Iri ku kɔ̃ 81:2 - Bibeli do fee

² I dɔ̃ anu do inɔ didɔ̃ ŋa na Aɔ̃ Lafɛ̃ɛ iyi í jɛ ilu gbugbã nwa. I dɔ̃ anu do inɔ didɔ̃ ŋa na Ilaaɔ̃ Lafɛ̃ɛi Zakɔbu.

Iri ku kɔ̃ 81:2 Iomraidhean Croise

Bomma 2, 5:13

Ŋɔi woo fã kãakãakĩ ŋau do woo kɔ̃ iri ŋau à tɔtɔɔ à waa cĩ Aɔ̃ Lafɛ̃ɛ nɔ à waa saabuɛ ajɔ. Inɛ ŋau à waa fã kãakãakĩ ŋau nɔ à cã sɛmbali ŋa do jĩnɛ mmu ŋa iyi à gbeu nɔ à cĩ Aɔ̃ Lafɛ̃ɛ à waa ni, í jɛ jiida, domi kubiɛ í ya maa wɛɛi hee do ajɔ fei. Waati bɛɛbɛ, ŋɔi kudũi ijĩ í naa í bii inɔ kpasɛ̃i Aɔ̃ Lafɛ̃ɛu.

Neemi 12:42

do Maaseya do Semaya do Eleazaa do Uzi do Yohanaa do Malikiya do Elamu do Ezɛɛ. Woo kɔ̃ iri ŋau à waa faau kɔ̃ɔ wa, nɔ Yizaraya wa cua nŋa.

Iri ku kɔ̃ 59:17

Amu, an kɔ̃ irii na gbugbãɛ. Hai daadaakɔ an maa n cĩɛi na jiida ku jɛɛ domi awɔi ì jɛ bi ku manji ilu gbugbãm, do bi ku manjim si inɔ kufɔm.

Iri ku kɔ̃ 92:3

Daakɔ fei à ya maa fɔ jiida ku jɛɛi nɔ idũ mɔ, dee dee ku jɛɛ,

Kufita 15:20

Ŋɔi Mariama walii inaabo iyi í jɛ wecĩi Arɔ̃ɔ, í so gãgã keeke gɔ wa cã. Nɔ inaabo ŋa fei à waa too fitiɛ, à waa cã gãgã keeke nŋa ŋa à waa jojoò.

Maaku 14:26

Si anyiɛ à kɔ̃ iri ŋa nɔ à fita à bɔ geetei Olivie ŋa.

Efɛɛzu 5:19

I jɔ̀ saabu do iri ku kɔ̃ ku ya wa si faaji nŋɛ, i ya kɔ̃ iri do irii Ilaaɔ̃, i cũu do idɔ nŋɛ fei.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Zaaki 5:13

Wahala í ba inɛ gɔ nŋɛi? Ku ce kutɔɔ. Inɔi inɛ gɔ nŋɛ wa dɔ̃i? Ku saabu Ilaaɔ̃ do iri ku kɔ̃.