Iri ku kɔ̃ 81:10 - Bibeli do fee

¹⁰ i kù nɛ i jɔ̀ iwɛ̃ gɔ ku wa bi tu ŋɛ hee i gulɛ i maa tɔɔɛ ŋa.

Iri ku kɔ̃ 81:10 Iomraidhean Croise

Iri ku kɔ̃ 107:9

Ntɔ ntɔ, í jɔ̀ inɛ ŋa iyi agbɛ wa kpa à ba inyi à mɔ. Nɔ inɛ ŋa iyi ari wa kpa, í jɔ̀ à jɛ à yo.

Kufita 20:2

Í ni, amui ǹ jɛ Aɔ̃ Lafɛ̃ɛ nŋɛ. Amui ǹ nya ŋɛ wa hai ilɛi Ezibiti bii ì tako ì waa jɛ aru ŋa wo.

Kufita 20:3

[Na nŋu, ide iyi ǹ wa n jilɛ nŋɛ wee.] I maà tɔɔ ngɔgɔ má ŋa bii kù jɛ amu akã.

Zeremi 11:4

iyi amu Aɔ̃ Lafɛ̃ɛ ǹ jilɛa bala nŋɛ ŋa si ajɔ iyi ǹ fitaò ŋa wa hai ilɛi Ezibiti. Tengi bɛ, à yɛi bɛi inɛ ŋa iyi à wa si inɔ caka iyi à ya tɛkɛ si ina à yɔò isɔ. Waati bɛɛbɛi ǹ sɔ̃ ŋa ǹ ni, i sotĩ i gbɔ idem ŋa, nɔ i ce bɛi an sɔ̃ ŋɛ.

Ozee 8:3

Inɛi Izirɛli ŋa à fũsi mii jiida awɔ, mbɛɛ nŋa ŋa aa na a maa lele ŋai.

Laabaau jiida iyi Zãa í kɔ 15:7

Bii ì waa má sim ŋa nɔ idem í wa si ŋɛ i tɔɔ mii iyi ì bi fei ŋa aa ba ŋa.

Laabaau jiida iyi Zãa í kɔ 16:23

Bii awaatiu í to wa, i kaa beem nkãma ŋa. Ntɔ ntɔ ǹ wa n sɔ̃ ŋɛi, mii iyi aa tɔɔ Ilaaɔ̃ Baaba do irim ŋa fei á mu nŋɛ.

Laabaau jiida iyi Zãa í kɔ 7:37

Ajɔi ankãanyii jingaui í ya nɛ bɛɛrɛ ku re. Ajɔ nŋuu, ŋɔi Jesu í dede í leekĩ wa fɔ ide hee lele wa ni, inɛ iyi agbɛ wa kpa ku naa ku mɔ inyi bi tom.

Wooda ku kɔsi 5:7

[Na nŋu, ide iyi ǹ wa n jilɛ nŋɛ wee.] I maà tɔɔ inɛ gɔ walakɔ ngɔgɔ má ŋa bii kù jɛ amu akã.

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Zozue 24:23

Ŋɔi Zozue í ni, to. I nyɔ iwɛ̃ ŋa iyi à wa si anini nŋɛ ŋau nɔ i na Aɔ̃ Lafɛ̃ɛ nwa ara nŋɛ mam mam ŋa.

Kuyɛi Zãa 21:6

Nɔ í sɔ̃m má í ni, fei ndɛɛ í tã. Inɛ kãma kù takom nɔ inɛ kãma kaa naa do anyim. Amui ǹ jɛ sintei mii fei do iri ku kpaɛ. Inɛ iyi agbɛ wa kpa fei an jɔ̀ ku mɔ inyii isɔ̃ hai nɛ fia ku sã. Nɔ inɛ iyi í mɔ inyiu fei á maa wɛɛi.

Kuyɛi Zãa 22:17

Hundei Ilaaɔ̃ do abo titɔ̃ à fɔ à waa ni, naa wa, Lafɛ̃ɛ Jesu. Inɛ iyi wa gbɔ ideu fei nŋu mɔ ku ni ku naa wa. Inɛ iyi agbɛ wa kpa ku naa wa, inɛ mɔ iyi í bi inyi iyi í ya na inɛ ŋa kuwɛɛ ku naa ku gba, kù nɛ ku sã.