Iri ku kɔ̃ 3:8 - Bibeli do fee

⁸ Aɔ̃ Lafɛ̃ɛm, dede i faabam. Tɛɛsɛ mbɛɛm ŋau, nɔ i jɔ̀ ilu inɔ kukã ŋau a kua gbugbã.

Iri ku kɔ̃ 3:8 Iomraidhean Croise

Samuɛli 2, 23:12

Ŋɔi Sama í koo í leekĩ si aninii ikou ku ba ku gbaa hai bi inɛi Filisi ŋau, nɔ í jɛ ŋa igũ. Nɔ Aɔ̃ Lafɛ̃ɛ í nyisi ŋa faaba nla nla ajɔ nŋu.

Iri ku kɔ̃ 119:94

Titɛɛi ǹ jɛ, faabam domi ǹ wa n dɛdɛ woodaɛ ŋa ku mà.

Iri ku kɔ̃ 29:11

Aɔ̃ Lafɛ̃ɛ ku mua inɛɛ ŋa gbugbã, ku wee nŋa nɔ ku mu nŋa laakai ku sũ.

Iri ku kɔ̃ 31:16

Kuwɛɛm fei í wa si awɔɛ, nyam hai si awɔi mbɛɛm ŋa do hai si awɔi inɛ ŋa iyi à waa kpãm iju.

Iri ku kɔ̃ 58:7

Ilaaɔ̃, cɛ inyí nŋa nɔ i lɛgɛ kɛkɛlɛ nŋa, aŋa iyi à yɛ bɛi muusu nla ŋa.

Iri ku kɔ̃ 72:17

Bɛi inunu í ya maa fita waati kãma fei jɔ̀ iriɛ ku maa wɛɛ hee do ajɔ fei. Jɔ̀ inɛ ŋa a ya maa kpe iriɛ waati iyi à waa weea njɛ fei, nɔ inɛi ilɛ ŋa fei a fɔ a maa ni, ilu inɔ didɔ̃i.

Iri ku kɔ̃ 9:20

Aɔ̃ Lafɛ̃ɛ, dede, maà jɔ̀ amanɛ ku jɛ igũ. Jɔ̀ inɛi ilɛ ŋau a naa si wajuɛ nɔ i kiiti ŋa.

Mɔnda ŋa 21:31

Ajɔi igũ à ya dĩa acĩ ŋa gaayi a bɔò ŋa igũ, amma igũ ku jɛu í wa awɔi Aɔ̃ Lafɛ̃ɛ.

Ezai 43:11

Amu akãi ǹ jɛ Aɔ̃ Lafɛ̃ɛ. Bii baam í lɔ, woo faaba gɔ kù wɛɛ má.

Zeremi 3:23

Ntɔ ntɔ iwɛ̃ ŋa iyi inɛ ŋa à ya maa tɔɔ si geete ŋau do iba iyi wa naa hai si antaii iri kuta iboi. Amma si Aɔ̃ Lafɛ̃ɛ nwai faabai Izirɛli í wa.

Ozee 13:4

Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Zonasi 2:9

Inɛ ŋa iyi à waa tɔɔ iwɛ̃ ŋa aa kua didɔ̃i Aɔ̃ Lafɛ̃ɛi.

Kuka 10:35

Waati iyi à waa nɛò kpakoi akabuuu, Moizi í ni, dede, Aɔ̃ Lafɛ̃ɛ nɔ mbɛɛɛ ŋa a fangaa. Jɔ̀ inɛ ŋa iyi à céɛ ŋau a sa hai wajuɛ.

Woo bɛ ŋa 3:26

Bɛɛbɛi Ilaaɔ̃ í jɔ̀ woo ce icɛɛ í fita hai bi tu ŋɛ nɔ í bɔɔ wai ku ba ku wee nŋɛ ku ba iŋɛ fei i sinda i jɔ̀ laalɔ ku ce nŋɛ.

Woo bɛ ŋa 4:12

Woo faaba gɔ kù wɛɛ má bii kù jɛ nŋu akã, domi Ilaaɔ̃ kù na irii inɛ gɔ má si andunya iyi aa ka kpe ka baò faaba.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Ebɛɛ 6:14

í ni, an weeɛ do ntɔ, nɔ n jɔ̀ dimiɛ ku kpɔ.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.

Kuyɛi Zãa 19:1

Si anyii nŋu, ǹ gbɔ ide ku fɔ gɔ bɛi anu ku dɔ̃i zamaa ikpa lelei Aɔ̃ í ni, ka saabu Ilaaɔ̃ Lafɛ̃ɛ nwa, nŋui í faaba wa, í nɔ í nɛ amboe do gbugbã.

Kuyɛi Zãa 7:10

À dɔ̃ anu à waa ni, faaba nwa wa naai hai bi Ilaaɔ̃ Lafɛ̃ɛ nwa iyi wa buba si kitãi bommau do hai bi ama angudãu.