Iri ku kɔ̃ 81:3 - Bibeli do fee

³ I kɔ̃a iri, i cãa bata ŋa. I cũu do mɔɔlɔ ŋa, nɔ i fãa yee ŋa.

Iri ku kɔ̃ 81:3 Iomraidhean Croise

Ilaalu 2, 4:23

Ŋɔi mɔkɔɛu í beeɛ í ni, kù jɛ cukpa titɔ̃ walakɔ ajɔi kusĩmi nnyi, na mii í ce ì waa dɛ ku bɔ bi Elizee. Ŋɔi í jɛaa í ni, ide kãma kù ce.

Bomma 1, 15:16

Ŋɔi Davidi í ni inɛ ngboi dimii Levii ŋau a nya woo kɔ̃ iri ŋa si inɔ nŋa do jĩnɛi ijo nŋa ŋa, kundigi ŋa do mɔɔlɔ ŋa do sɛmbali ŋa iyi aa cã a maa nyisiò inɔ didɔ̃.

Bomma 1, 15:19

Hemaa do Azafu do Etãa woo kɔ̃ iri ŋau à nɛ sɛmbali ŋa iyi à ce do isɔ nkpa iyi à waa cã.

Bomma 1, 15:24

Sebania do Zozafati do Netaneɛli do Amasai do Zakari do Benaya do Eliezɛɛ woo wee ŋau à waa fã kãakãakĩ ŋa do wajui kpakoi Ilaaɔ̃u. Obɛdi-Edɔmu do Yeiya ŋai à jɛ woo so kpakou.

Bomma 1, 16:42

Hemaa do Yedutunu, aŋai à jɛ inɛ ngboi woo fã kãakãakĩ ŋau do woo cã sɛmbali ŋau, do woo cã jĩnɛ mmu gɔ ŋa iyi aa kɔ̃ iri a maa cĩò irii Ilaaɔ̃. Amai Yedutunu ŋai à jɛ woo degbe koofau.

Bomma 1, 16:6

Benaya do Yahaziɛli woo wee ŋaui à ya maa fã kãakãakĩ ŋau si wajui kpakoi akabuui Ilaaɔ̃u.

Bomma 1, 25:1

Ŋɔi Davidi do inɛ ngboi inɛi Leviii ŋau à cica amai Azafu ŋa do ti Hemaa ŋa do ti Yedutunu ŋa ikã a ya maa kɔ̃ iri a maa ceò walii do mɔɔlɔ do kundigi do sɛmbali ŋa. Irii inɛ ŋa iyi à nɛ icɛu bɛ ku ce wee.

Bomma 2, 13:12

Ilaaɔ̃ do woo weeɛ ŋau à wɛɛ do awa, nɔ à tã sɔɔlu a fã kãakãakĩ a naò laabaaui igũ si gãmɛ nŋɛ. Iŋɛ inɛi Izirɛli ŋa, i maà ba Aɔ̃ Lafɛ̃ɛi bala nŋɛ ŋau igũ ku ce, domi i kaa jɛ igũ ŋa.

Bomma 2, 13:14

Iyi inɛi Zudaa ŋau à cɔ ilu, ŋɔi à ba aŋa à nɛ kujai waju do anyi. Ŋɔi à dɔ̃ anu à tɔɔ Aɔ̃ Lafɛ̃ɛ, nɔ woo wee ŋau à fã kãakãakĩ ŋa.

Bomma 2, 2:4

Kpasɛ̃ iyi an mau á bɛi ku la, domi Aɔ̃ Lafɛ̃ɛ nwau í la í re iwɛ̃ fei.

Bomma 2, 5:12

Nɔ dimii Levii ŋa iyi à jɛ woo kɔ̃ iri ŋau, do Azafu do Hemaa do Yedutunu, do ama nŋa ŋa do nyaanze nŋa ŋa à dasi ibɔ iyi à ce do ikũ ku nɛ gbugbã. Nɔ à waa leekĩ do nunui daakɔi bi kuweeu, à waa mu sɛmbali ŋa do kundigi ŋa do mɔɔlɔ ŋa. Nɔ woo wee cifa (120) í wa kɔkɔ nŋa bɛ à waa fã kãakãakĩ ŋa.

Bomma 2, 8:13

Í ya cooi dee dee si bɛi Moizi í jilɛa ajɔ akã fei. Í ya ce kuwee ŋaui si ajɔi kusĩmi do si cukpa titɔ̃ do si jingau mɛɛta nla ŋa iyi à ya ce si adɔ̃ akã feiu. Si jingaui Pɛ̃ɛ hai nɛ levɛ̃ɛu do ti Azuma ŋa do ti Kusu ŋau.

Iri ku kɔ̃ 149:3

A kɔ̃ iri a cũu a maa jojoò, nɔ a cã ama gãgã do mɔɔlɔ ŋa a maa naaò bɛɛrɛ.

Iri ku kɔ̃ 33:2

I cũu do mɔɔlɔ ŋa nɔ i saabuɛ do mɔɔlɔ ilu ikũ mɛɛwa.

Iri ku kɔ̃ 98:6

I fã kãakãakĩ ŋa do kuu ŋa. I dɔ̃ anu do inɔ didɔ̃ si wajui Aɔ̃ Lafɛ̃ɛ ilaalu nwau.

Kukpata 2:6

Í lɔ si bindiɛu do gbugbã bɛi bindii lambo. Í kɛkɛ inya bi kukou. Aɔ̃ Lafɛ̃ɛ í jɔ̀ inɛ ŋa à gbɛjɛ ajɔi jingau nla ŋa do ajɔi kusĩmi ŋa si ilui Siɔ̃ɔu. Idɔɛ í kɔ̃ ntɔ ntɔ, nɔ í jɔ̀ bɛɛrɛi ilaaluu do ti woo wee ŋau fei í tã.

Kuka 15:3

aa ceem kuwee iyi à ya jo si inai, waatɔ kuwee iyi à ya jo si ina fei sãa sãa walakɔ kuwee mmu. Aa ce kuwee gɔi bii ì waa bi i kɔ̃ kuwã gɔ iyi ì ceem ŋa, walakɔ ku jɛ ì waa coo dei si idɔɔbi nŋɛ, walakɔ si waatii jingau nŋɛ ŋa. Si kuwee dimi bɛɛbɛ, kɛtɛi aa dɛdɛ walakɔ angudã walakɔ iwo, nɔ inunui kuweeu á dɔ̃a amu Aɔ̃ Lafɛ̃ɛ si.

Kuka 28:11

Ajɔ sintei cukpa titɔ̃ fei i ya cea amu Aɔ̃ Lafɛ̃ɛ kuwee iyi à ya jo si ina fei sãa sãa do kɛtɛ kombo minji, do angudã kombo akã do ama angudã ŋa iyi à nɛ adɔ̃ akã akã ara mɛɛje iyi kãma nŋa kù nɛ leebu.

Wooda ku kɔsi 16:15

Jingauu bɛ iyi aa ce ŋa na bɛɛrɛi Aɔ̃ Lafɛ̃ɛ nŋɛ, aa coo ŋai ajɔ mɛɛje tengi bii Aɔ̃ Lafɛ̃ɛ takaɛ í cicau. I jɔ̀ inɔ didɔ̃ nŋɛ ku kɔ̃ ŋa, domi Aɔ̃ Lafɛ̃ɛ á wee si amaajɛ nŋɛ ŋau do si icɛ nŋɛ iyi ì waa ce fei ŋa.

Kolosee 2:16

Na nŋu, i maà ya jɔ̀ inɛ gɔ ku yɛ taale nŋɛ si ijɛ do si mii ku mɔ. I maà jɔ̀ inɛ gɔ ku tilasi ŋɛ i maa jirimaò wooda ŋa iyi à jilɛ na ajɔi jingau ŋa iyi à ya ce adɔ̃ do adɔ̃ walakɔ jingaui cukpa titɔ̃ walakɔ ajɔi kusĩmi.