Iri ku kɔ̃ 4:8 - Bibeli do fee

⁸ Awɔi ì ya jɔ̀ n nɛ inɔ didɔ̃ ku re inɛ ŋa iyi à da amaajɛ nkpɔ nkpɔ nɔ à ba atɛ̃ vɛ̃ɛ bãm bãm.

Iri ku kɔ̃ 4:8 Iomraidhean Croise

Iri ku kɔ̃ 16:11

Ì nyisim kpãa iyi wa bɔ si kuwɛɛ. Ǹ nɛ inɔ didɔ̃ nla nla si na iyi í jɔ̀ ì wɛɛ do amu. An maa n wɛɛ do inɔ didɔ̃ bi titɛɛ hee do ajɔ fei.

Iri ku kɔ̃ 3:5

Bii ǹ dɔ̃ anu si Aɔ̃ Lafɛ̃ɛ hee lele, í ya gbɔ imum hee si iri kuta kumáɛ bii í waui. Kusĩmi.

Mɔnda ŋa 3:24

Njo kaa muɛ bii ì waa sũ, nɔ njooɛ á dɔ̃.

Ezai 9:2

Aɔ̃ Lafɛ̃ɛ, awɔi ì jɔ̀ zamaai ilɛu í kpɔ wa kɔ̃ɔsi, nɔ ì jɔ̀ inɔ didɔ̃ɛ mɔ wa la ntɔ ntɔ. Nɔ à wɛɛò inɔ didɔ̃ si wajuɛ bɛi si waatii amaajɛ ŋa ku da, walakɔ bɛi si waatii ku kpɛ̃i mii ŋa iyi à ko wa hai bi ku ce igũ.

Ezekiɛli 34:25

An dĩ akabuui laakai ku sũi do mɛɛmu gaam ŋa. An lele mɛɛmu buu ŋaui hai si ilɛu. Do yaase bɛɛbɛ, mɛɛmu gaam ŋa aa ba a wɛɛi do laakai ku sũ si gbaa, nɔ a ya maa sũ si abɛ wua ŋa.

Ozee 2:18

Ŋɔi Aɔ̃ Lafɛ̃ɛ í ni, si ajɔ nŋu bɛ, awɔ Izirɛli, aa kpem nii i ni, mɔkɔm. I kaa kpem i ni, Baali lafɛ̃ɛm.

Kuwee 26:5

Amaajɛi iko nŋɛ ŋau ku kpokpoɛ á bɔi hee waatii isoi jĩi ndii rezɛ̃ɛ ŋa ku ka, nɔ isoi jĩi ndii rezɛ̃ɛ ŋau ku ka mɔ á bɔi hee waatii ku gbɛ̃ mmuɛ má. Aa ba ijɛ ŋai jiida jiida, nɔ i wɛɛò laakai ku sũ si ilɛ nŋɛ má.

Wooda ku kɔsi 12:10

Amma aa koo i kua idoi Zuudɛ̃ɛu ŋai nɔ i buba si ilɛ iyi Aɔ̃ Lafɛ̃ɛ í mu nŋɛu, si anyiɛ nɔ ku mu nŋɛ kusĩmi waati iyi á nya ŋɛ hai si awɔi mbɛɛ ŋa iyi à kaako ŋɛ ŋau, nɔ ku jɔ̀ i buba do laakai ku sũ ŋa.

Tɛsalonika 1, 5:10

Nŋui í ku na iri nwa ku ba bii à wɛɛ si hunde si waati iyi á nyi wa walakɔ bii à nɔ à ku mɔi, ka wɛɛ do nŋu ajɔ.

Kuyɛi Zãa 14:13

Si anyii nŋu, ǹ gbɔ ide ku fɔ gɔ má hai lele í ni, kɔ iyi ihɛ̃, ilu inɔ didɔ̃ ŋai inɛ ŋa iyi aa na a ku hai nsɛi na naanɛ iyi à dasi Lafɛ̃ɛ. Ŋɔi Hundei Ilaaɔ̃ í ni, ntɔi, bɛɛbɛi. Aa sĩmi, domi ribai icɛ jiida nŋa á too ŋa.