Iri ku kɔ̃ 82:1 - Bibeli do fee

¹ Iriu ihɛ̃ ti Azafui. Ilaaɔ̃ í wa si inɔi inɛɛ ŋa, nɔ wa kiiti si aninii inɛi lelei Aɔ̃ ŋa, í ni,

Iri ku kɔ̃ 82:1 Iomraidhean Croise

Iri ku kɔ̃ 138:1

Iriu ihɛ̃ ti Davidii. Aɔ̃ Lafɛ̃ɛ, ǹ wa n saabuɛ do idɔm fei. An kɔ̃ iri n maa n cĩɛi si wajui ilu gbugbãi lele ŋa.

Iri ku kɔ̃ 50:1

Iriu ihɛ̃ ti Azafui. Ilaaɔ̃, Aɔ̃ Lafɛ̃ɛ ilu gbugbã fei í fɔ ide, í kpe inɛi andunya ŋa, hai inɛ ŋa iyi à wa nunui daakɔ hee ku koo si inɛ ŋa iyi à wa nunui alɛ fei.

Iri ku kɔ̃ 58:11

Inɛ dee dee á wɛɛò inɔ didɔ̃ domi á yɛ Ilaaɔ̃ í sãa nŋu gbese. Nɔ á wiɛ kutɛɛ ŋai si njɛi ilu inɔ kukã ŋau.

Iri ku kɔ̃ 58:2

Ntɔ ntɔ waati iyi ì waa ce kiiti ŋa ì ya singa ngɔgɔ ŋai? Ì ya jɛ dee dee waati iyi ì waa kiiti amanɛ ŋa?

Kufita 18:21

Nɔ i cica inɛ ŋa iyi aa yɔkɔ a ce icɛu, inɛ ŋa iyi à waa jirima Ilaaɔ̃ nɔ à waa nɛ si kpãa ntɔ nɔ a maà jɛ woo bi fia do bisi laalɔ ŋa. Nɔ i jilɛ ŋa a jɛ inɛ ngbo ŋa. Inɛ gɔ ŋa a jɛ inɛ ngboi amanɛ dubu, inɛ gɔ ŋa mɔ inɛ ngboi amanɛ cĩɔ, inɛ gɔ ŋa mɔ inɛ ngboi amanɛ ciitaa, nɔ inɛ gɔ ŋa mɔ a jɛ inɛ ngboi amanɛ mɛɛwa.

Kufita 21:6

waati bɛɛbɛ mɛɛtuɛu á gbãai ku bɔòɛ si wajui Ilaaɔ̃. Si anyiɛ nɔ ku bɛi ku gbãa ku bɔòɛ bi gamboi anui ileɛ walakɔ bi jĩi ndii gambou nɔ ku lua itĩ do isɔ iyi í gbe anu, nɔ aruu á wɛɛi do ajɔ fei si icɛɛ.

Kufita 22:28

I maà ya jɔ̀ ku kpɛ i bɛi i ceem amuai amaajɛ sintei iko nŋɛ ŋa do isoi jĩi ndu nŋɛ ŋa. Nɔ i nam ama inɛmɔkɔ sinte nŋɛ ŋa.

Woo lasabu 5:8

Á nɛa inɛ fei aranfãani bii í jɛ ilaalu í ya sobi kãma ŋa ku ba icɛi iko nŋa ku bɔ waju.

Ezai 3:13

Aɔ̃ Lafɛ̃ɛ í dede ku ba ku ce kiiti. Í tã sɔɔlu ku kiiti inɛɛ ŋa.

Laabaau jiida iyi Zãa í kɔ 10:35

Nɔ Jesu í sɔ̃ ŋa má í ni, à mà iyi kukɔi idei Ilaaɔ̃ ntɔi wa fɔ do ajɔ fei. To, si ideu ihɛ̃ Ilaaɔ̃ takaɛ wa kpe inɛ ŋa iyi à gbɔ ideɛu Ilaaɔ̃, mà irei.