Iri ku kɔ̃ 81:5 - Bibeli do fee

⁵ domi wooda gɔi iyi à jilɛa inɛi Izirɛli ŋa, nɔ wooda gɔi iyi wa naa hai bi Ilaaɔ̃ Lafɛ̃ɛi Zakɔbu.

Iri ku kɔ̃ 81:5 Iomraidhean Croise

Iri ku kɔ̃ 114:1

Waati iyi inɛi Izirɛli dimii Zakɔbu ŋa à fita wa hai ilɛi Ezibiti hai si aninii dimi iyi wa fɔ fee iyi a kù waa gbɔ,

Iri ku kɔ̃ 77:15

Awɔi ì jɛ Ilaaɔ̃ iyi í ya ce maamaake. Ì jɔ̀ inɛi andunya ŋa à mà gbugbãɛ.

Iri ku kɔ̃ 78:6

Amu ŋa iyi aa na a bí ŋau aa mà wooda ŋau, nɔ a kɔ ama nŋa ŋa si.

Kufita 11:4

[Waati iyi Moizi í wa bi Faraɔ̃], í sɔ̃ɔ í ni, ide iyi Aɔ̃ Lafɛ̃ɛ í fɔ wee. Í ni, zakai idũ laja nŋu á naa ku dabii si ilɛi Ezibiti fei.

Kufita 12:12

Idũ ajɔ nŋu bɛ an dabii si ilɛi Ezibiti, nɔ an kpa inɛ ŋa iyi à bí sinte si ilɛu fei, hai amanɛ ŋa hee ku koo si mɛɛmu ŋa fei. Bɛɛbɛi an nyisiò iyi iwɛ̃i inɛi Ezibiti ŋau a kù nɛ gbugbã, nɔ amu akãi ǹ jɛ Aɔ̃ Lafɛ̃ɛ.

Kufita 12:27

i ya jɛ nŋa i ni, kuweei Iku ku kuai iyi à ya cea Aɔ̃ Lafɛ̃ɛ. Waati iyi awa inɛi Izirɛli ŋa à wa ilɛi Ezibiti, Aɔ̃ Lafɛ̃ɛ í kpa inɛi Ezibiti ŋau amma í faaba wa í kua kpasɛ̃ nwa ŋa. Iyi Moizi í fɔ bɛɛbɛ í tã, ŋɔi inɛi Izirɛli ŋau à gulɛ à waa tɔɔ Ilaaɔ̃.

Kufita 12:29

Zakai idũ laja Aɔ̃ Lafɛ̃ɛ í kpa inɛ ŋa iyi à bí sinte fei si ilɛi Ezibiti, hai ama yemmai Faraɔ̃ ilaaluu, hee ku koo si ama yemmai inɛi piisɔ̃ɔ ŋa, do mɛɛmu ŋa iyi à bí sinte fei.

Ezai 28:11

To, bɛbɛi Aɔ̃ Lafɛ̃ɛ á ba ŋa ide ku fɔi do fee iyi a kù waa gbɔ, do feei inɛ njoo ŋa.

Zeremi 5:15

Nɔ Aɔ̃ Lafɛ̃ɛ í ni, iŋɛ inɛi Izirɛli ŋa mɔ, an jɔ̀ dimi gɔ ku naa si ŋɛ wa hai ilɛ jĩijĩ gɔ. Inɛi ilɛ ŋau, i kaa yɔkɔ i jɛ ŋa igũ ŋa. Ilɛu í nɛ gbugbã, nɔ ilɛ nwoi. Dimi gɔi iyi i kù waa gbɔ feeɛ ŋa, nɔ i kù waa gbɔ yaasei ide ku fɔɛ ŋa.

Ezekiɛli 20:20

I nya ajɔi kusĩmim ŋau ikã ŋa ku jɛ bɛi nyindai anu akãi awaɛ ŋa. Do yaase bɛɛbɛ, inɛ ŋa aa mà iyi amui ǹ jɛ Aɔ̃ Lafɛ̃ɛ nŋɛ.

Amɔsu 6:6

Ì ya maa mɔ atɛ̃ vɛ̃ɛ do kɔɔfu nla ŋa nɔ ì ya maa jɔ ikpo ku dɔ̃ inunu ŋa, amma nfe ku cei kpasɛ̃i Zozɛfu kù waa bitandi ŋɛ.

Wooda ku kɔsi 28:49

Aɔ̃ Lafɛ̃ɛ á jɔ̀ dimi gɔ ku naa si ŋɛ wa hai hee jĩijĩ, hai kɔɔi andunya wa. Dimiu á naa si ŋɛ wai bɛi kungbã í ya naa si sɔndaɛ, nɔ dimiu, dimi gɔi iyi i kaa gbɔ feeɛ ŋa.

Wooda ku kɔsi 4:45

Í sisi nŋa mii ŋa iyi Aɔ̃ Lafɛ̃ɛ í bi, do yaase bɛi à nɛ a ce isɛɛnɛ nŋa fei do wooda ŋa si anyii kufita nŋa hai ilɛi Ezibitiu.