Iri ku kɔ̃ 7:2 - Bibeli do fee

² Aɔ̃ Lafɛ̃ɛm, awɔi ì jɛ bi ku manjim. Faabam nɔ i nyam hai si awɔi inɛ ŋa iyi à waa kpãm iju.

Iri ku kɔ̃ 7:2 Iomraidhean Croise

Samuɛli 2, 14:6

Ǹ nɛ ama inɛmɔkɔ minji. Ŋɔi à waa ja iko, inɛ kãma kù wa bɛ hee ku la ŋa. Nɔ inɛ akã í cã kpaasiɛ í kpaa.

Zɔɔbu 10:7

Ì nɛ i mà sãa sãa iyi n kù ce taale kãma, nɔ inɛ kãma kaa yɔkɔ ku nyam hai si awɔɛ.

Iri ku kɔ̃ 10:9

Í ya koo maa manjii bɛi muusu nla iyi í wa si koloɛ, nɔ ku zamba hai nɛ gbugbã ŋa ku mu ŋa do cɛkũm dɛɛ.

Iri ku kɔ̃ 11:1

Iriu ihɛ̃ ti inɛ ngboi woo kɔ̃ iri ŋai do Davidi. Aɔ̃ Lafɛ̃ɛi í jɛ bi ku manjim. Na nŋu, i maà sɔ̃m i ni ŋa n sa bɛi yɛi n koo n manji si iri kuta ŋau.

Iri ku kɔ̃ 16:1

Iriu ihɛ̃ ti Davidii. Ilaaɔ̃, ǹ wa n tɔɔɛi i degbem, domi bi tɛɛi an manji.

Iri ku kɔ̃ 17:12

À yɛi bɛi muusu nla iyi wa manji si koloɛ ku ba ku mu iŋa. À yɛi má bɛi muusu nla iyi wa saasa a naa iŋa wa ku ŋɔ.

Iri ku kɔ̃ 22:13

Mbɛɛm ŋa à kpɔi nɔ à kaakom bɛi kɛtɛ kombo ŋa. À kaakom nii bɛi kɛtɛ kombo ku nɛ gbugbãi Basãa ŋa.

Iri ku kɔ̃ 31:2

Aɔ̃ Lafɛ̃ɛ, awɔi ì jɛ bi ku manjim maà jɔ̀ anyɔ ku jɛm. Si dee dee ku jɛɛ, jɔ̀ n fita si.

Iri ku kɔ̃ 35:15

Waati iyi ǹ koosɛ, à tɔtɔɔi à waa kpɛ̃ inɔ didɔ̃. Inɛ ŋa iyi à tɔtɔɔ sim à waa cãm ŋau, inɛ njoo ŋai iyi n kù mà. À ya tɔtɔɔi, a maa yaakom waati kãma fei.

Iri ku kɔ̃ 50:22

I ce laakai nɔ i sotĩ i gbɔ ŋa, iŋɛ iyi ì gbɛjɛ idei amu Ilaaɔ̃ ŋa. Bii kù jɛ bɛɛbɛ an na n gagaga ŋɛ nɔ inɛ gɔ kaa gba ŋɛ.

Iri ku kɔ̃ 59:2

Ilaaɔ̃ Lafɛ̃ɛm, nyam hai si awɔi mbɛɛm ŋa. Faabam si gãmɛi inɛ ŋa iyi à dede sim wa.

Mɔnda ŋa 19:12

Idɔɔkɔ̃i ilaalu í ya jɔ̀ njo ku mu inɛi bɛi anu kudɔ̃i muusu nla, amma jiida ku jɛɛ í dɔ̃i bɛi ikpã í ya dɔ̃a fɔfɔ tũtũ si.

Ezai 38:13

Hai ihɛ̃ hee iju ku maa má iku á som. Nɔ bɛi muusu nla í ya lɛgɛ kũkũ ŋa, bɛɛbɛi Aɔ̃ Lafɛ̃ɛ í lɛgɛ kũkũm ŋa. Hai dasã hee idũ ku maa dũ, á tambɔɔm.

Wooda ku kɔsi 33:20

Moizi í fɔ si gãmɛi tɔkui Gadi ŋa í ni, ǹ wa n saabu Aɔ̃ Lafɛ̃ɛ nŋu iyi í mua Gadi bantuma iyi í cĩ. Gadi í sũi bɛi muusu nla iyi í tã sɔɔlu ku ga mɛɛmu iyi í ba í mu í jɛ sɔndaɛ hai ikpaɛ hee ku koo si iriɛ.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Woo kiiti ŋa 18:28

Inɛ kãma kù naa ku faaba ŋa, domi à jĩò ilui Sidɔ̃ɔ, nɔ a kù nɛ anu akã do inɛi ilɛ kãma. Inɛ ŋau à wai si lɔɔma iyi í wa kɔkɔi Bɛti-Rehobu. Ŋɔi inɛi Dãa ŋau à teese à ma iluu nɔ à buba si.