Iri ku kɔ̃ 4:5 - Bibeli do fee

⁵ Bii idɔ nŋɛ í kɔ̃, i maà ce dulum ŋa. I ce lasabu ŋa si idɔ nŋɛ bii ì waa sũ nɔ i coko ŋa. Kusĩmi.

Iri ku kɔ̃ 4:5 Iomraidhean Croise

Samuɛli 2, 15:12

Waati iyi Abusalɔmu wa ce kuwee ŋau, ŋɔi í bɛ inɛ gɔ koo kpe Ahitofɛli woo kɔ Davidiu wa hai Gilo. Ŋɔi inɛ ŋa iyi aŋaò ŋa à waa ce sɔɔlui zambau à waa ba gbugbã nɔ à kpɔ à wasi ku kɔ̃ɔsi.

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 26:1

Iriu ihɛ̃ ti Davidii. Aɔ̃ Lafɛ̃ɛ, jɔ̀ n jɛ dee dee, domi isɛɛnɛm kù nɛ lɛɛfi. Aɔ̃ Lafɛ̃ɛi ǹ dasi naanɛ, n kaa n koosɛ pai.

Iri ku kɔ̃ 37:3

Dasi Aɔ̃ Lafɛ̃ɛ naanɛ nɔ i maa ce mii iyi í sĩa. Wa si ilɛu nɔ i maa jɛ kuwɛɛɛ si dee dee ku jɛ.

Iri ku kɔ̃ 50:14

Saabui í nɛ ku jɛ kuwee iyi aa cea amu Ilaaɔ̃ Lafɛ̃ɛɛ nɔ i kɔ̃ kuwã ŋa iyi ì ce si gãmɛi amu iyi ǹ wa hee lele.

Iri ku kɔ̃ 51:19

Kuwee ŋa iyi ì bii í jɛ idɔ ku kaye. Inɛ ŋa iyi à kaye ara nŋa nɔ à ce tuuba, i kaa kɔ̀si ŋa.

Iri ku kɔ̃ 62:8

Si Ilaaɔ̃i faabam do bɛɛrɛm í wa, nŋui í jɛ kuta ku nɛ gbugbãm. Ilaaɔ̃i í jɛ bi ku manjim.

Iri ku kɔ̃ 77:7

Ǹ ye gigii irim ŋa idũ. Ǹ wa n lasabu si idɔm, nɔ hundem wa bam ide ku fɔ wa ni,

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Ezai 61:8

Ntɔ ntɔ, amu Aɔ̃ Lafɛ̃ɛ, asaiyai ǹ bi inɛ ŋa a ya too si. N kù bi laalɔ do a bata inɛ a gba mii ndɛɛ do gbugbã. Nɔ [bii ì waa ce bɛi ǹ dɔ̃u ŋa,] amui an jɔ̀ i ba riba nŋɛ ŋa dee dee nɔ n dĩ akabuu hai nɛ kɔɔ do iŋɛ.

Malasi 1:8

Ì ya maa ce kuwee ŋai do mɛɛmu gɔ ŋa iyi à fɛɛju, walakɔ iyi kutɛ akã nŋa kù waa nɛ baani, walakɔ mɛɛmu bɔ̃ɔ. Iyi bɛ kù jɛ mii laalɔ? Ǹ wa n bee ŋɛi amu Aɔ̃ Lafɛ̃ɛi lele do ilɛ, bii ì waa kooa ilu ilɛ nŋɛ mɛɛmu dimii bɛɛbɛ ŋa, á nɛ si inɔ didɔ̃? Á gbaa do inɔ akã mbɛ?

Matie 5:23

Na nŋu, bii ì naaò amuai Ilaaɔ̃ wa bi kuwee nɔ bɛi ì ye gigi iyi kpaasiɛ gɔ wa mu taaleɛ,

Wooda ku kɔsi 33:19

Aa ya kpe inɛi kɔkɔ nŋɛ ŋai a bɔ si iri kuta kumá gɔ a koo a ce kuwee ŋa si yaase bɛi à jilɛ, domi aa fa amani nŋɛ ŋa wai hai si tenku do iyi wa singa si sãa ŋau.

Piɛɛ 1, 4:19

Na nŋu, inɛ ŋa iyi à waa yɛ ijuukpã si idɔɔbii Ilaaɔ̃, í sĩa a teese a maa ce jiidaɛ nɔ a leekĩ do woo taka nŋa iyi í jɛ ilu naanɛ.