í yɔɔ nɔ wa yaya.

Kufita 25:22

An naai si antaii ama ambiii kpakou si aninii serubɛ̃ɛ minji ŋau. Tengi bi kpakoui awaɛ aa ka ya ka ko, nɔ an sɔ̃ɛ wooda iyi í jɛ ti inɛi Izirɛli ŋa fei.

Ezai 19:14

Aɔ̃ Lafɛ̃ɛ í jɔ̀ hundei iju ku cĩ í naa si anini nŋa ku ba inɛi Ezibiti ŋau a nyɔ si kuce nŋa ŋau fei. Aa yɛi bɛi inɛ iyi atɛ̃ wa kpa, nɔ í tu nɔ í sinda í yɔɔgɔ si ituɛu.

Zeremi 4:24

Ǹ cɔ iri kuta nla ŋau, nɔ ǹ ba wee à yaga. Nɔ geete ŋa mɔ fei à waa yaga.

Zeremi 49:21

Ibai kucuku nŋau á jɔ̀ ilɛ ku yayai. Hai bɛ, aa maa gbɔ anu ku dɔ̃ nŋaui hee Tenkui Njee ŋau.

Zeremi 5:22

Aɔ̃ Lafɛ̃ɛ í ni, i kù mà gbugbãm ŋai? I kù wa yaya si wajum ŋa de. Amui ǹ nyaa tenku kɔɔ do sãa. Kɔɔu á maa wɛɛi hee do ajɔ fei, nɔ tenkuu kaa yɔkɔ ku kuaɛ wa. Kutãngãm ndɛɛ ŋau wa yaga, amma a kù nɛ gbugbã. À waa ce iba, do nŋu fei, a kaa yɔkɔ a kua.

Zeremi 50:46

Ibai kucuku nŋau á jɔ̀ ilɛ ku yayai. Hai bɛ, aa maa gbɔ anu ku dɔ̃ nŋaui hee bi dimi mmu ŋa fei.

Ezekiɛli 43:7

Ŋɔi Aɔ̃ Lafɛ̃ɛ í sɔ̃m í ni, awɔ amanɛ, cɔ inyau ihɛ̃i kitãi bommam í wa. Bɛi an lesi isɛm. An maa n wa inɔi inɛi Izirɛli ŋai do ajɔ fei. Nɔ inɛi Izirɛli ŋa walakɔ ilaalu nŋa ŋa a kaa maa jɛ kuwɛɛ nŋa si sakara ku ce iyi í jɛ iwɛ̃ ŋa ku tɔɔ nɔ a kaa maa si ikui ilaalu nŋa ŋa ihɛ̃ má a maa bɛjɛò irim.

Luku 19:12

Í ni, mɔkɔ amai amanlu gɔi í bɔ bomma ku jɛ hee ilɛ jĩijĩ gɔ si anyiɛ nɔ ku baa ideɛ.

Luku 19:14

Amma inɛi ilɛɛ ŋa à cóo nɔ à bɛ inɛ ŋa si anyiɛ à ni aŋa a kù bi ku jɛ bomma si ilɛi aŋa.

Luku 19:27

Si anyiɛ nɔ í ni, i koo i naam mbɛɛm ŋau wa ihɛ̃, aŋa iyi a kù bi n jɛ bommau, nɔ i kpa ŋa si wajum.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Kuyɛi Zãa 11:17

à waa ni, Aɔ̃ Lafɛ̃ɛ ilu gbugbã fei, awɔ iyi ì wɛɛ nsɛi, ì nɔ ì wɛɛ wo, à waa saabuɛi si na iyi í jɔ̀ ì ce icɛ do gbugbã nlaɛ. Nɔ ì sinti bommaɛ ku jɛ.

Kuyɛi Zãa 20:11

Si anyii nŋu, ŋɔi ǹ yɛ kitãi bomma nla fũfũ gɔ do inɛ iyi wa buba si antaiɛ. Nɔ ilɛ do lele à sa hai si wajuɛ, nɔ a kù yɛ gɔgɔ nŋa gɔ má.

Kuyɛi Zãa 6:14

Nɔ lele í tɔtɔɔ inya akã bɛi sɛ̃ɛ iyi à ka. Nɔ iri kuta do gũngũm ŋa fei à yaya a kù wa agbɛ nŋa má.