Iri ku kɔ̃ 82:3 - Bibeli do fee

³ I jɔ̀ hai nɛ gbugbã ŋa do kɔyɔ ŋa a ba ntɔ ŋa. I na ilu are ŋa do inɛ ŋa iyi à waa taa gbugbã ŋau ntɔ ŋa.

Iri ku kɔ̃ 82:3 Iomraidhean Croise

Zɔɔbu 29:12

domi ǹ ya n sobi ilu are iyi wa tɔɔ faaba, nɔ ǹ ya n sobi kɔyɔ iyi inɛ kãma kù bi ku faaba.

Zɔɔbu 31:21

Bii í nɔ í jɛ ǹ la si kɔyɔ gɔ bi ku ce kiiti si na iyi í jɔ̀ ǹ mà iyi woo kiiti ŋau fei aa wa anyim mɔi,

Iri ku kɔ̃ 10:18

ku ba i nyaa kɔyɔ do inɛ iyi à waa taa gbugbã asaiya. Do yaase bɛɛbɛ, inɛ kãma si ilɛu ihɛ̃ kaa maa mɔsi do inɛ ŋa ku taa gbugbã.

Kufita 23:3

I maà ya na kubi ntɔ bi ku ce kiiti ŋa baa bii lafɛ̃ɛ í jɛ ilu are.

Kufita 23:6

I maà ya kiiti ilu are do yaase iyi kù jɛ dee dee ŋa.

Mɔnda ŋa 31:9

I ya kiiti si ntɔ, nɔ i ya kɔ̀ò kãma do ilu are ŋa.

Ezai 1:17

I kɔkɔ jiida ku ce ŋa. I ya ce iyi í jɛ dee dee ŋa. I baaò woo taa inɛ ŋa gbugbã wa si kpãa jiida ŋa. I cea kɔyɔ ŋa iyi í jɛ dee dee ŋa, i maà jɛ a takii jaaɔ̃ ŋa.

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Zeremi 21:12

iŋɛ inɛi kpasɛ̃i Davidi ŋa. Aɔ̃ Lafɛ̃ɛ í ni, i ya kiiti dee dee hai daadaakɔ ŋa, nɔ i ya faaba inɛ ŋa iyi inɛ laalɔ ŋa à waa takii ŋa, ku ba idɔɔkɔ̃m ku maà na ku dede bɛi ina iyi a kaa yɔkɔ a kpa na kuce laalɔ nŋɛ ŋa.

Zeremi 22:16

Í ya ce kiitiɛi si dee dee ku jɛ si gãmɛi ilu are ŋa, do si gãmɛi inɛ ŋa iyi inɛ ŋa à waa taa gbugbã. Na nŋu, mii fei wa nɛa njɛi dee dee. Inɛ iyi wa ce bɛɛbɛ wa nyisi iyi nŋu í mà amu Aɔ̃ Lafɛ̃ɛi ntɔ ntɔ.

Zeremi 22:3

Bɛi Aɔ̃ Lafɛ̃ɛ í fɔ wee. Í ni, i ya ce iyi í tɛ do iyi í jɛ dee dee ŋa. I ya faaba inɛ iyi inɛ laalɔ ŋa à waa takii ŋa. I maà ya gba mii ndii inɛ njoo gɔ, nɔ i maà ya gba mii ndii kɔyɔ do abo jaaɔ̃ ŋa. I maà ya taa inɛ ŋa gbugbã, nɔ i maà ya dikã njɛi hai nɛ taale ŋa si inyau ihɛ̃ ŋa.

Zeremi 5:28

À jɛ à ce ikpo, nɔ à kpa kaato. Laalɔ nŋa í caa. A ci ya kɔ̀ò kɔyɔ do ilu are. A ci ya na ŋa ntɔ, si mii iyi í jɛ tu ŋa. A ci ya jirima asaiya nŋa. Amma aŋa, wũa nŋa wa bɔ waju.

Zakari 7:9

ǹ ye ŋɛ gigii ide iyi amu Aɔ̃ Lafɛ̃ɛi lele do ilɛ, ǹ tako ǹ sɔ̃ ŋɛ wo. Ǹ ni, i ya ce kiiti dee dee ŋa, i ya nyisi njɛ jiida ku jɛ nŋɛ do araare.

Wooda ku kɔsi 10:18

Nŋui í ya kɔ̀ò kɔyɔ ŋa do abo jaaɔ̃ ŋa dee dee si bɛi í jɔ. Í bi inɛ njoo ŋa nɔ í ya mu nŋa sɔnda do ibɔ ŋa.

Wooda ku kɔsi 24:17

I maà ti i cea inɛ njoo walakɔ kɔyɔ gɔ kiiti ibo. Nɔ i maà gba acɔi abo jaaɔ̃ gɔ ku jɛ bɛi tɔɔma.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.