Iri ku kɔ̃ 7:1 - Bibeli do fee

¹ Irii inɔ kufɔu ihɛ̃ ti Davidii. Í kɔ̃ɔa Aɔ̃ Lafɛ̃ɛi si gãmɛi Kusi dimii Bɛnzamɛɛ.

Iri ku kɔ̃ 7:1 Iomraidhean Croise

Iri ku kɔ̃ 11:1

Iriu ihɛ̃ ti inɛ ngboi woo kɔ̃ iri ŋai do Davidi. Aɔ̃ Lafɛ̃ɛi í jɛ bi ku manjim. Na nŋu, i maà sɔ̃m i ni ŋa n sa bɛi yɛi n koo n manji si iri kuta ŋau.

Iri ku kɔ̃ 13:3

Hee waati yoomai aa jɔ̀ n maa n mɔsi do wahala si kuwɛɛm nɔ n maa n wɛɛò inɔ kufɔ si idɔm. Waati yoomai aa jɔ̀ mbɛɛm ku kãmiam.

Iri ku kɔ̃ 13:5

Nɔ mbɛɛm ku maà ni nŋu í kãmiam. Maà jɔ̀ n cuku nɔ mbɛɛm ŋau a nɛ inɔ didɔ̃ nla nla.

Iri ku kɔ̃ 18:2

Aɔ̃ Lafɛ̃ɛ, ǹ biɛ, awɔi ì jɛ gbugbãm.

Iri ku kɔ̃ 18:28

Inɛ ŋa iyi à kaye ara nŋa ì ya so ŋa lelei, inɛ ŋa iyi à waa so ara nŋa lele ì ya kaye ŋai.

Iri ku kɔ̃ 25:2

Aɔ̃ Lafɛ̃ɛm, awɔi ǹ wa n naanɛ, maà jɔ̀ n yɛ anyɔ. Maà jɔ̀ mbɛɛm ŋa a nɛ inɔ didɔ̃ sim.

Iri ku kɔ̃ 26:1

Iriu ihɛ̃ ti Davidii. Aɔ̃ Lafɛ̃ɛ, jɔ̀ n jɛ dee dee, domi isɛɛnɛm kù nɛ lɛɛfi. Aɔ̃ Lafɛ̃ɛi ǹ dasi naanɛ, n kaa n koosɛ pai.

Iri ku kɔ̃ 3:7

Zamaa nkpɔ nkpɔi í dede sim wa, zamaa nkpɔ nkpɔi í kaakom, amma n kù wa n ce njo nŋa.

Iri ku kɔ̃ 30:12

Awɔi ì kpaasi inɔ kufɔm do inɔ didɔ̃. Awɔi ì kpaasi jĩnɛi inɔ kufɔm do jĩnɛi jingau.

Iri ku kɔ̃ 30:2

Aɔ̃ Lafɛ̃ɛ, an fɔ kulaɛ, domi awɔi ì jɔ̀ ǹ baa si kuwɛɛ má. Awɔi i kù jɔ̀ mbɛɛm ŋa a nyaanyim.

Iri ku kɔ̃ 31:15

Amma Aɔ̃ Lafɛ̃ɛ, awɔi ǹ dasi naanɛ, ǹ ni awɔi ì jɛ Aɔ̃ Lafɛ̃ɛm.

Iri ku kɔ̃ 32:10

Wahalai inɛ laalɔ í ya caai, amma inɛ iyi í dasi Aɔ̃ Lafɛ̃ɛ naanɛ jiida ku jɛɛi í ya kaakoɛ.

Iri ku kɔ̃ 43:4

Ikpa bi kuweei Aɔ̃ Lafɛ̃ɛi an bɔ. Ikpa bɛi inɔ didɔ̃m fei í wa. Bɛi an kɔ̃ iri n cĩ Aɔ̃ Lafɛ̃ɛm do mɔɔlɔ.

Iri ku kɔ̃ 89:26

Nŋui an jɔ̀ ku nɛ gbugbã si tenku do ido nla ŋa.

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Zeremi 15:15

Ŋɔi Zeremi í ni, Aɔ̃ Lafɛ̃ɛ, ì mà mii fei sãa sãa si gãmɛm. Dasi ideu baa na irim. Jaam bi woo kpãm iju ŋau bɛ. Maà jɔ̀ n ku, awɔ iyi idɔɛ ci ya saasa ku kɔ̃. Jɔ̀ i mà iyi na iriɛi ǹ wa n temuaò arabu ŋa.

Zeremi 20:11

Amma Aɔ̃ Lafɛ̃ɛ, ì nɛ gbugbã, nɔ awɔi ì waa jaam. Inɛ ŋa iyi à waa kpãm iju ŋaui aa koosɛ a cuku, nɔ a kaa jɛ igũ. Anyɔ á mu ŋai do iyi aa yɛ aŋa a kù jɛ igũ. Si anyɔi aa maa wa hee do ajɔ fei, nɔ inɛ kãma kaa gbɛjɛ ideɛ.

Zeremi 31:18

Ǹ wa n gbɔ inɛi Efaraimu ŋa iyi à waa weewea à waa ni, Aɔ̃ Lafɛ̃ɛ, ì kpã wa iju, nɔ à yɛ ijuukpãui bɛi ama kɛtɛ iyi wa kɔ̀ ide. Amma jɔ̀ a sinda a baa bi titɛɛ ku ba a baa ntɔ ntɔ, domi awɔ Aɔ̃ Lafɛ̃ɛi ì jɛ Lafɛ̃ɛ nwa.

Daniɛli 9:4

Amu Daniɛli, si kutɔɔm nɔu, ǹ wa n tɔɔ Aɔ̃ Lafɛ̃ɛ ku cea inɛm ŋau suurui kurara nŋa ŋai. Si kutɔɔm nɔu ǹ ni, Lafɛ̃ɛ Ilaaɔ̃, awɔ iyi ì la nɔ ì to njo, nɔ ì ya kɔ̃ akabuuɛ, dee dee ku jɛɛ í ya wa si gãmɛi inɛ ŋa iyi à biɛ nɔ à waa jirima woodaɛ ŋa.

Abakuku 3:1

Abakuku waliiu í ce kutɔɔ do kukpata,

Zakari 14:5

Angbɔɔu á bɔi hee Asali. Bɛi aa too i saò ŋa. Aa sa ŋai bɛi bala nŋɛ ŋa mɔ à saa kuyayai ilɛ wo, si waatii Oziasi ilaalui Zudaa. Waati bɛɛbɛi Aɔ̃ Lafɛ̃ɛm á naa do amalekaɛ ŋa fei.

Zozue 14:8

Kpaasim ŋa iyi awaò ŋa à naau à fɔ́ inɔi inɛ nwa ŋau, amma amu ǹ too si kpãai Aɔ̃ Lafɛ̃ɛm nii dee dee.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 4:19

Na nŋu, inɛ ŋa iyi à waa yɛ ijuukpã si idɔɔbii Ilaaɔ̃, í sĩa a teese a maa ce jiidaɛ nɔ a leekĩ do woo taka nŋa iyi í jɛ ilu naanɛ.