Iri ku kɔ̃ 81:7 - Bibeli do fee

⁷ Ide ku fɔu í ni, ǹ sɔ̀aa aso hai si kɔngɔɛ, nɔ ǹ nya awɔɛ ŋa hai si icɛ kugaabu ŋau.

Iri ku kɔ̃ 81:7 Iomraidhean Croise

Iri ku kɔ̃ 50:15

Kpem ajɔ iyi ì wa si inɔ kufɔ, an jɛɛ, n nyaɛ nɔ i mà bɛɛrɛm.

Kufita 14:10

Iyi inɛi Izirɛli ŋau à yɛ inɛi Ezibiti ŋa à dasi kpãa à waa da hãmɛi aŋa wa, nɔ à yɛ iyi Faraɔ̃ í maai si aŋa wa tã, ŋɔi zigi nŋa í da ntɔ ntɔ. Nɔ à wasi ku dɔ̃ si Aɔ̃ Lafɛ̃ɛ anu hee lele.

Kufita 14:24

Daadaakɔ Aɔ̃ Lafɛ̃ɛ í cɔ inɛi Ezibiti ŋau hai si kudũi ijĩu do hai si inau wa nɔ í jɔ̀ isɛɛnɛ nŋau kù nɛ yaase má.

Kufita 19:19

Ibai kuuu wa dɔ̃ do gbugbã wa kɔ̃ɔsi. Moizi wa fɔ ide nɔ Ilaaɔ̃ wa jɛaa hee lele.

Kufita 2:23

Ajɔ wa koo ajɔ wa baa nɔ ilaalui Ezibitiu í na í ku. Waati bɛɛbɛ inɛi Izirɛli ŋa à wasi ku weewea à waa dɔ̃ anu na aru ku jɛ nŋa. Anu ku dɔ̃ nŋau wa bɔ hee lelei Aɔ̃.

Kufita 20:2

Í ni, amui ǹ jɛ Aɔ̃ Lafɛ̃ɛ nŋɛ. Amui ǹ nya ŋɛ wa hai ilɛi Ezibiti bii ì tako ì waa jɛ aru ŋa wo.

Kufita 6:6

Na nŋu, koo sɔ̃ inɛi Izirɛli ŋa i ni amui ǹ jɛ Aɔ̃ Lafɛ̃ɛ. An nya ŋa hai si icɛ kugaabu ŋa iyi inɛi Ezibiti ŋa à dasi ŋa nɔ n nya ŋa má hai si aru ku jɛ. Nɔ do gbugbãm an dasi inɛi Ezibiti ŋa wahala nla nla ku ba n ya inɛi Izirɛli ŋa.

Zeremi 16:14

Aɔ̃ Lafɛ̃ɛ í ni, ajɔ wa naa iyi inɛ ŋa a kaa ya ce kugbasi má a ni, do irii Aɔ̃ Lafɛ̃ɛ nŋu iyi í wɛɛ, nŋu iyi í nya inɛi Izirɛli ŋa wa hai ilɛi Ezibiti.

Kuka 20:13

Na ŋɔi í jɔ̀ à sɔ inyiu bɛ inyii Meriba, waatɔ inyii ija, domi tengi bɛi inɛi Izirɛli ŋau à dɛ ijai Aɔ̃ Lafɛ̃ɛ. Amma kpãa nŋu bɛi Aɔ̃ Lafɛ̃ɛ í bɛɛgɛ si gbakã í nyisiò kumáɛ.

Kuka 20:24

Arɔ̃ɔ á ku, kaa lɔ si ilɛ iyi ǹ ni an mua inɛi Izirɛli ŋau, si na iyi í jɔ̀ i kù jirima woodam ŋa bi isɔ̃i Meribau.

Wooda ku kɔsi 33:8

Moizi í fɔ si gãmɛi tɔkui Levii ŋa í ni, Aɔ̃ Lafɛ̃ɛ, ì so urimu do tumimu, ì daa tɔkui Levii ŋa si awɔ aŋa iyi à jɛ woo ce icɛ ilu naanɛɛ ŋau. Aŋai ì cɔ laakai nŋa wo waati iyi à wa Masa, nɔ ì dɛdɛ ija nŋa bi inyii Meriba.

Wooda ku kɔsi 5:6

amui ǹ jɛ Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti hai bii ì tako ì waa jɛ aru ŋau wo.