Iri ku kɔ̃ 26:3 - Bibeli do fee

³ Jiida ku jɛɛ í wa si wajum, nɔ ǹ wa n nɛ si ntɔɛ.

Iri ku kɔ̃ 26:3 Iomraidhean Croise

Ilaalu 2, 20:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Iri ku kɔ̃ 101:2

Ǹ bi n gbɔ yaasei kpãa iyi í jɛ dee dee, nɔ n tooɛ. Waati yoomai aa naa bi tom. An maa n nɛi do idɔ iyi í má si aninii inɛi kpasɛ̃m ŋa.

Iri ku kɔ̃ 119:142

Dee dee ku jɛɛ, á maa wɛɛi hee do ajɔ fei, nɔ woodaɛ ŋai à jɛ ntɔ.

Iri ku kɔ̃ 25:5

Jɔ̀ n maa n nɛ si ntɔɛ ajɔ fei nɔ i ya maa kɔm, domi awɔi ì jɛ Aɔ̃ Lafɛ̃ɛ woo faabam. Siɛi kpãa ku cɔm í ya wa ajɔ fei.

Iri ku kɔ̃ 52:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 86:11

Aɔ̃ Lafɛ̃ɛ, jɔ̀ n mà idɔɔbiɛ, nɔ n maa n nɛ si ntɔɛ. Lasabui mii akã ku dɛdɛ iyi ǹ bi i daam si idɔi í jɛ n mà bɛɛrɛɛ.

Ezai 2:5

Iŋɛ tɔkui Zakɔbu ŋa, i naa wa ŋa ka nɛ si inya kumái Aɔ̃ Lafɛ̃ɛ.

Ezai 8:20

à nɛ ka baai si woodai Ilaaɔ̃ do si akabuu iyi awaò ŋa à nɛ. Nɔ inɛ iyi kù ceò ide ŋau bɛ icɛ, kaa yɛ inya kumái amɛɛjuumá.

Luku 6:36

I jɔ̀ i nɛ araarei inɛ ŋa bɛi Baa nŋɛ mɔ í nɛ.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Efɛɛzu 4:32

I cea njɛ didɔ̃ ŋa, nɔ i ya nɛ araarei njɛ ŋa, nɔ i ya kpaa njɛ idei kurara ŋa bɛi Ilaaɔ̃ í kpa idei dulum dii iŋɛ mɔ na irii Kirisi.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Zãa 2, 1:4

Ǹ nɛ inɔ didɔ̃ ntɔ ntɔ do iyi ǹ gbɔ amaɛ gɔ ŋa à waa nɛ si kpãai ntɔ, si bɛi Ilaaɔ̃ Baaba í jilɛ nwa.

Zãa 3, 1:11

Awɔ baakɔɔm, maà too kuce laalɔ, í gbe kuce jiida. Inɛ iyi wa ce jiida, ti Ilaaɔ̃i, amma inɛ iyi wa ce laalɔ kù mà Ilaaɔ̃.