2 Ilaaɔ̃, naa i faabam. Aɔ̃ Lafɛ̃ɛ, ce ńya i naa i sobim.
Jɔ̀ woo yɛ taalem ŋau a dasi biti, jɔ̀ anyɔ ku bii ŋa bɛi ibɔ kumboo.
Iriu ihɛ̃ ti Davidii. Aɔ̃ Lafɛ̃ɛ, ǹ wa n kpeɛi, naa i sobim nya nya. De sim itĩ waati iyi ǹ wa n kpeɛ.
Maà jĩim waati iyi wahala í maai sim wa, waati iyi inɛ kãma kaa yɔkɔ ku sobim.
Awɔ Aɔ̃ Lafɛ̃ɛm, maà jĩim, awɔ iyi ì jɛ gbugbãm, naa i faabam ńya ńya.
Jɔ̀ inɛ ŋa iyi à nɛ inɔ didɔ̃ na inɔ kufɔm, a yɛ anyɔ do inɔ kufɔ nla nla. Inɛ ŋa iyi à waa so ara nŋa lele bi tom, jɔ̀ a yɛ anyɔ do biti nla nla.
Inɛ ŋa iyi à waa dɛ ku kpam, jɔ̀ a yɛ anyɔ. Jɔ̀ inɛ ŋa iyi à waa dɛ nfem ku ce a nyi do anyi a koo a yɛ anyɔ.
Aɔ̃ Lafɛ̃ɛ, naa i faabam. Aɔ̃ Lafɛ̃ɛ, ce ńya i naa i sobim.
Aɔ̃ Lafɛ̃ɛ í gbɔ idem ŋa, Aɔ̃ Lafɛ̃ɛ í gba kutɔɔm.
Ilaaɔ̃, maà jĩim. Ilaaɔ̃ Lafɛ̃ɛm, naa i faabam gbãa gbãa.
Jɔ̀ anyɔ do iku ku jɛ ti inɛ ŋa iyi à waa yɛ taalem. Jɔ̀ arabu do anyɔ ku jɛ ti inɛ ŋa iyi à waa bi laalɔ ku bam.
Bi tu ŋa, idei Aɔ̃ Lafɛ̃ɛ á jɛi, wooda do wooda. Asaiya do asaiya. Keeke ihɛ̃, keeke ihɔ̃. Iri ku kpaɛ, aa cuku kaiyai nɔ bũu nŋa ŋa a cɛ. Aa mu ŋai do taa a nɛò ŋa.
Inɛ ŋa iyi à wɛɛò idɔɔkɔ̃ do awɔ fei, anyɔ do bitii á jɛ tu ŋa. Inɛ ŋa iyi à waa dɛdɛ ijaɛ ŋau, a kaa naa a jɛ nkãma, nɔ aa ce nfe mɔm nii.
Iyi Jesu í jɛ nŋa í ni, amui ihɛ̃, ŋɔi aŋa fei à sɛkɛɛ do anyi à koo à cuku ilɛ.