Iri ku kɔ̃ 8:2 - Bibeli do fee

² Aɔ̃ Lafɛ̃ɛ nwa, iriɛ í nɛ bɛɛrɛ si andunyau fei. Inya kumái amboeɛ í re ti lelei Aɔ̃.

Iri ku kɔ̃ 8:2 Iomraidhean Croise

Iri ku kɔ̃ 148:13

I saabu Aɔ̃ Lafɛ̃ɛ ŋa domi nŋu akãi bɛɛrɛi iriɛ í bɔ hee lele, nɔ ilaalu ku jɛɛ í wa lele do si ilɛ.

Iri ku kɔ̃ 4:4

I mà ŋa iyi Aɔ̃ Lafɛ̃ɛ í cica inɛ iyi í jɛaa ilu naanɛ. Waati iyi ǹ tɔɔɛ faaba, í ya gbɔɔm.

Iri ku kɔ̃ 44:16

Ajɔ fei si bitii ǹ ya n wa nɔ anyɔi í ya bii wajum,

Iri ku kɔ̃ 46:10

Aɔ̃ Lafɛ̃ɛi í ya leekĩ igũ si andunya fei, nŋui í ya cɛ biooi igũ ŋa, nɔ í ya cɛ kaka ŋa. Í ya jɔ̀ ina ku jo sarɛti ku ce igũ ŋau.

Iri ku kɔ̃ 57:6

Ilaaɔ̃, nyisi kulaɛ iyi í re lelei Aɔ̃, nɔ i jɔ̀ amboeɛ ku wa si ilɛu fei sãa sãa.

Kufita 11:7

Amma a kaa gbɔ iba kãma bi inɛi Izirɛli ŋa, hai amanɛ ŋa hee ku koo si mɛɛmu ŋa. Baa aja kaa gbongboo. Si bɛɛbɛ aa mà ŋa iyi nŋu Aɔ̃ Lafɛ̃ɛ í nya inɛi Izirɛli ŋa ikã hai si inɔi inɛi Ezibiti ŋa.

Kufita 15:16

Njo nla nla í mu ŋa. Na gbugbãi awɔɛi njo í jɔ̀ à yɛ bɛi wɛɛgɛ hee inɛɛ ŋa à lɔ, aŋa iyi ì ra a jɛ tɛɛ.

Ezai 40:31

Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aa maa ba gbugbã titɔ̃ ŋai. Aa ya maa yɔi bɛi kungbã ŋa. Aa ya maa sɛii, nɔ a kaa ya gbɛɛji. Aa ya maa nɛi, nɔ gbugbã nŋa kaa nɛ kɔɔ.

Ezai 6:3

Ŋɔi à ya dɔ̃ anu a maa jɔ̀a njɛ a maa ni, Aɔ̃ Lafɛ̃ɛi lele do ilɛ, í má, í má, í má, nɔ amboeɛ í kɔ̃ ilɛ fei.

Amɔsu 5:9

Í ya jɔ̀ a mu ilu gbugbã a kpaa nɔ a bɛjɛ ilu ku nɛ gbugbãɛ.

Abakuku 2:20

Amma Aɔ̃ Lafɛ̃ɛ í wai lelei Aɔ̃ si kpasɛ̃ kumáɛ. Inɛi andunya fei ku coko si wajuɛ.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 21:16

Nɔ à bee Jesu à ni, ì bɛi ì gbɔ iyi à waa fɔ mbɛ? Nɔ í jɛ nŋa í ni, oo. Mii iyi wa ceu ihɛ̃, aa yɔkɔ i cioɛ ŋa si kukɔi idei Ilaaɔ̃ tengi bii à ni, Ilaaɔ̃ í jɔ̀ à gbɔ saabuɛ hai si gɛlɛi amu ŋa do si gɛlɛi ama kpɔtɔɔ ŋa.

Luku 10:21

Si waati akãu, inɔi Jesu í dɔ̃ jiida jiida do gbugbãi Hundei Ilaaɔ̃ nɔ í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa. Í sĩa Baaba, si na iyi í jɔ̀ bɛɛbɛi ì bi.

Kɔrɛnti 1, 1:27

Amma Ilaaɔ̃ í cica mii ŋa iyi inɛi andunya ŋa à waa cɔ bɛi hai nɛ yaase ŋa í dasiò ilu bisi ŋa anyɔ, nɔ í cica mɔngɔi andunya ŋa í dasiò ilu gbugbã ŋa anyɔ.

Samuɛli 1, 2:9

Awɔi ì waa gbã inɛɛ ŋa si isɛɛnɛ nŋa. Amma aa jɔ̀ inɛ laalɔ ŋa a ce nfe si ilu kuku, domi amanɛ kaa yɔkɔ ku jɛ igũ do gbugbãi nŋu takaɛ.