Iri ku kɔ̃ 4:2 - Bibeli do fee

² Ilaaɔ̃, waati iyi ǹ dɔ̃ siɛ anu, awɔ iyi ì ya jɔ̀ ǹ ba ntɔ, jɛɛm. Waati iyi ǹ wa si inɔ kufɔ, awɔi ì ya jɔ̀ ǹ nɛ aram. Ceem didɔ̃ nɔ i gbɔ kutɔɔm.

Iri ku kɔ̃ 4:2 Iomraidhean Croise

Iri ku kɔ̃ 106:20

À kpaasi Ilaaɔ̃ ilu amboe nŋa do mii iyi í jɔ kɛtɛ iyi í jɛ mɛɛmu ku jɛ fɔfɔ.

Iri ku kɔ̃ 14:6

Iŋɛ woo ce laalɔ ŋa, ì waa bɛjɛ lasabui icɛ iyi ilu are ŋa à dasi idɔ a ce, amma Aɔ̃ Lafɛ̃ɛ wa degbe ŋa.

Iri ku kɔ̃ 2:1

Na mii í ce inɛi ilɛ ŋa à ya maa ja. Na mii í ce à ya maa ce lasabu ngbɛ ngbɛ.

Iri ku kɔ̃ 3:3

Inɛ nkpɔi wa ni si gãmɛm, faabaɛ kù wa bi Ilaaɔ̃. Kusĩmi.

Iri ku kɔ̃ 31:6

Aɔ̃ Lafɛ̃ɛ, ǹ so kuwɛɛm n daaɛ si awɔ, nɔ ì faabam awɔ iyi ì jɛ dee dee.

Iri ku kɔ̃ 5:6

Ilu faau ŋa a kaa yɔkɔ a leekĩ si wajuɛ, nɔ inɛ ŋa iyi à waa ce laalɔ fei ì cé ŋai.

Iri ku kɔ̃ 50:15

Kpem ajɔ iyi ì wa si inɔ kufɔ, an jɛɛ, n nyaɛ nɔ i mà bɛɛrɛm.

Iri ku kɔ̃ 57:4

Hai lelei á na ku faabam baa do iyi mbɛɛm wa lelem fei. Kusĩmi. Aɔ̃ Lafɛ̃ɛ á nyisim jiida ku jɛɛ do ntɔɛ.

Iri ku kɔ̃ 58:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do imu iyi wa ni, maà jɔ̀ ku ce nfe.

Iri ku kɔ̃ 58:3

Aawo, bɛi idɔ nŋɛ í bii ì waa ce ŋa nɔ iyi bɛ kurarai. Si ilɛu inɔ kukãi ì waa muaa gbugbã ŋa.

Iri ku kɔ̃ 63:11

Aa kpa ŋai do taakuba, nɔ a jɛ sɔndai ajaako ŋa.

Iri ku kɔ̃ 72:2

nɔ ku ya kiiti inɛɛ ŋa si ntɔ, hai nɛ gbugbã ŋa mɔ si dee dee ku jɛ.

Kufita 10:3

Ŋɔi Moizi do Arɔ̃ɔ à koo bi Faraɔ̃ à sɔ̃ɔ à ni, Aɔ̃ Lafɛ̃ɛi inɛi Ebɛɛ ŋa í ni, hee waati yoomai aa kɔ̀ ku kaye araɛ si wajui nŋu. Í ni i jɔ̀ inɛi nŋu ŋa a nɛ ku ba a koo a tɔɔ nŋu.

Mɔnda ŋa 1:22

hee waati yoomai aa jɔ̀ icɛi nnyɛi ku ce nŋɛu ŋa. Iŋɛ woo yaako inɛ ŋa, hee waati yoomai aa jɔ̀ inɛ ŋa ku yaako ŋa. Iŋɛ hai nɛ kumà ŋa mɔ, hee waati yoomai aa leekĩò kumà ku cé ŋa.

Woo lasabu 8:11

Si bɛi a ci ya kpã woo ce laalɔ ŋa iju gbãa gbãa, ŋɔi í jɔ̀ amanɛ ŋa à ya maa bi laalɔ ku ce.

Woo lasabu 9:3

Ntɔ ntɔ, golo akãi á cã inɛ fei. Goloui í jɛ iku. Nɔ iyi í re mɔm, laalɔi í ya maa kɔ̃ si idɔi amanɛ ŋa do lasabu hai nɛ yaase si kuwɛɛ nŋa fei a bɛi a ku. Iyi bɛi í jɛ wahala iyi wa ce si andunya.

Ezai 20:5

Nɔ aa wai si zigiida do si anyɔ nla nla na inɛi Etiopi ŋa si bii kpãa ku cɔ nŋa í wau do si Ezibiti iyi à waa kaabau.

Ezai 45:17

Amma Izirɛli inɛ nŋu, hai bi Aɔ̃ Lafɛ̃ɛi í ba faaba hee do ajɔ fei. Inɛ nŋu kaa dasi anyɔ ajɔ kãma.

Ezai 59:4

Ide ŋa iyi ì ya bɔò ile bi ku ce kiiti ŋa ci ya jɛ dee dee. Inɛ kãma nŋɛ gɔ ci ya bɔ bi ku ce kiiti do ide iyi wa too kpãa. Si inya ngbɛi naanɛ nŋɛ í ya wa, nɔ ide ku fɔ nŋɛ ŋa kãma ci ya nɛ icu. Lasabu nŋɛ si inɛ ŋa ku kpã ijui í ya wa, nɔ iri ku kpaɛ, laalɔi í ya na ku bí.

Zeremi 2:11

Dimi gɔ ci ya kpaasi iwɛ̃ɛ ŋa baa do iyi a kù jɛ bɛi Aɔ̃ Lafɛ̃ɛ fei. Amma iŋɛ zamaam ŋa, ì kpaasi amboe nŋɛ do mii iyi kaa sobi ŋɛ si nkãma.

Zeremi 2:5

Aɔ̃ Lafɛ̃ɛ í ni, kuce hai jɛ dee dee yoomai bala nŋɛ ŋa à yɛ sim iyi í jɔ̀ à saam, nɔ à koo à waa tɔɔ iwɛ̃ nfe ŋa hee aŋa taka nŋa à baa à jɛ nfe.

Zeremi 9:3

Na nŋu, inɛ fei ku maa ce laakaii araɛ do inɛ mmu ŋa, nɔ inɛ kãma ku maà naanɛ inɛɛ ŋa, domi aŋa fei à baa à jɛ inɛ laalɔ woo zamba ŋa, nɔ aŋa fei à ya maa nya fũnɛi inɛi.

Ozee 4:7

Bɛi woo wee ŋau à kpɔ à waa kɔ̃ɔsi bɛɛbɛ mɔi dulum du ŋa í ya maa kɔ̃ɔsi. Na nŋu, an kpaasi mii iyi í jɛ bɛɛrɛ nŋaui ku baa ku jɛ nŋa mii ndii anyɔ.

Zonasi 2:8

Waati iyi hundem wa bi ku da ǹ ye gigiɛ awɔ Aɔ̃ Lafɛ̃ɛ, nɔ kutɔɔm í to hee si kpasɛ̃ kumáɛu.

Kuka 14:11

Ŋɔi Aɔ̃ Lafɛ̃ɛ í bee Moizi í ni, hee waati yoomai inɛ ŋau ihɛ̃ aa leekĩò ku yaakom. Hee waati yoomai aa dasim naanɛ, baa do maamaake ŋa iyi ǹ ce si anini nŋa ŋau fei.

Woo bɛ ŋa 24:9

Iyi Tɛɛtulu í fɔ bɛɛbɛ í tã nɔ Zuifu ŋa iyi à wa bɛu fei à ni ideu ntɔi.

Kɔrɛnti 1, 1:31

Na nŋu, inɛ iyi wa tɔɔ fufu ku tɔɔ na irii Lafɛ̃ɛ. Bɛɛbɛi kukɔi idei Ilaaɔ̃ í ni.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Samuɛli 1, 12:21

I maà sinda i koo i maa tɔɔ iwɛ̃ nfe ŋa. Iwɛ̃ ŋa a kaa naa nŋɛ aranfãani kãma wa nɔ a kaa yɔkɔ a faaba ŋɛ, domi a kù jɛ nkãma.